އެކޮމިޝަނުން ވިދާޅުވީ، އިންތިޚާބުގެ އޮބްޒާވަރުންނާއި މޮނީޓަރުންނާއި، ކެންޑިޑޭޓުންގެ މަންދޫބުން އައްޔަނު ކުރުމަށް އިތުރު ފުރުޞަތެއް ދިނުމަށް ނިންމަވާފައި ވަނީ، 2024 މާރިޗު 19 އިން 21 ގެ ނިޔަލަށް ކަމަށެވެ.

އެކޮމިޝަނުން ހާމަކޮށްފައިވާ ގޮތުގައި ރީ-ރެޖިސްޓްރީ ކުރުމަށް ދީފައިވާ މުއްދަތު ހޮނިހިރު ދުވަހުގެ 3:00އަށް ހަމަވިއިރު، ޖުމުލަ 11،169 މީހުން ވަނީ ރީ- ރެޖިސްޓްރޭޝަނަށް ހުށައަޅާފައެވެ. މިގޮތުން ހުށައަޅާފައިވާ ފޯމުތަކުގެ ތެރެއިން 10،028 ފޯމްގެ ސައްޙަކަން ކަށަވަރުކޮށް އެމީހުން ވަނީ ރީރެޖިސްޓްރީކޮށްދެވިފައި ކަމުގައިވެސް އިލެކްޝަންސް ކޮމިޝަނުން ހާމަކޮށްފައިވެއެވެ.

އެކޮމިޝަނުން ވިދާޅުވީ، ރީރެޖިސްޓްރީ ކުރުމަށް ހުޅުވާލި ފުރުޞަތުގައި، ވޯޓު ފޮށިތައް ބެހެއްޓުމުގައި ކަނޑައަޅާފައިވާ އަދަދަށް މީހުން ރީރެޖިސްޓްރީކޮށްފައި ވަނީ ތިން ޤައުމަކުން ކަމަށެވެ. އޭގެ ތެރޭގައި ހިމެނެނީ، އިންޑިއާ ސްރީލަންކާ އަދި މެލޭޝިއާއެވެ.

އެކޮމިޝަނުން ވިދާޅުވީ، ރާއްޖެއިން ބޭރުގައި ބެހެއްޓުމަށް ކަނޑައަޅާފައިވާ ފޮށިތަކުގެ ތެރެއިން 6 ފޮއްޓަކަށް ވޯޓުލުމަށްޓަކައި މިހާތަނަށް 827 މީހުން ރީރެޖިސްޓްރީކޮށްފައިވާ ކަމަށެވެ.

21 އަހަރަށް ފަހު، މިއަދުން ފެށިގެން ޙަބީބު ޚިދުމަތުން ވަކިވެ ވަޑައިގެންނެވި އިރު، ނޫން.އެމްވީ ގެ "ކޮފީ ވިތު ސުލައިމާން" ޕްރޮގްރާމްގައި ވާހަކަފުޅު ދައްކަވަމުން ޙަބީބު ވިދާޅުވީ ދެން ކުރައްވާނީ ކޮންކަމެއްކަން އަދި ކަނޑައަޅުއްވާފައި ނުވާ ކަމަށެވެ.

އިލެކްޝަންސް ކޮމިޝަނުން ވިދާޅުވީ، މިއަދު ގެޒެޓް ކުރި، މި ލިސްޓަށް ޝަކުވާ ހުށަހަޅާނީ 2024 މާރިޗު 13 އިން 2024 މާރިޗު 14 ގެ ނިޔަލަށް، ރަސްމީ ބަންދު ނޫން ކޮންމެ ދުވަހަކު ހެނދުނު 09:30 އިން މެންދުރުފަހު 01:30 އަށް ކަަމަށެވެ.

ޙަބީބު ވަނީ ކޮމިޝަންގެ މަސައްކަތުގައި ވިދިވިދިގެން 2 ދައުރު ފުރިހަމަ ކުރައްވާފައެވެ. އިލެކްޝަންސް ކޮމިޝަންގެ މެމްބަރެއްގެ ގޮތުގައި މަސައްކަތް ކުރެއްވުމުގެ އިތުރުންވެސް އެކޮމިޝަނުގައި މަސައްކަތް ކުރެއްވި އިތުރު 11 އަހަރާއި އެކު ޖުމުލަ 21 އަހަރު ޙަބީބު އިލެކްޝަންސް ކޮމިޝަނުގައި މަސައްކަތް ކުރެއްވިއެވެ.

މި މުއްދަތުގައި ރަޖިސްޓަރީވުމަށް އެދި ހުށަހަޅާނީ ރައްޔިތުންގެ މަޖިލީހުގެ އިންތިޚާބު 2024 ގައި ވޯޓުލުމަށް މިހާރު ރަޖިސްޓަރީވެފައިވާ ތަން ނޫން އެހެން ތަނެއްގައި ވޯޓުލުމަށް ރަޖިސްޓަރީވާން ބޭނުންވާ ފަރާތްތަކުން އެކަނި ކަމުގައިވެސް އިލެކްޝަންސް ކޮމިޝަނުން ވަނީ ވިދާޅުވެފައެވެ.

