މާލެއިން ފުރައިގެން ހދ.ކުޅުދުއްފުއްޓަށް ދަތުރުކުރަމުން ދަނިކޮށް ހދ. ކުޅުދުއްފުށީ ބަހާދަރު ބޯޓު ފަރަށް އަރައިފިއެވެ.

އެމްއެންޑީއެފުން ވިދާޅުވީ، އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑް ފަސްޓް ސްކޮޑްރަންއަށް ބަހާދަރު ބޯޓު ފަރަށް އެރިކަމުގެ މައުލޫމާތު ލިބުނީ، ރޭ މެންދަމުން އަލިވެ 2:30 ހާއިރުގައި ކަމަށެވެ. އަދި "ބަހާދަރު" އުރިފައި ވަނީ ނ.ދެކަނަންފަރު ކައިރީގެ ފަަރަކަށް ކަމަށްވެސް އެމްއެންޑީއެފުން ވިދާޅުވިއެވެ.

ބޯޓު ފަރަށް އެރިއިރު އެބޯޓުގައި، 10 ފަޅުވެރިންނާއި، ހަ އަންހެނުންނާއި، ހަ ކުޑަކުދިން ހިމެނޭހެން ޖުމްލަ 58 މީހުން ތިބި ކަމަށާއި، ބޯޓުގައި ތިބި ފަސިންޖަރުން، 17 މީހަކު މިހާރު ށ. ކޮމަންޑޫއަށް ގެންގޮސްފައިވާ ކަމަށާއި ފަސިންޖަރުންގެ ތެރެއިން ބާކީތިބި 31 މީހުން "ފްލައިންގ ފިޝް 17" ނަކަމަށް ކިޔާ ދޯންޏެއްގައި ހދ ކުޅުދުއްފުއްޓަށް ގެންދެވިފައިވާ ކަމުގައި އެމްއެންޑީއެފުން ވިދާޅުވިއެވެ.

އަދި ބަހާދަރު ބޯޓުގައި ތިބި 10 ފަޅުވެރިން ތިބީ ބޯޓުގައި ކަމަށާއި އެބޯޓު ފުންކުރުމުގެ މަސައްކަތް މިހާރު ކުރަމުންދާ ކަމުގައި އެމްއެންޑީއެފުން ވަނީ ވިދާޅުވެފައެވެ.