އިންޑޮނީޝިއާގެ ޖާވާއަށް ރިކްޓަރ މިންގަނޑުން، 6.2ގެ ބާރު މިނުގައި ބިންހެލުމެއް އަތުވެއްޖެއެވެ.

ޔޫއެސްޖިއޮލޮޖިކަލް ސަރވޭ އިން ހާމަކޮށްފައިވާ ގޮތުގައި މިބިން ހެލުން އައިސްފައި ވަނީ، މިބިންހެލުން އައިސްފައި ވަނީ މިރޭގެ 21:29ގައެވެ. ބިންހެލުން މަރުކަޒުވެފައި ހުރީ، 68.3 ކިލޯމީޓަރު ފުނުގައެވެ. 

ރާއްޖޭގެ މޫސުމާއި ބެހޭ ޤައުމީ އިދާރާއިން ވިދާޅުވީ، ބިންހެލުމުގެ އަސަރު ރާއްޖެއަށް ކުރާނެ ކަމަށް ނުބެލެވޭ ކަމަށެވެ. ބިންހެލުން އައި ސަރަހައްދާއި މާލެ އާއި ދެމެދު 3761 ކިލޯ މީޓަރުގެ ދުރުމިން ހުރެއެވެ.

Advertisement

މި ބިން ހެލުމާއި ގުޅިގެން ސުނާމީގެ އިންޒާރެއް ނެރެފައެއް ނުވެއެވެ.

މިރޭ އިންޑޮނީޝިއާއަށް މިބިން ހެލުން އައި އިރު، މިއަދު އިރު އޮއްސުނު ވަގުތު، ރާއްޖޭގެ ދެކުނުން މިޑް އިންޑިއާ ރިޖަށްވެސް ދެބިން ހެލުން އައިސްފައިވެއެވެ. އޭގެ ތެރެއިން އެއް ބިންހެލުމުގެ ބާރު ހުރީ ރިކްޓަރ މިންގަނޑުން 6.0ގައެވެ.