Advertisement
ކުރީގެ ރައީސުލްޖުމްހޫރިއްޔާގެ ނައިބު ފައިޞަލް ނަސީމް ---
މިހާރު ފެންނަމުން މިދަނީ ޚުދުމުޚުތާރުވެރިކަމެއްގެ ސިފަ: ކުރީގެ ނައިބު ރައީސް
މިހާރު ފެންނަމުން މިދަނީ ޚުދު މުޚުތާރު ވެރިކަމެއްގެ ސިފަތައް ކަމުގައި ކުރީގެ ރައީސުލްޖުމްހޫރިއްޔާގެ ނައިބު ފައިސަލް ނަސީމް ވިދާޅުވެއްޖެއެވެ.
ފައިސަލް އެކްސްގައި ކުރެއްވި ޕޯސްޓުގައި ވިދާޅުވީ، ޤާނޫނު އަސާސީގައި ބާރުތައް ވަކިކޮށްފައި ވަނީ، ދިވެހި ޤައުމާއި ރައްޔިތުންގެ ހިމާޔަތާއި ރައްކާތެރިކަމަށްޓަކައި ކަމަށެވެ. އަދި ބާރުތައް އެކެއްގެ އަތްމައްޗަށް ގެނެސްގެން ހޯދޭނެ ވަކިމޮޅެއް ނެތް ކަމަށާއި އާޚިރުގައި ގެއްލުން ލިބޭނީ ޤައުމާއި ހުރިހާ ރައްޔިތުންނަށް ކަމުގައިވެސް ފައިސަލް ވަނީ ވިދާޅުވެފައެވެ.
ފައިސަލް މިމޭރުމުން ވާހަކަފުޅު ދައްކަވާފައި މިވަނީ، ސަރުކާރުން ޤާނޫނު އަސާސީއަށް އިސްލާޙްތަކެއް ގެނެސްފައި ވަނިކޮށެވެ. އަދި އެމައްސަލަ ސްޕްރީމްކޯޓަށް ހުށައެޅި ހިނގަމުން އަންނަނިކޮށް، ސްޕްރީމް ކޯޓުގެ ދެ ފަނޑިޔާރަކު މަޤާމުން ވަކިކުރަންޖެހޭ ގޮތަށް ކޯޓުތަކާއި ބެހޭ ޤާނޫނަށް އިސްލާޙް ގެނެސް މަޖިލީހުން ފާސްކޮށް އަދި، ނުފޫޒު ބޭނުންކޮށްގެން ސްޕްރީމް ކޯޓުގެ ތިން ފަނޑިޔާރަކު ސަސްޕެންޑްކޮށްފައި ވަނިކޮށެވެ.
