ރާއްޖެއަށް މިހާރު ކުރަމުންދާ ވިއްސާރައިގައި އިތުރަށް މޫސުމް ގޯސްވާނެ ކަމަށް ލަފާކޮށް މޫސުމާއި ބެހޭ ޤައުމީ އިދާރާއިން، ޔެލޯ އެލާޓް ނެރެފިއެވެ.

މޫސުމާއި ބެހޭ ޤައުމީ އިދާރާއިން ވަނީ، ބ އަތޮޅުން ފެށިގެން އައްޑި އަތޮޅުގެ ރަށްތަކަށް މިރޭގެ މެންދަމު 12:00 އާއި ހަމައަށް ޔެލޯ އެލާޓް ނެރެފައެވެ. 

މޫސުމާއި ބެހޭ ޤައުމީ އިދާރާއިން ވިދާޅުވީ މިރޭގެ، 12:00 އާއި ދެމެދު ބޯކޮށްވާރޭ ވެހި 25 މޭލާއި 30 މޭލާއި ދެމެދަށް ވައި ގަދަވާނެ ކަމަށާއި ވިލާގަނޑުގައި ގަޑިއަކު 50 މޭލަށް ވައި ގަދަވާނެކަމަށެވެ.

މިހާރު ރާއްޖެއަށް ކުރަމުންދާ ވިއްސާރައިގައި، މާލޭގައި ފެންބޮޑުވެ ސިފައިން ވަނީ ފެން ހިންދުމުގެ މަސައްކަތް ފަށާފައެވެ.