Advertisement
ކުރީގެ ރައީސުލްޖުމްހޫރިއްޔާގެ ނައިބު ފައިސަލް ނަސީމް އެމްޑީޕީގެ މޭޔަރު ކެންޑިޑޭޓް އާދަމް އާޒިމާއިއެކު ---
އާޒިމްއަށް ތާއީދު ހޯއްދަވައި ދެއްވުމަށް ކުރީގެ ނައިބުރައީސް ފައިސަލް ނަސީމް އާޒިމްގެ ކެމްޕޭނުގައި ބައިވެރިވެވަޑައިގެންފި
އެމްޑީޕީގެ ޓިކެޓްގައި މާލޭ ސިޓީގެ މޭޔަރުކަމުގެ މަޤާމަށް ވާދަކުރައްވާ އާދަމް އާޒިމަށް، ތާއީދު ހޯއްދަވައި ދެއްވުމަށް ކުރީގެ ނައިބު ރައީސް ފައިޞަލް ނަސީމް އާޒިމްގެ ކެމްޕޭނު ހަރަކާތުގައި ބައިވެރިވެވަޑައިގެންފިއެވެ.
މިރޭ ހުޅުމާލެ ރުއްގަނޑު 1 ގައި އޮތް، ފެހި ތަނަވަސް މާލެ، ބޮނޑިބަތް އިވެންޓް ޝަރަފްވެރިކޮށްދެއްވައި، ރައީސުލްޖުމްހޫރިއްޔާގެ ނައިބު ފައިޞަލް ނަސީމް ވަނީ ވާހަކަފުޅުދައްކަވާފައެވެ. މިއީ ރިޔާސީ އިންތިޚާބުގެ ނާކާމިޔާބީއަށް ފަހުގައި ފައިޞަލް ނަސީމް އެމްޑީޕީގެ ޕޯޑިއަމްގައި ވާހަކަފުޅު ދެއްކެވި ފުރަތަމަ ފަހަރެވެ.
އަދިވެސް ޖުމްހޫރީ ޕާޓީގެ މެމްބަރެއްގެ ގޮތުގައި ހުންނެވި ފައިޞަލް ނަސީމް، އާދަމް އާޒިމަށް ތާޢީދުހޯއްދަވައި ދެއްވުމަށް ނުކުމެވަޑައިގެންނެވި އިރު، މާލޭ ސިޓީގެ މޭޔަރުގެ އިންތިޚާބަށް ޖުމްހޫރީޕާޓީއަކުން ވާދައެއް ނުކުރެއެވެ.
މިރޭގެ އެއްވުމުގައި ކުރީގެ ރައީސުލްޖުމްހޫރިއްޔާގެ ނައިބު ދެއްކެވި ވާހަކަފުޅުުގައި ވަނީ، މާލޭގެ ހުރިހާ ރައްޔިތުން އާޒިމްއަށް ވޯޓު ދެއްވުމަށް ގޮވާލައްވާފައެވެ.
