އިލެކްޝަންސް ކޮމިޝަނުގެ މެމްބަރު ކަމުގެ މަޤާމަށް ކުރިމަތި ލެއްވި ބޭފުޅުންގެ ތެރޭގައި ހިމެނ، އެކޮމިޝަންގެ މެމްބަރު، ޙަސަން ޒަކަރިއްޔާ އައްޔަނުކުރުމަށް ރުހުންދިނުމަށް މިއަދު ބޭއްވި ރައްޔިތުންގެ މަޖިލީހުގެ ޖަލްސާއިން ފާސްކޮށްފިއެެވެ.

މިއަދު އޮތް ރައްޔިތުންގެ މަޖިލީހުގައި ޖަލްސާގައި، ޙަސަން ޒަކަރިއްޔާއަށް ރުހުން އޮތްތޯ ބެލުމަށް ނެގި ވޯޓުގައި، 39 މެމްބަރުން ވޯޓުދެއްވީ ކޮމިޝަންގެ މެމްބަރުކަމަށް އޭނާ އައްޔަނުކުރުމަށް ފެންނަ ކަމަށެވެ.

އިލެކްޝަންސް ކޮމިޝަންގެ މެމްބަރުކަމަށް ޙަސަން ޒަކަރިއްޔާ އައްޔަނު ކުރެއްވުމަށް، ރުހުން ހޯއްދެވުމަށް ރައީސުލްޖުމްހޫރިއްޔާ ޙަސަން ޒަކަރިއްޔާގެ ނަން މަޖިލީހަށް ފޮނުއްވެވީ، މިއަހަރުގެ ފެބުރުއަރީ މަހުގެ ތެރޭގައެވެ.

އިލެކްޝަންސް ކޮމިޝަންގެ މެމްބަރު ކަމުގެ މަޤާމު ހުސްވީ، އެކޮމިޝަންގެ މެމްބަރުކަމުގައި ހުންނެވި އިސްމާޢީލް ޙަބީބިގެ މަޤާމުގެ ދެދައުރު ހަމަވެ އޭނާ ކޮމިޝަނުން ވަކިވެވަޑައިގެންނެވުމާއި ގުޅިގެންނެވެ. 

ޙަބީބުގެ މަޤާމުގެ މުއްދަތު ހަމަވީ، ހުސްވި މާރިޗު މަހުގެ 13 ވަނަ ދުވަހަށެވެ.