އިލެކްޝަންސް ކޮމިޝަންގެ ނައިބު ރައީސް އިސްމާއީލް ޙަބީބު ވިދާޅުވީ، 2024 މާރޗް 17 ވަނަ ދުވަހު ބާއްވަން އިލެކްޝަންސް ކޮމިޝަނުން އިޢުލާން ކުރައްވާފައިވާ ހއ. ތަކަންދޫ ކައުންސިލްގެ އަންހެން މެންބަރު، ނ. ވެލިދޫ ކައުންސިލްގެ މެންބަރު އިންތިޚާބުކުރުމަށް ބާއްވާ ބައި-އިލެކްޝަނާއި، 2024 މާރޗް 30 ވަނަ ދުވަހު ބާއްވަން އިޢުލާން ކުރައްވާފައިވާ، މ. މަޑުއްވަރީ ކައުންސިލް ގެ ރައީސް އިންތިޚާބު ކުރުމަށް ބާއްވާ ބައި-އިލެކްޝަން ދެން އޮންނާނީ 2024 އެޕްރީލް 21 ވާ އާދިއްތަ ދުވަހުގައި ކަމަށެވެ. އެދުވަހަކީ، ރައްޔިތުންގެ މަޖިލީހުގެ އިންތިޚާބުވެސް ބާއްވަން ހަމަޖައްސާފައިވާ ދުވަހެވެ.

ކުރިން އިންތިޚާބު ބޭއްވުމަށް ހަމަޖައްސާފައި އޮތީ އަންނަ މާރިޗު މަހުގެ 17 ވަނަ ދުވަހުގައި ކަމަށް ވީ ނަމަވެސް އިންތިޚާބު އިލެކްޝަންސް ކޮމިޝަނުން އޭޕްރީލް 21އަށް ލަސްކުރީ، ރޯދަމަހު އިންތިޚާބުތައް ނުބާއްވާ ގޮތަށް، އާއްމު އިންތިޚާބާއި ބެހޭ ޤާނޫނަށް އިސްލާޙް ގެނައުމުގެ ބިލް ރައްޔިތުންގެ މަޖިލީހުން ދެވަނަ ފަހަރަށް ފާސްކޮށް އެބިލް މިރޭ ރައީސުލްޖުމްހޫރިއްޔާ ތަސްދީޤުކުރައްވަިއ ގެޒެޓްކުރެއްވުމާއި ގުޅިގެން، އިންތިޚާބު ބާއްވާ ތާރީޚް ފަސްކުރުމަށް ޤާނޫނުން އިލެކްޝަންސް ކޮމިޝަންގެ މައްޗަށް ލާޒިމް ވުމުންނެވެ.

އެކޮމިޝަނުން ވިދާޅުވީ، 2024 މާރިޗު 17 ވާ އާދީއްތަ ދުވަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބު 2024 ގެ އޮފިޝަލުންގެ ގޮތުގައި ޙަރަކާތްތެރިވުމަށް ޝައުޤުވެރިވާ ފަރާތްތަކުން އެޕްލިކޭޝަން ހުށައެޅުުމުގެ މުއްދަތު، މާރިޗު މަހުގެ 05 ވަނަ ދުވަހުގެ 15:00 އާއި ހަމައަށް ހުޅުވާލާފައިވާ ކަމަށެވެ.

އިލެކްޝަންސް ކޮމިޝަންގެ ނައިބު ރައީސްގެ މަގާމަށް އެ ކޮމިޝަންގެ އެސްޖީގެ މަގާމުގައި ހުންނެވި ހަސަން ޒަކަރިއްޔާ އައްޔަންކުރަން މަޖިލީހަށް ފޮނުވައިފިއެވެ.

މަޖިލިސް އިންތިޚާބުގައި ވޯޓުލާ މަރުކަޒުތަކުގައި ހަރަކާތްތެރިވުމަށް އިތުރު އޮފިޝަލުން ބޭނުންވާ ކަމަށް އިލެކްޝަންސް ކޮމިޝަނުން ހާމަކުރައްވައިފިއެވެ.

އަންނަ މަހު ބޭއްވުމަށް ހަމަޖެހިފައިވާ ރައްޔިތުންގެ މަޖިލީހުގެ އިންތިޚާބު އޮބްޒާވްކުރުމަށްޓަކައި މިހާތަނަށް 66 ހުށައެޅުން ލިބިފައިވާ ކަމަށް އިލެކްޝަންސް ކޮމިޝަނުން ވިދާޅުވެއްޖެއެވެ.

މިގޮތުން މިއަދު މެންދުރު ފަހު، 14:30 އިން ފެށިގެން، 18:30 އާއި ހަމައަށް ގުރުއަތުލުން ކުރިޔަށް ގެންގޮސް، 93 ދާއިރާއަށް ވާދަކުރާ 381 ކެންޑިޑޭޓުންގެ ކެންޑިޑޭޓް ނަމްބަރު މިހާރު ވަނީ ތަރުތީބުކޮށްފައެވެ.

ޙަބީބު ވިދާޅުވީ، ރައްޔިތުންގެ މަޖިލީހުގެ އިންތިޚާބަށް ކުރިމަތިލީ ފަރާތްތަކުގެ، ނަން ތަރުތީބު ކުރުމަށްޓަކައި، ކެންޑިޑޭޓުންގެ މެދުގައި، ގުރުޢަތު ނެގުން ހުކުރުދުވަހު ބޭއްވުމަށް ހަމަޖައްސަވާފައި ވާކަމަށާއި، ގުރުއަތުލުން އޮންނާނެ ގަޑިތައް ކެންޑިޑޭޓުންނަށް އިލެކްޝަންސް ކޮމިޝަނުން އަންގަވަމުން ގެންދަވާނެ ކަމަށެވެ.