އެމްއެންޑީއެފަށް 30 އަށް ވުރެ ގިނަ އަހަރު ހިދުމަތް ކުރެއްވި 2 މޭޖާ ޖެނަރަލަކު އެ ހިދުމަތުން ރިޓަޔާކުރައްވައިފިއެވެ.

އެމްއެންޑީއެފުން ވިދާޅުވީ، ރިޓަޔާކުރައްވާފައި ވަނީ މޭޖާ ޖެނެރަލް، ވައިސް ވަހީދާއި މޭޖާ ޖެނަރަލް، ހާމިދު ޝަފީގެވެ.

ވައިސް ވަހީދަކީ 34 އަހަރަށް ވުރެ ގިނަ ދުވަހު އެ ހިދުމަތަށް އިހުލާސްތެރި މަސައްކަތްތަކެއް ކޮށްދެއްވާފައިވާ ބޭފުޅެއް ކަމަށް އެމްއެންޑީއެފުން ވަނީ ބުނެފައެވެ. ވައިސް ވަހީދު ސިފައިންގޭގައި މަސައްކަތް ކުރައްވަމުން ގެންދެވީ 1989, ޖޫން 19 އިން ފެށިގެންނެވެ. ރިޓަޔާ ކުރެއްވިއިރު ހުންނެވީ ކޮމާންޑަންޓް އެމްއެންޑީއެފް މެރިން ކޯޕްސް އަދި ކޮލެޖް އޮފް ޑިފެންސް އެންޑް ސެކިއުރިޓީ ސްޓަޑީސްގެ ކޮމާންޑިން އޮފިސަރުގެ މަގާމުގައެވެ.

ހާމިދު ޝަފީގަކީ 33 އަހަރަށް ވުރެ ގިނަ ދުވަހު އަސްކަރިއްޔާއަށް ހިދުމަތްކުރައްވާފައިވާ ބޭފުޅެއް ކަމަށް ވަނީ ބުނެފައެވެ. ހާމިދު ސިފައިންގޭގައި މަސައްކަތް ކުރައްވަމުން ގެންދެވީ 1990, މާޗް 11 އިން ފެށިގެންނެވެ. ރިޓަޔާ ކުރެއްވިއިރު ހުންނެވީ ކޮމާންޑަންޓް އެމްއެމްޑީއެފް ސާވިސް ކޯޕްސްގެ މަގާމުގައެވެ.

މި 2 ބޭފުޅުން ޝަރަފުވެރިކަމާ އެކު ރިޓަޔާކުރެއްވިއިރު ވެރިކަން ބަދަލުވުމުގެ މަރުހަލާގެ ތެރެއިން ސިފައިންނާއި ފުލުހުންގެ ހިދުމަތުގެ އިސް މަގާމުތަކުގައި ތިއްބެވި ގިނަ ބޭފުޅުން ވަނީ ރިޓަޔާ ކުރައްވައިފައެވެ.