މޯލްޑިވްސް ޕޯޓްސް ލިމިޓެޑް (އެމް.ޕީ.އެލް)ގެ އިންޓާރންޝިޕް ޕްރޮގްރާމްގައި ބައިވެރިވުމުގެ ފުރުސަތު ހުޅުވާލައިފިއެވެ.

އެޑްވައިޒަރ ޓު ދަ މިނިސްޓަރ އޮފް ފިނޭންސްގެ މަގާމަށް ޢައްޔަނުކުރައްވައި މިއަދު މަޤާމުގެ ފަތްކޮޅު ދެއްވާފައި ވަނީ، ކުރީގެ ގަވަރުނަރު، އަޙްމަދު ނަޞީރަށާއި ކުރީގެ ފިނޭންސް މިނިސްޓަރ އަޙްމަދު މުނައްވަރަށެވެ. މިބޭފުޅުންނަށް މަޤާމުގެ ފަތްކޮޅުދެއްވުމުގެ ރަސްމިއްޔާތު ބާއްވާފައި ވަނީ މިއަދު މެންދުރުކުރީގައި ރައީސުލްޖުމްހޫރިއްޔާގެ އޮފީހުގައެވެ.

ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ޖުޑީޝަލް ސަރވިސް ކޮމިޝަންގެ ދިވެހިރާއްޖޭގެ ޤާނޫނީ ދާއިރާގެ މެންބަރުކަމަށް ގއ. ވިލިނގިލި، ބީޗުހައުސް އަލްއުސްތާޛު ޢަލީ ޢަބްދުއްލަޠީފް، މިއަދު ޢައްޔަނުކުރައްވައިފިއެވެ.

އަންހެން ބޭފުޅުންނަކީ ސިޔާސަތު ކަނޑައެޅުމުގައި މުހިންމު ދައުރެއް އަދާކުރާ ބަޔަކަށް ވާންޖެހޭކަމުގައި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދު ވިދާޅުވެއްޖެއެވެ. އެކަމަނާ މިހެން ވިދާޅުވީ މިއަދު މީރުމާ މާލަމުގައި ބޭއްވި "ރަންހިރު ދަރުބާރު" ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.

ޢަލީ އާދަމް މަޤާމުން ވަކިކޮށްފައި ވަނީ، އޭނާ އާއި މެދު ހުށައެޅުނު ސަުލޫކީ މައްސަލަ ބަލައި، އޭނާ މަޤާމުން ވަކިކުރަން ޖޭއެސްސީ ހުށައެޅުމާއި ގުޅިގެން އެމައްސަލަ ރައްޔިތުންގެ މަޖިލީހުގެ ޖުޑިޝަރީ ކޮމިޓީން ބަލައި، މަޖިލީހުގެ ތަޅުމުގައި މިއަދު ވޯޓު ނަގައިގެންނެވެ.

އެމްއެމްއޭއިން ބުނީ، ދައުރުވާ ވަގު ނޫޓުތަކަކީ، ނޫޓުތަކަކީ 1996 ން ފެށިގެން 2016 އާއި ދެމެދުގެ ތާރީޚްގެ ތެރޭގައި ޕްރިންޓްކޮށްފައިވާ، ހުދު ބޯރޑަރު ހިމެނޭ ޔޫއެސް ޑޮލަރުގެ ނޫޓާއި އެއްގޮތަށް ހަދާފައިވާ ނޫޓުތަކެއްކަން ފާހަގަކުރެވިފައިވާ ކަމަށެވެ. މިގޮތުން ޞައްޙަނޫން ނޫޓުތަކުގައި އެންމެ ބޮޑަށް ފާހަގަ ކުރެވޭ ކަންތައްތައް އެމްއެމްއޭއިން ވަނީ އާއްމުންގެ ސަމާލުކަމަށް ގެނައުމުގެ ގޮތުން ހާމަކޮށްފައެވެ.

