އާޒިމް ވިދާޅުވީ، ރައްޔިތުންނަށް ދިމާވެފައިވާ ކަންކަން ހައްލުކޮށްދެވޭނީ ސަރުކާރާއި މުއައްސަސާތަކުގެ ފުރިހަމަ އެއްބާރުލުމާއެކުގައި ކަމަށާއި، ސިޓީ ކައުންސިލަށް ސަރުކާރުގެ ފުރިހަމަ އެއްބާރުލުން ލިބޭނެ ކަމަށް އޭނާ ޔަޤީން ކުރައްވާ ކަމަށެވެ. އަދި ލާމަރުކަޒީ ނިޒާމް ތަރުތީބުވެ ހިނގަމުންދަނީ، މަރުކަޒީ ސަރުކާރުގެ އެއްބާރުލުމާއި އެހީތެރިކަން ލިބިގެން ހިންގޭނެ ނިޒާމެއްގެ ގޮތުގައި ކަންވެސް އާޒިމްގެ ވާހަކަފުޅުގައި ފާހަގަކުރެއްވިއެވެ.

މިއަދު މާލޭ ސިޓީކައުންސިލުން ވަނީ، މިއަދު ބޭއްވި އެކައުންސިލްގެ 4 ވަނަ ދައުރުގެ 130 ވަަނަ ޖަލްސާގައި ވަނީ، އެކައުންސިލުން ހިންގާ ބޮޑެތި ޕްރޮޖެކްޓްތައް އިންފްރާސްޓްރަކްޗާ މިނިސްޓްރީން ހިންގާ ގޮތަށް ފާސްކޮށްފައެވެ. އެހުށައެޅުން ފާސްކޮށްފައި ވަނީ ކައުންސިލްގެ ޖަލްސާގައި ބައިވެރިވި، މެމްބަރުންގެ ތެރެއިން 10 މެމްބަރުންގެ ވޯޓުންނެވެ.

ރައްޔިތުންގެ މަޖިލިސް އިންތިހާބު އެމްޑީޕީން ބޮޑު އަގުލަބިއްޔަތަކުން ކާމިޔާބުކުރާނެ ކަމަށް މާލޭ މޭޔަރުކަމަށް އިންތިހާބުވި އާދަމް އާޒިމް ރޭ ވިދާޅުވެއްޖެއެވެ.

މިއަދު ބޭއްވި އިންތިޚާބު އިދިކޮޅު އެމްޑީޕީގެ ކެންޑިޑޭޓް އާދަމް އާޒިމް ކާމިޔާބު ކުރެއްވީ ބޮޑު ތަފާތަކުންނެވެ. މިއިންތިޚާބުގައި އާދަމް އާޒިމް ވޯޓުލީ މީހުންގެ ގާތްގަނޑަކަށް %44 އިންސައްތަ ވޯޓު ހޯއްދެވިއެވެ.

އާޒިމް ވިދާޅުވީ އެމުވައްޒަފުންގެ މުސާރަކުޑަކޮށް އެފައިސާ ނުކަނޑައިވެސް އެކަން ކުރެވޭނެ ގޮތްތައް ހުންނާނެ ކަމަށެވެ. މިގޮތުން އެ މުވައްޒަފުންގެ މުސާރަކުޑަކޮށްގެން ދައުލަތަށް އެފައިސާއިން ކުރެވޭނެ ކަމަކަށްވުރެ އެމުވައްޒަފުންނަށް އެމުސާރަ ލިބޭނެ ގޮތަކަށް ބޭއްވުންވެސް މާރަނގަޅުވާނެކަން އާޒިމް ވަނީ ފާހަގަކުރައްވާފައެވެ.

އާޒިމް ވިދާޅުވީ، މިހާތަނަށްވެސް ކުރެއްވި ހުރިހާ މަސައްކަތެއްގައި މާތްﷲ ގެ ވާގިފުޅާއިއެކު ކާމިޔާބު ހޯދުނު ކަމަށެވެ. އެހެންކަމުން މިފަހަރު އިންތިޚާބަށް ނުކުމެވަޑައިގެންނެވީ ކާމިޔާބު ހޯދޭނެކަމުގެ ޔަޤީންކަމާއި އެކުގައި ކަމަށްވެސް އާޒިމް ވިދާޅުވިއެވެ. އާޒިމް ވިދާޅުވީ، މިހާތަނަށް ހަވާލުވި ކޮންމެ ތަނަކުންވެސް ވަކިވެވަޑައިގެންނެވީ އެތަނަކީ، ފައިދާވާ އަދި ހަރުދަނާ ތަނަކަށް ހައްދަވައި ދެއްވުމަށް ފަހުގައި ކަމަށެވެ.

އާޒިމް ވިދާޅުވީ، މިސަރުކާރު ވެރިކަމަށް އައުމަށް ދެއްކި ހުރިހާ ވާހަކަތަކަކީވެސް ދޮގުވާހަކަތަކެއްކަން މިހާރު އެދަނީ ސާބިތުވަމުން ކަމުގައެވެ. އެގޮތުން އިންޑިއާ ސިފައިންނާއި ބެހޭ ގޮތުން މިސަރުކާރުން ވެރިކަމަށް އައުމަށް ދެއްކި ވާހަކަތައް ޚާއްޞަ ގޮތެއްގައި އާޒިމް ފާހަގަކުރެއްވިއެވެ.

