ކުރީ ސަރުކާރުގެ ފަސް އަހަރުގެ ދައުރުގެ ތެރޭގައި، ރާއްޖޭގެ ތަރައްޤީއަށް ހިންގުނު މަޝްރޫޢު ތަކުގައި އާދަމް އާޒިމްގެ ޙިއްޞާ ވަރަށް ބޮޑުކަމުގައި ކުރީގެ ނައިބު ރައީސް ފައިޞަލް ނަސީމް ވިދާޅުވެއްޖެއެވެ.

ފައިޞަލް ނަސީމް މިހެން ވިދާޅުވީ، މާލޭ ސީޓީގެ މޭޔަރު އިންތިޚާބުގެ ބައި-އިލެކްޝަންގައި ވާދަކުރައްވާ އެމްޑީޕީގެ ކެންޑިޑޭޓް އާދަމް އާޒިމްގެ ކެމްޕޭނުގެ ތެރެއިން ރޭ ހުޅުމާލެ ރުއްގަނޑު 1ގައި ބޭއްވި ބޮނޑިބަތް އިވެންޓްގައި ދެއްކެވި ވާހަކަފުޅުގައެވެ.

ރައީސުލްޖުމްހޫރިއްޔާގެ ނައިބު ފައިޞަލް ނަސީމްގެ ވާހަކަފުޅުގައި، ވިދާޅުވީ އާދަމް އާޒިމްއަކީ، މަސައްކަތް ކުރެއްވި ކޮންމެ ތަނެއްގައިވެސް ނަތީޖާ ދައްކަވާފައިވާ ބޭފުޅެއް ކަމަށެވެ. އެހެންކަމުން އާޒިމްއަކީ މާލޭ ސިޓީގެ މޭޔަރުގެ މަޤާމަށް އެންމެ ޤާބިލް ކެންޑިޑޭޓްކަން ރައީސުލްޖުމްހޫރިއްޔާގެ ނައިބު ފާހަގަކުރެއްވިއެވެ.

މާލޭ ސިޓީގެ މޭޔަރު އިންތިޚާބުގައި، ވާދަކުރައްވާ ކެންޑީޑޭޓްގެ ތެރެއިން އާދަމް އާޒިމަކީ، އެންމެ ތަޖުރިބާހުރި ކެންޑިޑޭޓުކަންވެސް ރައީސުލްޖުމްހޫރިއްޔާގެ ނައިބުވަނީ ފާހަގަކުރައްވާފައެވެ.

މާލޭ ސީޓީގެ މޭޔަރު އިންތިޚާބުގެ ބައި-އިލެކްޝަން އޮންނާނީ މިއަންނަ ޖެނުއަރީ މަހުގެ 13 ވަނަ ދުވަހުގައެވެ.