މާލެ ސަރަހައްދުގައި އިޙްސާސްކުރެވޭ ފިނި ހޫނުމިން، 44.7 ޑިގްރީ ސެލްސިއަސްއަށް މަތިވެއްޖެއެވެ.

މޫސުމާއި ބެހޭ ޤައުމީ އިދާރާއިން ހާމަކޮށްފައިވާ ގޮތުގައި، މިއަދު 11:00ގައި ހުޅުލެއަށް 33.1 ޑިގްރީ ސެލްސިއަސްއަށް ހޫނުމިން މައްޗަށް ދިޔައިރު، ފިނިހޫނުމިން އިހްސާސްކުރެވޭ މިންވަރު ވަނީ 44.7 ޑިގްރީ ސެލްސިއަސްއަށް މައްޗަށް ގޮސްފައެވެ.

މީގެ އިތުރުން ހދ. ހަނިމާދޫއަށްވެސް އިހްސާސް ކުރެވޭ ފިނި ހޫނުމިން 43.7 ޑިގްރީއަށް ވަނީ މައްޗަށް ގޮސްފައެވެ. އަސްލު ފިނިހޫނު މިނަށްވުރެ އިހްސާސް ކުރެވޭ ހޫނުމިން މަތިވަނީ، ވައިގައި އެކުލެވޭ ތެތްކަން ކުޑަވުމުގެ ސަބަބުންނެވެ.

މިއަދު ހޫނު ގަދަ ނަމަވެސް ރާއްޖޭގެ އެކި ހިސާބުތަކަށް ކެރީގެ އަސަރު ފޯރާނެ ކަމަށްވެސް މޫސުމާއި ބެހޭ ޤައުމީ އިދާރާއިން ވަނީ ލަފާކޮށްފައެވެ. އަދި ބައެސް ސަރަހައްދުތަކަށް ގުގުރުންވެސް އެކަށީގެންވާ ކަމުގައި އެއިދާރާއިން ވިދާޅުވެފައިވެއެވެ.

މޫސުމާއި ބެހޭ އަހަރީ ތަފާސް ހިސާބުތަކުގައި ވާގޮތުން ރާއްޖެއަށް އެންމެ ހޫނު ގަދަވަނީ، ކޮންމެ އަހަރެއްގެވެސް މާރިޗު މަހާއި އޭޕްރީލް މަހުގައެވެ.