ނުކުމެ މިތިބީ ފިތުނައިގެ ދޮލަނގު ނަގައި ހޫރާލުމަށްކަމުގައި، ނިޝާން ޣާޒީގެ ޢިއްޒަތުގެ ވެރިކަމުގެ ލަޤަބު ދައުލަތުން އަރުވާފައި، ކުރީގެ ފޮރިން މިނިސްޓަރ އަދި ކުރީގެ ރައްޔިތުންގެ މަޖިލީހުގެ ރައީސް އަބްދުﷲ ޝާހިދު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، މާލޭ ސިޓީގެ މޭޔަރުކަމުގެ މަޤާމަށް އެމްޑީޕީގެ ޓިކެޓްގައި ވާދަކުރައްވާ، އާަދަމް އާޒިމްގެ ކެމްޕޭން ޖަލްސާގައި ވާހަކަފުޅު ދައްކަވަމުންނެވެ.

ނ.ޣ.ޢ.ވ އަބުދުﷲ ޝާހިދު ވިދާޅުވީ، ވެރިކަމަށް އައުމަށް މިސަރުކާރުން ދެއްކީ ދޮގު ވާހަކަތަކެއްކަން މިވެރިކަމަށް 52 ދުވަސް ވީއިރު، މިހާރު ރައްޔިތުންނަށް އެނގިފައިވާ ކަމަށެވެ. މިގޮތުން އިންޑިއާ ސިފައިންނާއި ގުޅިގެން ދެއްކި ވާހަކަތަކާއި އިންޑިއާއާއި އެކު ރާއްޖެއިން އެތައް ސަތޭކަ އެއްބަސްވުމެއް ހަދާފައިވާކަމަށް ބުނެ ދެއްކި ވާހަކަތާއި، ޗާގޯސް ކަނޑުވިއްކާލީ ކަމަށް ބުނެ ދެއްކި ވާހަކަތަކަކީ ދޮގުވާހަކަތަކެއް ކަން މިހާރު ރައްޔިތުންނަށް އެނގި ހާމަވެފައިވާ ކަމުގައި ޢަބުދުﷲ ޝާހިދު ވިދާޅުވިއެވެ.

ޢަބުދުﷲ ޝާހިދު ވިދާޅުވީ، އެމްޑީޕީއަކީ އެއްފަހަރަށް ވުރެ ގިނަފަހަރު، މިދިވެހިނާ އަނބުރާ ހޭރިޔާކޮށްފައި ހެޔޮ މަގަށް، ހެޔޮ ބަނދަރަށް، ހެޔޮ ފާލަށް އަޅުވާފައި އޮތް ޕާޓީއެއް ކަމަށެވެ. އަދި އެމްޑީޕީން ދިވެހިރާއްޖެއަށް ނިކަމެތިކަމެއް ލިބޭނެ ފަދަ އެއްވެސް ކަމެއް ނުކުރާނެކަމަށާއި، އަދި އެފަދަ ކަމެއް ކުރިޔަވެސް ނުދެއްވާނެ ކަމަށެވެ. އަދި އެމްޑީޕީ އިދިކޮޅުގައި ތިއްބަސް ސަރުކާރުގައި ތިއްބަސް މިރާއްޖެއަށް ނިކަމެތިކަމެއް ލިބޭނޭ އެއްވެސް ކަމެއް އެމްޑީޕީން ނުކުރާނެ ކަމުގައިވެސް ޝާހިދު ވިދާޅުވިއެވެ.

ވާހަކަފުޅު ނިންމަވާލައްވަމުން ޝާހިދު ވިދާޅުވީ، ތަޖުރިބާހުރި އަދި ކަންކަން ކުރެވޭނެ ވަރުގެ ބޭފުޅަކު މާލޭގެ މޭޔަރަކަށް ގެނައުމަށް ލިިބިފައި މި އޮތް ފުރުޞަތު ނަގާ ނުލެއްވުމަށް އެދިވަޑައިގަންނަވާކަމަށެވެ.