މިއީ ހަމާސް އާއި އިސްރާއީލު ސިފައިންނާ ދެމެދު ކުރިޔަށްދާ ހަނގުރާމައިގެ 21 ވަނަ ދުވަސް، 27 އޮކްޓޯބަރ 2023ގައި ހިނގާފައިވާ މައިގަނޑު ހާދިސާތަކުގެ އުސްއަލިތަކެވެ.

🔴 ޣައްޒާގެ އިންޓަނެޓާއި މުވާސަލާތީ ގުޅުންތައް މިހާރު މުޅިންހެން މެދުކެނޑުމަކަށް އައިސްފައިވާއިރު، ޣައްޒާއާއި މުޅި ދުނިޔެއާ މިވަނީ ގުޅުން ކެނޑިފައި. އަދި އ.ދ. ހިމެނޭހެން ޣައްޒާގައި ހަރަކާތްތެރިވަމުން އަންނަ ބައިނަލްއަގްވާމީ އެހީދޭ ޖަމްއިއްޔާތަކުން ބުނަމުން އަންނަނީ، ޣައްޒާގައި ތިބި އެމީހުންގެ ޓީމުތަކާ ވެސް އެއްކޮށް ގުޅުންކެނޑިފައިވާކަމަށް.

🔴 އިސްރާއީލުގެ އަސްކާރިއްޔާއިން ޣައްޒާ ރެއިޑް ކުރުމަށް ތައްޔާރުވެ، އެ އޮޕަރޭޝަން ފުޅާ ކުރަމުން އަންނަކަން އިއުލާންކުރުމަށްފަހު، އެމީހުންގެ ހަމަލާތައް ވަރުގަދަކޮށް، މެދުކެނޑުމެއްނެތި ޣައްޒާއަށް މިހާރު ދަނީ ބޮން އަޅަމުން. ހަމާސްއިން ބުނަމުން އަންނަނީ މި ހަމަލާތައް މައިތިރިކުރުމަށް އެމީހުން މަސައްކަތްކުރަމުން އަންނަކަމަށް.

Advertisement

🔴 ޣައްޒާގައި ހުރި އަލް-ޝިފާ ހޮސްޕިޓަލަކީ ހަމާސް އިން އޮޕަރޭޓްކުރާ ހޮސްޕިޓަލެއްކަމަށް ބުނެ، އެ ހޮސްޕިޓަލަށް ހަމަލާ ދިނުމުގެ ވިސްނުން އިސްރާއީލު ސިފައިން ގެންގުޅެމުންދާއިރު، ފަލަސްތީނުގެ އޮފިޝަލުންވަނީ މިކަން ދޮގުކޮށްފަ. އަދި އ.ދ.ގެ ކުރީގެ ޙާއްސަ ރިޕޯޓަރަކު އަލްޖަޒީރާއަށް ވިދާޅުވީ، އިސްރާއީލުން މަސައްކަތް ކުރަނީ މި ހަމަލާގެކުރިން އާންމުންގެ ހިޔާލު ހޯދުމަށްކަމަށް.

🔴 ޣައްޒާއާއި އިސްރާއީލު ގުޅޭ ހިސާބުގައި ދެމުންގެންދާ ހަމަލާތައް ޣައްޒާގެ އިތުރު 3 ސަރަޙައްދަކަށް ވަނީ ފުޅާކޮށްފައި.

🔴 އ.ދ.ގެ ޖެނެރަލް އެސެމްބްލީން އިންސާނީ ހަނގުރާމަ ހުއްޓާލުމަށް ގޮވާލާ ގަރާރެއް ފާސްކޮށްފައިވާއިރު، އެމެރިކާ އާއި އިސްރާއީލުން އިސްކޮށް ތިބެ، 14 ގައުމަކުން ވަނީ އެ ފިޔަވަޅާ ދެކޮޅަށް ވޯޓު ދީފައި.

🔴 ބައިޑެންގެ ސަރުކާރުން ބުނަމުން އަންނަނީ، އިސްރާއީލަށް މި ހަނގުރާމައިގައި ހުރަސްކުރަން ނުޖެހޭ ރަތް ރޮނގެއް، ނުވަތަ ކަނޑައެޅިފައިވާ ވަކި ހައްދެއް އެމެރިކާއިން ކަނޑަނާޅާނެކަމަށް. އަދި  މި ހަނގުރާމައިގައި އިސްރާއީލަށް ތާއިދުކުރާކަން އަންނަނީ ތަކުރާރު ކުރަމުން.

🔴 ލުބުނާނުގައި ހުންނަ އެމެރިކާގެ އެމްބަސީއިން އަންގަނީ، ހަނގުރާމަ އިތުރަށް ފުޅާވަމުން އަންނާތީ އެ ލުބުނާނުގައި ތިބި އެމެރިކާގެ ރައްޔިތުން އެ ގައުމު ދޫކޮށް ދިއުމަށް.