އެމަނިކުފާނުގެ ޚިޠާބުގައި އިތުރަށް ވިދާޅުވީ، މިޢީދުގައި، ވަކިން ޚާއްޞަ ސަމާލުކަމެއް ދޭންވީ، އެއްވެސް ސަބަބަކާ ހުރެ، މީހަކާ މެދު ހިތުގައި ރުޅިވެރިކަމެއް ނުވަތަ ދެކޮޅުވެރިކަމެއް އަދި ހިތްހަމަނުޖެހުމެއް އޮތް ނަމަ، އެމީހަކަށް ހިތް ހެޔޮކޮށް މަޢާފްކުރުމާއެކު، އަލުން ގުޅުން އުފެއްދުމަށް އިސް ނެގުމަށް ކަމަށެވެ.

ޢީދު ނަމާދު ކުރާނީ، ޢީދު ދުވަހުގެ ހެނދުނު، 7:30 ގައެވެ. މިފަހަރު ފިޠުރުއީދު ދުވަހަކީ، 21 އޭޕްރީލް 2023ވާ ހުކުރު ދުވަހެވެ.

ރައްޔިތުންގެ މަޖިލީހުގެ ކޮމެޓީތަކުގެ މުޤައްރަރުންގެ ގޮތުގައި ތިއްބަވައިގެން، ސަރުކާރާއި ދެކޮޅަށް މަސައްކަތް ކުރައްވަމުން ގެންދަވާ މެމްބަރުން، ކޮމިޓީތަކުގެ މުޤައްރިރުކަމުން ވަކި ކުރުމަށް އެމްޑީޕީގެ ޕާލަމެންޓްރީ ގުރޫޕުން ބުދަ ދުވަހު ވަނީ ނިންމާފައެވެ. އެގޮތަށް ނިންމާފައި ވަނީ އެމްޑީޕީގެ ޕާލަމެންޓްރީ ގުރޫޕުން ބުދަ ދުވަހު ބޭއްވި ބައްދަލުވުމުގައި ކަމަށް ވަނީ އެނގިފައެވެ.

ގޮވާމުގެ ބާވަތްތަކުން ފިޠުރު ޒަކާތް ބެހުމުގެ މަސައްކަތް މިއަދު ފަށާފައި ވާއިރު، އެމިނިސްޓްރީން ވިދާޅުވީ އިއްޔެއިން ފެށިގެން، ބަނޑޭރި ޕޭ ފިޔަވައި އެހެން އޮންލައިން ޕްލެޓްފޯމްތައް މެދުވެރިކޮށް ފިޠުރު ޒަކާތް ބަލައިގަތުން މެދު ކަނޑާލާފައިވާ ކަމަށެވެ. އަދި ބަނޑޭރި ޕޭ މެދުވެރިކޮށް ރަމަޟާން މަހުގެ އެންމެ ފަހު ދުވަހުގެ އިރު އޮއްސި 18:00 އާއި ހަމައަށް ޒަކާތް ބަލައިގަންނަމުންދާނެ ކަމުގައިވެސް އެމިނިސްޓްރީން ވިދާޅުވިއެވެ.

މިހިނގާ އެޕްރީލް މަހާ އަދި ޖެހިގެން އަންނަ މެއި މަހަކީ ރާއްޖެއަށް މި އަހަރު އެންމެ ހޫނު ގަދަވާނެ ދުވަސްތައް ކަމުގައި ކަމާ ބެހޭ އިދާރާތަކުން ލަފާކޮށްފައިވާތީ, ކަރަންޓު ބޭނުން ކުރުމުގައި އިތުރަށް ސަމާލުވުމަށް ސްޓެލްކޯއިން އިލްތިމާސް ކޮށްފިއެވެ.