މާލޭ ސިޓީ ކައުންސިލްގެ ބައި އިލެކްޝަންގައި މާލޭގެ މޭހަރު ކަމުގެ މަޤާމަށް ވާދަކުރެއްވުމަށް ކެންޑިޑެންސީ ހުށައަޅުއްވާފައި ވަނީ އާދަމް އާޒިމެވެ. މީގެ އިތުރުން މާލޭ ސިޓީކައުންސިލްގެ އެމްޑީޕީގެ ޓިކެޓްގައި ވާދަކުރެއްވުމަށް ކެންޑިޑެންސީ ހުށައެޅުއްވީ، ހެންވޭރު ދެކުނު ދާއިރާއަށް، ޙައްވާ ނިޙްލާ އާއި، މާފަންނު ދެކުނު ދާއިރާއަށް، އަޙްމަދު އިމްރާނާއި، މެދުހެންވޭރު ދާއިރާއަށް، އަޙްމަދު ރިޝްވާން އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި، މަޖިލީހުގެ ރައީސް މުޙައްމަދު އަސްލަމް ވިދާޅުވީ، މަޖިލީހުގައި މެމްބަރުންނަށް ވަޒީރާއި އިތުރު ސުވާލު ކުރެވޭނީ، މަޖިލީހަށް ވަޒީރު ޖަވާބު ދެއްވުމަށް ހާޟިރުވެވަޑައިގެންނެވި ސުވާލާއި، އެސުވާލާއި ގުޅިގެން ވަޒީރު ދެއްވި ޖަވާބާއި ގުޅިގެން މެމްބަރުން ކުރައްވާ އިތުރު ސުވާލުތައް ކަމަށެވެ. އަދި އެއީ ޤާނޫނުގައި އެކަން ކަނޑައަޅާފައި އޮތް ގޮތް ކަމަށާއި، އެހެން ކަމުން ވަޒީރު ޖަވާބު ދެއްވުމަށް ހާޟިރުވެވަޑައިގެންނެވި، ސުވާލާއި ނުގުޅޭ، އަދި ވަޒީރު ދެއްވި ޖަވާބާއި ނުގުޅޭ ސުވާލުތަކަށް ފުރުޞަތު ނުދެއްވޭނެ ކަމަށެވެ.

އަސްލަމް މިހެން ވިދާޅުވީ، ރައްޔިތުންގެ މަޖިލީހުގެ މިއަދުގެ ޖަލްސާގައި، ހޯރަފުށި ދާއިރާގެ މެންބަރު އަޙްމަދު ސަލީމް، މިނިސްޓަރ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް އަލްފާޟިލް މުޙައްމަދު ސަޢީދުއާ ކުރެއްވުމަށް ހުށައަޅުއްވާފައިވާ ސުވާލު ކުރެއްވުން ކުރިޔަށް ގެންދިޔުމުގެ ކުރިން ދެއްކެވި ވާހަކަފުޅުގައެވެ.

ނޮވެންބަރު 2023 ގައި މީރާއަށް 1.67 ބިލިއަން ރުފިޔާ ބަލައިގަނެފައިވާ ކަމަށް މީރާއިން މައުލޫމާތު ދީފިއެވެ. މި އަދަދަކީ ވޭތުވެދިޔަ އަހަރުގެ މި މުއްދަތުގައި ލިބުނު އާމްދަނީއަށްވުރެ %10.5 އިތުރު އަދަދެކެވެ. އަދި، ސެޕްޓެމްބަރު 2023 ގައި ލިބޭނެކަމަށް އަންދާޒާކޮށްފައިވާ އަދަދަށްވުރެ %9.3 ގިނަ އަދަދެކެވެ.

އިއްޔެވެސް ބަޖެޓު ބަހުސް ނިންމާލުމަށް މަޖިލީހުގެ ޖަލްސާގެ ވަގުތު ހަވީރު، 5:00 ހަމައަށް އިތުރު ކުރިއެވެ. އެހެން ނަމަވެސް 3:30 ގައި މަޖިލީހުގެ ރައީސް ޖަލްސާ ނިންމަވާލެއްވީ، ބަޖެޓަށް ބަހުސް ކުރެއްވުމަށް އެދި ވަޑައިގެންނެވި އެއްވެސް މެމްބަރަކު މަޖިލީހުގެ ތަޅުމުގައި އެވަގުތު ނެތުމާއި އެކުގައެވެ.

