މާލެ ސަރަހައްދަށް ބޯކޮސް ވާރޭ ވެހުމުގެ ސަބަބުން މާލޭގެ އިތުރުން ހުޅުމާލޭގެ ބައެއް ސަރަހައްދުތަކުގައިވެސް ވަނި ފެންބޮޑުވެފައެވެ. އެމްއެންޑީއެފުން ވިދާޅުވީ، މާލޭގައި އާއްމުކޮށް ފެންބޮޑުވާ ސަރަހައްދުތަކުގައި ޕަންޕް ބަހައްޓައިގެން ފެންހިންދުމުގެ މަސައްކަތް ސިފައިން މިހާރު ފަށާފައިވާ ކަމަށެވެ.

ރާއްޖެއަށް މިހާރު ކުރަމުންދާ ވިއްސާރައިގައި ރާއްޖޭގެ ބައެއް ރަށްރަށަށް ރޭ ވަނީ ގެއްލުންތައް ލިބިފައެވެ. މިގޮތުން ރޭ ފަތިހު، ހއ. ދިއްދޫއަށް ނަގޫރޯޅިއެއް އެރުމުގެ ސަބަބުން އެރަށުގެ 10 ގެއެއްގެ ފުރާޅަށް ގެއްލުން ލިބުނު އިރު، 6 ގެއެއްގެ ފުރާޅުވަނީ އެއްކޮށް އެއްލާލާފައެވެ. އެގެތަކުގައި ދިރިނޫޅެވޭ ވަރު ވެފައިވާތީ، އެގެތަކުގައި ދިރިއުޅުނު މީހުން ވަނީ ވަގުތީ ގޮތުން އާއިލީ އެހެން މީހުންގެ ގެތަކަށް ބަދަލުވެފައެވެ.

މޫސުމް ގޯސްވެ ޔެލޯ އެލާޓް ނެރެފައި ވަނީ، ހއ. އަތޮޅުން ފެށިގެން ބ. އަތޮޅާއި ދެމެދުގެ އަތޮޅުތަކުގެ ރަށްތަކަށެވެ. މިގޮތުން ޔެލޯ އެލާޓް ނެރެފައި ވަނީ، މިއަދުގެ މެންދުރު 12:45 އިން ހަވީރު 5:00އަށެވެ.

ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީ ވިދާޅުވީ، މިރޭ މާލެ އަތޮޅު ގުރައިދޫއަށް ބޯކޮށް ވާރޭ ވެހި ގިނަ ގެތަކަކަށް ފެންވަންނަމުންދާކަމަށެވެ. އަދި މިހާދިސާ އާއި ގުޅޭ ކަމާއި ގުޅޭ އިދާރާތަަކާއި މުއައްސަސާތަކާއި އެކު މަސައްކަތް ކުރަމުންދާ ކަމުގައިވެސް އެންޑީއެމްއޭއިން ވިދާޅުވިއެވެ.

މޫސުމާއި ބެހޭ ޤައުމީ އިދާރާއިން ވިދާޅުވީ، ތިލަދުންމަތިންފެށީގެން ހައްދުންމައްޗާއި ދެމެދުގެ އަތޮޅުތަކުގެ ރަށްތަކަށް ކުރިޔަށް އޮތް 5 ގަޑިއިރު، ގުގުރުމާއި އެކު ބޯކޮށް ވާރޭ ވެހޭނެ ކަމަށް ލަފާކުރެވޭ ކަމަށެވެ. މިގޮތުން ވައިޓް އެލާޓުގެ މުއްދަތު އިތުރުކޮށްފައި ވަނީ މިއަދުގެ މެންދުރުފަހު 1:30 އިން ފެށިގެން އިރުއޮއްސި 7:00އަށެވެ.

އެންޑިއެމްއޭއިން ވިދާޅުވީ އައްޑުއަށް ކުރަމުންދާ ވިއްސާރައިގައި 40 ވުރެ ގިނަ ގޭގެއަށް ފެންވަދެ، ގެއްލުންތައް ލިބިފައިވާ ކަމަށެވެ. އަދި 5 ގެއެއްގައި މީހުންނަށް ދިރި ނޫޅެވޭ ވަރުވެ އެގޭގޭގެ މީހުން އެގެން ގެތަކަށް ބަދަލުކުރަން ޖެހުނު ކަމަށާއި، އޭގެ ތެރެއިން 3 ގެއެއްގެ މީހުން އާއިލީ އެހެން ގެތަކަށް ބަދަލުވެފައި ވާއިރު، ދެ ގެއެއްގެ މީހުނަށް ވަގުތީ ބޯހިޔާވަހިކަން ހަމަޖައްސައިދީފައިވާ ކަމަށެވެ.