މާލޭ ޝަހީދު ޢަލީ ހިނގުމުގައި ހުންނަ، މަޝްހޫރު އަލިރަސްގެފާނު ޒިޔާރަތުގެ އައުބައުތުރަ ފިލުވުމާއި އެތަން ބެލެހެއްޓުމުގެ މަސައްކަތް އެމްޓީސީސީއާ ހަވާލުކޮށްފިއެވެ. އެމަސައްކަތް އެމްޑަބުލިޔުއެސްސީއާއި ހަވާލުކޮށް އެއްބަސްވުމުގައި ސޮއެކޮށްފައި ވަނީ، ބުދަ ދުވަހު، އެމްޑަބުލިޔުއެސްސީގެ އޮފީހުގައި ބޭއްވި ރަސްމިއްޔާތެއްގައެވެ. މިއެއްބަސްވުމުގައި، ތަރިކަ ރައްކާތެރި ކުރުމާއި ބެހޭ ޤައުމީ މަރުކަޒުގެ ފަރާތުން ސޮއެކުރެއްވީ، މިނިސްޓަރ އޮފް ސްޓޭޓްފޮރ އާޓްސް، ކަލްޗަރ އެންޑް ހެރިޓޭޖް މުޙައްމަދު ޠާރިޤެވެ. އަދި އެމްޑަބުލިޔުއެސްސީގެ ފަރާތުން ސޮއެކުރެއްވީ، އެކުންފުނީގެ މެނޭޖިންގ ޑައިރެކްޓަރ ޙަސަން ޝާހެވެ. މިރަސްމިއްޔާތުގައި، މިނިސްޓަރ އޮފް އާޓްސް، ކަލްޗަރ އެންޑް ހެރިޓޭޖް ޔުމްނާ މައުމޫންވެސް ބައިވެރިވެވަޑައިގެންނެވިއެވެ. މިއެއްބަސްވުމުގެ ދަށުން އަލިރަސްގެފާނު ޒިޔާރަތުގެ އައުބައުތުރަ ފިލުވައި އެތަން ބެލެހެއްޓުމާއި، ސީސީޓީވީ ކެމެރާ ހަރުކޮށް މޮނިޓަރ ކުރުމުގެ މަސައްކަތް ކުރާނީ އެމްޑަބުލިޔުއެސްސީއިންނެވެ. އެމްޑަބުލިޔުއެސްސީއާ މިމަސައްކަތް ހަވާލުކުރެއްވި އިރު، އެޒިޔާރަތުގެ ތެރޭގައި، ރައީސް ޔާމީން ސަރުކާރުން ވަނީ، ސްޓޯމްވޯޓަރ ޑްރެއިން ޕަމްޕްތަކެއް ބަހައްޓާފައެވެ. ޒިޔާރަތުގެ ހަރިންމަ ކޮނެ އެޕަމްޕްތައް ބެހެއްޓުމުން އޭރު ސަރުކާރަށް ވަރަށްބޮޑަށް ފާޑުކިޔުންތައް އަމާޒުވިއެވެ. އަދި އެޕަމްޕްތައް ބެލެހެއްޓުމުގެ ޒިންމާވެސް ހަވާލުވެފައި އޮތީ އެމްޑަބުލިޔުއެސްސީއަށެވެ. މީގެ އިތުރުން އަލިރަސްގެފާނު ޒިޔާރަތުގެ ކުރިމައްޗަށާއި، އެޒިޔާރަތުގެ ތެރެއަށް ކުނިޖަމާކުރާ މައްސަލަވެސް އޮތީ ބޮޑުވެފައެވެ.

ހއ.ދިއްދޫގައި އިމާރާތްކުރާ ޖޫނިއަރ ކޮލެޖުގެ ކޮންސްޓްރަކްޝަން މަސައްކަތުގެ ބޮޑުބައި މިހާރު ނިމފައިވާ ކަމުގައި މިނިސްޓްރީ އޮފް ހަޔަރ އެޑިޔުކޭޝަނުން ވިދާޅުވެއްޖެއެވެ. ދިއްދޫ ޖޫނިއަރ ކޮލެޖުގެ މަސައްކަތްތައް ހިނގަމުންދާ ގޮތުގެ މައުލޫމާތު، ރާއްޖޭގެ މީޑިއާތަކާއި ހިއްސާކުރައްވައި އެމިނިސްޓްރީން ވިދާޅުވީ، އެއިމާރާތުގެ ކޮންކްރީޓް މަސައްކަތްތައް މުޅީން ނިންމާ، މިހރ ކުރަމުންދަނީ ރޭނުމުގެ މަސައްކަތްތައް ކަމަށެވެ.

ސިއްހީ ދާއިރާއަށް ބޭނުންވާ އިތުރު 20 އެމްބިއުލާންސް ފޯރުކޮށްދިނުމަށް މިނިސްޓްރީ އޮފް ހެލްތް އާއިއެކު އެސްޓީއޯއިން އެއްބަސްވުމެއްގައި ސޮއިކޮށްފިއެވެ.

ވެލާނާ އިންޓަނޭޝަނަލް އެއާޕޯޓަށް އޭވިއޭޝަން ފިއުލް އަދި ގޭސްއޮއިލް ފޯރުކޮށްދިނުމުގެ އެސްޓީއޯއިން ވެފައިވާ އެއްބަސްވުން އައުކޮށްފިއެވެ.