Advertisement
ފުށިދިއްގަރު ފަޅު --
ފުށިދިއްގަރުފަޅު ގުޅީ ކައުންސިލްގެ އިޙްތިޞާސްގެ ތެރެއިން ވަކިކޮށްފި
ރައީސުލްޖުމްހޫރިއްޔާގެ ބޯހިޔާވަހިކަމުގެ އެންމެ ބޮޑު ވަޢުދު ފުރިހަމަކުރެއްވުމަށް ބިންހިއްކައި ތަރައްޤީކޮށް އާބާދުކުރެއްވުމަށް ހަމަޖައްސަވާފައިވާ، ފުށިދިއްގަރުފަޅު ގުޅީ ކައުންސިލްގެ އިޙްތިޞާސްގެ ތެރެއިން ވަކިކުރައްވައިފިއެވެ.
ގުޅީ ކައުންސިލްގެ އިޙްތިޞާސްގެ ތެރޭގައި ފުށިދިއްގަރުފަޅުގެ ބައެއް ހިމެނޭ އިރު، އެބަދަލު ގެނެސްފައި ވަނީ، ޤާނޫނު އަސާސީ އާއި ޤާނޫނުތަކުން ރައީސުލްޖުމްހޫރިއްޔާއަށް ލިބިދޭ ބާރުގެ ދަށުންނެވެ.
މާލެއަތޮޅު ގުޅީގެ އިދާރީ އިހްތިޞާސްގެ ތެރެއިން ފުށިދިއްގަރު ފަޅު ވަކިކުރެއްވި އިރު އެފަޅަކީ ގުޅިއޮންނަ ފަޅާއި ވަކިން އޮންނަ ފަޅެކެވެ. އަދި ގުޅީގެ އިހްތިޞާސްގެ ތެރޭގައި ހިމަނާފައި ކުރިން އޮތިީ އެފަޅުގެ ދެކުނު ބިތުގެ ބައެކެވެ.
މިސަރުކާރުގެ ބޯހިޔާވަހިކަމުގެ އެންމެ ބޮޑު މަޝްރޫޢު ހިންގުމަށް ހަމަޖައްސާފައި ވަނީ ފުށިދިއްގަރުފަޅުގައި ކަމަށް ވާއިރު އެފަޅުގައި އެމަޝްރޫއަށް މިއަހަރުގެ ބަޖެޓުގައި ސަރުކާރުން ހިމެނި 400 މިލިޔަން ރުފިޔާ މަޖިލީހުން ވަނީ ބަޖެޓުން އުނިކޮށްފައެވެ.