ނ.ޣ.ޢ.ވ އަބުދުﷲ ޝާހިދު ވިދާޅުވީ، ވެރިކަމަށް އައުމަށް މިސަރުކާރުން ދެއްކީ ދޮގު ވާހަކަތަކެއްކަން މިވެރިކަމަށް 52 ދުވަސް ވީއިރު، މިހާރު ރައްޔިތުންނަށް އެނގިފައިވާ ކަމަށެވެ. މިގޮތުން އިންޑިއާ ސިފައިންނާއި ގުޅިގެން ދެއްކި ވާހަކަތަކާއި އިންޑިއާއާއި އެކު ރާއްޖެއިން އެތައް ސަތޭކަ އެއްބަސްވުމެއް ހަދާފައިވާކަމަށް ބުނެ ދެއްކި ވާހަކަތާއި، ޗާގޯސް ކަނޑުވިއްކާލީ ކަމަށް ބުނެ ދެއްކި ވާހަކަތަކަކީ ދޮގުވާހަކަތަކެއް ކަން މިހާރު ރައްޔިތުންނަށް އެނގި ހާމަވެފައިވާ ކަމުގައި ޢަބުދުﷲ ޝާހިދު ވިދާޅުވިއެވެ.

ރައީސުލްޖުމްހޫރިއްޔާގެ ނައިބު ފައިޞަލް ނަސީމްގެ ވާހަކަފުޅުގައި، ވިދާޅުވީ އާދަމް އާޒިމްއަކީ، މަސައްކަތް ކުރެއްވި ކޮންމެ ތަނެއްގައިވެސް ނަތީޖާ ދައްކަވާފައިވާ ބޭފުޅެއް ކަމަށެވެ. އެހެންކަމުން އާޒިމްއަކީ މާލޭ ސިޓީގެ މޭޔަރުގެ މަޤާމަށް އެންމެ ޤާބިލް ކެންޑިޑޭޓްކަން ރައީސުލްޖުމްހޫރިއްޔާގެ ނައިބު ފާހަގަކުރެއްވިއެވެ.

މިރޭ ހުޅުމާލެ ރުއްގަނޑު 1 ގައި އޮތް، ފެހި ތަނަވަސް މާލެ، ބޮނޑިބަތް އިވެންޓް ޝަރަފްވެރިކޮށްދެއްވައި، ރައީސުލްޖުމްހޫރިއްޔާގެ ނައިބު ފައިޞަލް ނަސީމް ވަނީ ވާހަކަފުޅުދައްކަވާފައެވެ. މިއީ ރިޔާސީ އިންތިޚާބުގެ ނާކާމިޔާބީއަށް ފަހުގައި ފައިޞަލް ނަސީމް އެމްޑީޕީގެ ޕޯޑިއަމްގައި ވާހަކަފުޅު ދެއްކެވި ފުރަތަމަ ފަހަރެވެ.

ހަތަރު ރެއަށް ދެމިގެންދާގޮތަށް ސަންގު ޓީވީ އިންތިޒާމްކުރި ބަހުސްގައި މިރޭގެ މައުލޫއަކަށް ކަނޑައަޅާފައި އޮތީ ބޯހިޔާވަހިކަމެވެ. އަދި ބަހުސްގައި އާޒިމް ބައިވެރިވެވަޑައި ނުގަންނަވާނެކަން ދުރާލައި އެމްޑީޕީން ވަނީ ސަންގުޓީވީއަށް އަންގާފައެވެ.

މިއަދު މެންދުރުފަހު އާޒިމް ވަނީ، ހުޅުމާލެއަށް ވަޑައިގެން ހުޅުމާލޭގައި ދިރިއުޅޭ ރައްޔިތުންނާއި ބައްދަލުކުރައްވާ، ރައްޔިތުންގެ ޝަކުވާތައް އަޑުއައްސަވައި، ހުޅުމާލޭގެ ކަންކަންކަމަށް ރައްޔިތުން ގެންނަން ބޭނުންވާ ބަދަލުތަކާއި ގުޅޭ ގޮތުން ޚިޔާލު ބަދަލުކުރައްވައި މަޝްވަރާކުރައްވާފައެވެ. މިގޮތުން އާޒިމްއާ ބައްދަލުވި އާއްމުރައްޔިތުންގެ ތެރެއިން ގިނަ ފަރާތްތަކުން ވަނީ، ހުޅުމާލޭގައި ދިރިއުޅުމުގައި ހުރި ގޮންޖެހުންތަކާއި ދަތިތަކާއި، އަދި އިތުރަށް ރަނގަޅުކުރަން ހުރި ކަންކަމުގެ ވާހަކަތައް އާޒިމްއަށް ދަންނަވާފައެވެ.

އާޒިމް ވިދާޅުވީ، ފުށި ދިއްގަރުފަޅު ހިއްކުމުގެ މަޝްރޫޢަކީ، މިވަގުތަށް ބަލާއިރު، ރައްޔިތުންގެ ފައިސާއިން ކުރެވޭނެ އިސްރާފަކަށް ވެގެން ދާނެ ކަމަށެވެ. އަދި އެކަމަށް ވުރެ، މާލެއާ އެއަށްވުރެ ކައިރިން ހިއްކާފައިވާ ބިންތައް އާބާދުކުރުމުގެ މަސައްކަތް ކުރިޔަށް ގެންދިޔުން މާ ރަނގަޅުކަން އާޒިމްގެ ވާހަކަގައި ވަނީ ފާހަގަކުރައްވާފައެވެ. އަދި މާލެ ކައިރީގައި ހުރި އެހެން ބިންތައް ތަރައްޤީ ނުކޮށް އަނެއްކާ އަލުން އާބިމެއް ހިއްކައިގެން ތަރައްޤީކުރާ ނަމަ އެކަން ވާނީ ރައްޔިތުންގެ ފައިސާއިން ކުރެވޭ ބޮޑު އިސްރާފަކަށް ކަންވެސް އާޒިމް ފާހަގަކުރެއްވިއެވެ.