އިންޑިއަން ރިޖަށް އައި ބިންހެލުމުގެ އެއްވެސް އަސަރެއް ރާއްޖެއަށް ނުކުރާނެ ކަމަށް މޫސުމާބެހޭ ޤައުމީ އިދާރާއިން ވިދާޅުވެއްޖެއެވެ.

އިންޑިއަން ރިޖަށް ބިންހެލުން އައިސްފައިވަނީ 6.2 މެގްނިޓިއުޑްގެ ބާރުމިނުގައި ކަމަށް މޫސުމާ ބެހޭ ޤައުމީ އިދާރާއިން ވިދާޅުވެއެވެ. މި ބިންހެލުން އައިސްފައިވަނީ ރާއްޖެ ގަޑިން މެންދަމު 03:09 ގައެވެ.

މެޓް އޮފީހުން ނެރެފައިވާ ބަޔާނުގައިވާ ގޮތުން އިންޑިއަން ރިޖްއާއި އައްޑޫ ސިޓީއާއި ހުރި ދުރުމިނަކީ 5282 ކިލޯމީޓަރެވެ. ނަމަވެސް މި ބިންހެލުމުގެ އެއްވެސް އަސަރެއް ރާއްޖެއަށް ނުކުރާނެ ކަމަށާއި، ނުރައްކާވާނެ ކަމަށް ނުބެލެވޭ ކަމަށް މޫސުމާ ބެހޭ ޤައުމީ އިދާރާއިން ވިދާޅުވެއެވެ.