Advertisement

ރައްޔިތުންގެ މަޖިލީހުގެ ކުރީގެ ރައީސް މުޙައްމަދު ނަޝީދު ---

13 Dec 2023
ޚަބަރު
ޢަލީ ސުލައިމާން

މަޖިލީހުގެ ގޮނޑި ދޫކޮށްލައްވަނީތޯ ސުވާލު ދެންނެވުމުން ރައީސް ނަޝީދު ވިދާޅުވީ ”ޝުކުރިއްޔާ!“

ސިޔާސީ މައިދާނާއި މިވަގުތު ދުރަށް ވަޑައިގެން އެހެން ވަޒީފާއަކާއި ގުޅިވަޑައިގަންނަވާކަން ކުރީގެ ރައީސް މުޙައްމަދު ނަޝީދު އިއްޔެ އިއުލާނު ކުރެއްވި އިރު، އެމަނިކުފާނުގެ މަޖިލީހުގެ ގޮނޑިއާމެދު އުފެދުނު ސުވާލުތަކަށް ޖަވާބު ދެއްވުމުގެ ބަދަލު ރައީސް ނަޝީދު ޝުކުރުއަދާކުރައްވައިފިއެވެ.

ރައްޔިތުންގެ މަޖިލީހުގެ މެމްބަރުކަމުގެ މަޤާމާއި މަސްއޫލިއްޔަތުތަކަކީ ސިޔާސީ މަސައްކަތްތަކެއް ކަމަށްވާއިރު، ރައީސް ނަޝީދު އިއްޔެ އާއްމު ކުރެއްވި، ބަޔާނުގައި ވިދާޅުވެފައި ވަނީ، ސިޔާސީ ކަންކަމާއި މިވަގުތު ދުރަށްޖެހިވަޑައިގަތުންމަށް ނިންމަވާފައިވާ ކަމަށާއި، އަންނަ ޖެނުއަރީ މަހުން ފެށިގެން، ކްލައިމެޓް ވަލްނަރަބަލް ފޯރަމްގެ ސެކްރެޓަރީގެ ޖެނެރަލްގެ ވަޒީފާއަށް ވަޑައިގެންނެވުމަށް ނިންމަވާފައިވާ ކަމަށެވެ. 

ރައްޔިތުންގެ މަޖިލީހުގެ މެމްބަރުންނަށް، އަދާ ނުކުރެވޭނެ ވަޒީފާތައް ޤާނޫނު އަސާސީގައި ކަނޑައަޅާފައި ވީނަމަވެސް، ރައީސް ނަޝީދު ވަޑައިގަންނަވާ، ކްލައިމެޓް ވަލްނަރަބަލް ފޯރަމްގެ ސެކްރެޓަރީގެ ޖެނެރަލްގެ ވަޒީފާއަކީ އެފަދަ ވަޒީފާއެއް ނޫނެވެ. އެހެން ނަމަވެސް، ސިޔާސީ މައިދާނާއި މިވަގުތު ދުރަށް ވަޑައިގެން ޖެނުއަރީމަހުން ފެށިގެން ބައިނަލްއަޤުވާމީ ޖަމާޢަތެއްގެ ވަޒީފާއާ ގުޅިވަޑައިގަންނަވާކަން ރައީސް ނަޝީދު އިޢުލާނު ކުރެއްވި އިރު 19 ވަނަ ރައްޔިތުންގެ މަޖިލީހުގެ ފަހު ދައުރު ނިމޭނީ 2024 މެއި މަހުގެ 27 ގައެވެ. އަދި މީގެ އިތުރުން ރައީސް ނަޝީދު އިއްޔެ އާއްމުކުރެއްވި ބަޔާނުގައި، އެންމެ ފަހުން އެމަނިކުފާނު "ތަމްސީލްކުރީ"، މައްޗަންގޮޅި މެދު ދާއިރާގެ މެމްބަރުކަން ކަމުގައި ބަޔާންކޮށް އެދާއިރާގެ މެމްބަރުންނަށް ޚާއްޞަ ޝުކުރެއް ވަނީ އަދާކުރައްވާފައެވެ.

ރައީސް ނަޝީދު ބަޔާނުގައި އިބާރާތްކުރައްވާފައިވާ ކަންކަމަށް ބަލާއިރު، 19 ވަނަ ރައްޔިތުންގެ މަޖިލީހުގައި ރައީސް ނަޝީދު ފުރުއްވަމުންގެންދަވާ، މައްޗަންގޮޅި މެދު ދާއިރާގެ މެމްބަރުން އިސްތިއުފާ ދެއްވުމާއި ގުޅޭ މޭރުމެއް ފާހަގަވާތީ، އެކަމާއި ގުޅޭ ގޮތުން ރައީސް ނަޝީދަށް ސުވާލު ދެންނެވުމުން، ހަމައެކަނި އެމަނިކުފާނު ދެއްވި ޖަވާބަކީ "ޝުކުރިއްޔާ"އެވެ.

ކްލައިމެޓް ވަލްނަރަބަލް ފޯރަމްގެ ސެކްރެޓަރީގެ ޖެނެރަލްގެ ވަޒީފާއާ ގުޅިވަޑައިގެންވުމަށްފަހުގައިވެސް، 19 ވަނަ ރައްޔިތުންގެ މަޖިލީހުގެ ދައުރު ނިމެންދެން މެމްބަރު ކަމުގެ މަޤާމުގައި ދެމިހުންނަވާނަންތޯ ދެވަނަފަހަރަށް ދެންނެވި ސުވާލަށް ރައީސް ނަޝީދު ޖަވާބެއް ނުދެއްވިއެވެ.

ރާއްޖޭގެ ސިޔާސީ މައިދާނުން ރައީސް ނަޝީދު މިވަގުތަށް ދުރަށް ވަޑައިގެންނެވިކަަން އެމަނިކުފާނު އިޢުލާނު ކުރެއްވި އިރު، އެމަނިކުފާނުގެ ޙަޔާތުގެ ގިނަ ދުވަސްތައް ހޭދަކުރެއްވީ، ސިޔާސީ މަސައްކަތުގައެވެ. ޚާއްޞަކޮށް ސިޔާސީ މަސައްކަތުގައި އެތައް އަނިޔާއަކާއި ކުރިމަތިލައްވައި، ދިވެހިރާއްޖެއަށް ނޫސްވެރިކަމުގެ މިނިވަންކަމާއި، ސިޔާސީ ހަރަކާތްތައް ހިންގުމުގެ މިނިވަންކަމާއި، ދިމިޤުރާތީ ހަމަތަކާއި އުސޫލުތަކާއި، ދައުލަތަށް އާމްދަނީ ލިބޭނެ ގޮތްތަކާއި، ރައްޔިތުންގެ މެދުގައި އަސާސީ ހައްޤުތަކާއި މިނިވަންކަން ޤާއިމްކޮށްދެއްވުމުގައި ކާމިޔާބީތައް ހޯއްދަވާފައެވެ. އެހެންވެ ރައީސް ނަޝީދު ސިޔާސީ މައިދާނުން ދުރަށް ވަޑައިގެންނެވިކަން ޢިއުލާނު ކުރެއްވުމުން ސިޔާސީ ބޭފުޅުންނާއި އާއްމުންގެ ތެރެއިން އެތައް ބަޔަކުވަނީ ރައީސް ނަޝީދަށް އިޚްލާސްތެރިކަމާއި އެކު ޝުކުރު ދަންނަވާފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.