މަޝްހޫރު ފެޝަން ބްރޭންޑު "ޒާރާ" އިން އެ ކުންފުނީގެ އެންމެ ފަހުގެ ޑިޒައިންތައް ޕްރޮމޯޓުކުރުމަށް ސޯޝަލް މީޑިއާގައި ކުރި ޕޯސްޓްތަކުގައި އިސްރާއީލުން ފަލަސްތީނާ ދެކޮޅަށް ހިންގަމުންދާ ގަތުލުއާންމަށް ހަޖޫޖަހާ، އެކަން ޕްރޮމޯޓްކުރާފަދަގޮތަކަށް ހުރުމުން ފަލަސްތީނަށް ސަޕޯޓުކުރާ ގިނަ ބަޔަކު އެ ބްރޭޑް ބޮއިކޮޓްކުރަން ގޮވާލަމުން އެބަދެއެވެ. އަދި ޒާރާއިން އާންމުކުރި ފޮޓޯތަކާއި، އެ ފޮޓޯތަކާއި ގުޅޭ ފަލަސްތީނުގެ ރައްޔިތުންގެ ހިތްދަތި ހާލަތުގެ އެއްގޮތްކަން ފެންނަ ފޮޓޯތައް ގިނަ ބަޔަކު އަންނަނީ ސޯޝަލް މީޑިއާގައި އާންމުކޮށް، އެކަމާ ނުރުހުން ފާޅުކުރަމުންނެވެ.

އިިލެކްޝަންސް ކޮމިޝަނުން ހާމަކޮށްފައިވާ ގޮތުގައި، އިންތިޚާބުތަކާއި ބެހޭ ޤާނޫނުގެ 75 ވަނަ މާއްދާގެ (ށ)ގެ ދަށުން ކެންޑިޑޭޓުންނާއި އެ ކެނޑިޑޭޓުންގެ އިންތިޚާބީ އޭޖެންޓުން ޖޫރިމަނާކުރުމަށް މިއަދު ބޭއްވި ކޮމިޝަންގެ ބައްދަލުވުމުގައި ނިންމާފައި ވަނީ އެކެނޑިޑޭޓުންގެ މާލީ ބަޔާންތައް ފުރިހަމަކޮށްފައި ނުވާތީއެވެ.

ޢަބުދުއްރަހީމް އެންމެ ފުރަތަމަ ރައްޔިތުންގެ މަޖިލީހަށް އިންތިޚާބުވެފައި ވަނީ ވެސް ފޮނަދޫ ދާއިރާއަށެވެ. 18 ވަނަ ރައްޔިތުންގެ މަޖިލީހުގައި އަބުދުއްރަހީމް ވަނީ ފޮނަދޫ ދާއިރާގެ ގޮނޑި ފުރުއްވާފައެވެ. އަދި 19 ވަނަ ރައްޔިތުންގެ މަޖިލިސް އިންތިޚާބުގައި އެމްޑީޕީގެ ޓިކެޓްގައި ނުކުންނަވައި، ޢަބުދުއްރަހީމްގެ މައްޗަށް ކުރި ހޯއްދެވީ، މިހާރު ޕީޕީއެމްގެ މެމްބަރެއްގެ ގޮތުގައި ހުންނެވި މޫސާ ސިރާޖެވެ.

ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް، ވަރލްޑް ޓްރޭޑް އޯގަނައިޒޭޝަން (ޑަބްލިއު.ޓީ.އޯ.)ގެ ޑިރެކްޓަރ ޖެނެރަލް ޑޮކްޓަރ އުންގޯޒީ އޮކޮންޖޯ އިވެއެލާ އާ މިއަދު ބައްދަލުކުރައްވައިފިއެވެ. މި ބައްދަލުކުރެއްވުމުގައި ރައީސުލްޖުމްހޫރިއްޔާގެ ނައިބުގެ އަރިހުގައި މިނިސްޓްރީ އޮފް ފޮރިން އެފެއާޒްގެ އެމްބެސެޑަރ-އެޓް-ލާރޖް މުޙައްމަދު ޙުސައިން ޝަރީފް ބައިވެރިވެވަޑައިގެންނެވިއެވެ.

ރައީސުލްޖުމްހޫރިއްޔާގެ ނައިބު އަލްއުސްތާޛު ޙުސައިން މުޙައްމަދު ލަޠީފް، ކިއުބާގެ ބޮޑުވަޒީރުގެ ނައިބު އިނޭސް މަރީއާ ޗަޕްމަން ވުއޯއު އާ ބައްދަލުކުރައްވައިފިއެވެ.