ރާއްޖޭގެ މޫސުމާއި ބެހޭ ޤައުމީ އިދާރާއިން ބުނީ އިންޑިއާ ކަނޑުގެ އިރުމަތީގައިވާ އަންޑަމަންގެ ރަށްތަކުގެ ކައިރިއަށް އައި މި ބިންހެލުމުގެ އަސަރު ރާއްޖެއަށް ކޮށްފާނެކަމަށް ނުބެލެވޭ ކަމަށެވެ،

މޫސުމާއި ބެހޭ ޤައުމީ އިދާރާއިން އުތުރުގެ އަތޮޅުތަކަށް ޔެލޯ އެލާޓް ނެރެފައި ވަނީ ހއ އަތޮޅުންފެށިގެން ބ އަތޮޅާއި ދެމެދުގެ އަތޮޅުތަކަށެވެ. ޔެލޯއެލާޓް ނެރެފައި ވަނީ މިއަދުގެ 17:30 އާއި ހަމައަށެވެ.

މޫސުމާއި ބެހޭ ޤައުމީ އިދާރާއިން ހާމަކޮށްފައިވާ ގޮތުގައި، މިއަދު 11:00ގައި ހުޅުލެއަށް 33.1 ޑިގްރީ ސެލްސިއަސްއަށް ހޫނުމިން މައްޗަށް ދިޔައިރު، ފިނިހޫނުމިން އިހްސާސްކުރެވޭ މިންވަރު ވަނީ 44.7 ޑިގްރީ ސެލްސިއަސްއަށް މައްޗަށް ގޮސްފައެވެ.

އިންޑިއަން ރިޖަށް އައި ބިންހެލުމުގެ އެއްވެސް އަސަރެއް ރާއްޖެއަށް ނުކުރާނެ ކަމަށް މޫސުމާބެހޭ ޤައުމީ އިދާރާއިން ވިދާޅުވެއްޖެއެވެ.

ކުރިއަށް އޮތް ހަތަރު ދުވަހު ވެސް ރާއްޖޭގެ ވައި ނުސާފުވާނެ ކަމަށް ލަފާކުރެވޭތީ އެކަމަށް ސަމާލުވުމަށް މޫސުމާ ބެހޭ ޤައުމީ އިދާރާއިން އިލްތިމާސްކުރައްވައިފިއެވެ.

މޫސުމާއިބެހޭ ޤައުމީ އިދާރާއިން ވިދާޅުވީ، ރާއްޖޭގެ ސަރައްހަދުގައި ވައި ނުސާފުވެފައި ވަނީ، އިރު އުތުރުން ޖެހޭ ބާރުވައިގެ ސަބަބުން ކަމަށެވެ. މިގޮތުން އުތުރު އިންޑިއާ އާއި އިންޑިއާ އިރުމަތީ އައްސޭރިފަށުގެ ސަރަހައްދުތަކުގައި ވައި ވަނީ ވަރަށް ބޮޑަށް ނުސާފުވެފައެވެ.

އިއްޔެއަކީ މިފަހުގެ ތާރީޚުގައި އެންމެ ގިނައިން މާލެއަށް ވާރޭ ވެހުނު ދުވަހެވެ. އިއްޔެ މާލެއަށް މާލެއަށް 159.3 މިލިމީޓަރުގެ ވާރޭ ވެހުނު އިރު، މާލެ ފެންބޮޑުވި ޑިސެމްބަރު މަހުގެ 31 ވަނަ ދުވަހު މާލެއަށް ވެހުނީ 118.2 މިލިމީޓަރުގެ ވާރެއެވެ.

މިހާރު ރާއްޖެއަށް ކުރަމުންދާ ވިއްސާރައިގައި ކުރިއަށް އޮތް 12 ގަޑިއިރުވެސް ރާއްޖޭގެ ބޮޑު ވަޔަކަށް ވައިގަދަވެ ކަނޑުތައް ގަދަވާނެކަމަށް މޫސުމާއި ބެހޭ ޤައުމީ އިދާރާއިން ވިދާޅުވެއްޖެއެވެ. އެހެންކަމުން ކޮންމެހެން ކުރަންޖެހޭ ދަތުރުތައް ނޫނީ ނުކުރުމަށް އެ އިދާރާއިން ވަނީ އިލްތިމާސްކޮށްފައެވެ.