ޑިޖިޓަލް ރާއްޖެއެއް ބިނާކުރުމުގެ މަސައްކަތުގައި އެޅޭ ކޮންމެ ފިޔަވަޅެއްގައި އުރީދޫ މޯލްޑިވްސްއިން އަންނަނީ ސަރުކާރާއިއެކުގައި މަސައްކަތް ކުރަމުން ކަމުގައި ރައީސުލްޖުމްހޫރިއްޔާގެ ނައިބު ފައިޞަލް ނަސީމް ވިދާޅުވެއްޖެއެވެ. އެމަނިކުފާނު މިހެން ވިދާޅުވީ، ހުޅުމާލޭގައި ޢިމާރާތްކޮށްފައިވާ، އުރީދޫ މޯލްޑިވްސްގެ ހެޑްކުއާޓަރޒް ހުޅުއްވައިދެއްވައި ދެއްކެވި ވާހަކަފުޅުގައެެވެ.

މާލޭ ވޭސްޓް ޓްރާންސްފަރ ސްޓޭޝަން ރައީސުލްޖުމްހޫރިއްޔާގެ ނައިބު ފައިޞަލް ނަސީމް ރޭ އިފްތިތާޙްކޮށްދެއްވައިފިއެވެ. މިރަސްމިއްޔާތު އޮތީ މާލޭ އިންޑަސްޓްރިއަލް ޒޯން ސަރަހައްދުގައި ހުންނަ ވެމްކޯގެ ސައިޓްގައެވެ. މިރަސްމިއްޔާތުގައި ވާހަކަފުޅު ދައްކަވަމުން، ރައީސުލްޖުމްހޫރިއްޔާގެ ނައިބު ވިދާޅުވީ، ކުނި މެނޭޖްކުރުމާއި ރައްކާތެރިގޮތުގައި ކުނި ނައްތާލުމަކީ، މިސަރުކާރުން ޚާއްޞަ އިސްކަމެއްދީގެން ކުރިޔަށްގެންދާ އެންމެ ބޮޑު އެއް މަޝްރޫޢުކަމަށާއި، މި މަޝްރޫޢު މުޅިން ނިމިގެންދާއިރު، ކުންޏަކީ އެއިން ނަފާ ހޯދޭ އަގުހުރި އެއްޗަކަށް ވެގެންދާނެ ކަމަށެވެ.

މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ މޯލްޑިވްސް އިންސްޓަންޓް ޕޭމަންޓް ސިސްޓަމް 'ފަވަރަ' އިފްތިތާޙްކުރައްވައިފިއެވެ. މިއީ ރައްކާތެރި އަދި އަވަސް މާލީ މުއާމަލާތްތަކެއް ހިންގުމަށް ތަރައްޤީކޮށްފައިވާ ސިސްޓަމެކެވެ. މި ސިސްޓަމް މެދުވެރިކޮށް އެއް ބޭންކުން އަނެއް ބޭންކަށް ރައްކާތެރިކަމާއިއެކު ވަގުތުން މާލީ މުއާމަލާތްތައް ކުރެވޭނެއެވެ.

މަސްތުވާތަކެއްޗާއި ދެކޮޅަށް ރާއްޖޭގައި ކުރިއަށްގެންދާ ފުރަތަމަ އެކްސްޕޯ "އަހަރެމެންނާއެކު" އެކްސްޕޯ ފަށައިފިއެވެ. މި އެކްސްޕޯ ފައްޓަވައިދެއްވީ ރައީސުލްޖުމްހޫރިއްޔާގެ ނައިބު ފައިސަލް ނަސީމްއެވެ.

އައިޖީއެމްއެޗްގެ އޮންކޮލޮޖީ ވޯޑު ތަރައްޤީކޮށްފައި ވަނީ، ބޭންކް އޮފް މޯލްޑިވްސްއިން އެކުންފުނީގެ އަހަރީ ދުވަހާއި ގުޅުވައިގެން އެހޮސްޕިޓަލަށް ފޯރުކޮށްދިން މާލީ އެހީގެ އިތުރުން ހޮސްޕިޓަލުގެ ބަޖެޓުން ޚަރަދުކޮށްގެންނެވެ. އޮންކޮލޮޖީ ވޯޑު ހުޅުއްވައިދެއްވުމަށްފަހު، ރައީސުލްޖުމްހޫރިއްޔާގެ ނައިބު އެ ވޯޑުގެ ޚިދުމަތްތައް ހަމަޖެހިފައި ހުރިގޮތް ބައްލަވާލައްވައި މަޢުލޫމާތު އޮޅުން ފިލުއްވެވިއެވެ.

ދިވެހިރާއްޖޭގައި ފުރަތަމަ ފަހަރަށް ޕްރޮސްތެޓިކް އަދި އޯތޮޓިކް މެނުފެކްޗަރިންގ ލެބޯޓްރީ ރައީސުލްޖުމްހޫރިއްޔާގެ ނައިބު ފައިޞަލް ނަސީމް ހުޅުއްވައިދެއްވައިފިއެވެ.

މިވޯކްޝޮޕް ފެށުމުގެ ރަސްމިއްޔާތު ޝަރަފްވެރިކޮށްދެއްވައި ރައީސުލްޖުމްހޫރިއްޔާގެ ނައިބު ދެއްކެވި ވާހަކަފުޅުގައި ވަނީ، ރާއްޖެއަށް ޞިއްޙީ ދާއިރާއިން ހޯދެމުން އަންނަ ކުރިއެރުންތަކުގައި، އައު ޓެކްނޮލޮޖީއާއެކު މަތީފެންވަރުގެ ޚިދުމަތްތަކާއި ފަރުވާތައް ތަޢާރަފްކޮށް ޞިއްޙީދާއިރާ ކުރިއެރުވުމަށް އޭޑީކޭ ހޮސްޕިޓަލުންކޮށްފައިވާ މަސައްކަތްތަކާއި ޙާޞިލްކޮށްފައިވާ ކާމިޔާބީތައް ފާހަގަކުރައްވާފައެވެ.

ފުވައްމުލައް ސިޓީގައި ފާއިތުވި ސަރުކާރުތަކުގައި ހިންގުނު މަޝްރޫޢުތަކަށް ބަލާއިރު 2009-2011 އަށް ހިންގާފައިވަނީ 14 މަޝްރޫޢެކެވެ. 2014-2018 އަށް ހިންގާފައިވަނީ 13 މަޝްރޫޢެކެވެ. ނަމަވެސް، މި ސަރުކާރުގައި 2019-2023 އަށް 40 މަޝްރޫޢެއް ހިންގާފައިވެއެވެ. މި މަޝްރޫޢުތަކަށް ޖުމްލަ 447.6 މިލިއަން ރުފިޔާ ހޭދަކޮށްފައިވެއެވެ.