މިގޮތުން މިމައްސަލައިގައި ރާއްޖެއިން ފާހަގަކޮށްފައި ވަނީ ބްލެންހިމްފަރަކީ ހިކިދިޔައިގައި ނޫނީ ނުފެންނަ ފަރަކަށް ވުމުން ބޭސް ޕޮއިންޓްގެ ގޮތުގައި އެތަން ކަނޑަނޭޅޭނެ ކަމަށެވެ. މިމައްސަލައިގައި، އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީސް (އިޓްލޮސް)އިން ނިންމާފައި ވަނީ ރާއްޖޭގެ ކޮޅަށެވެ. އެހެންވެ ދެޤައުމުގެ ޚާއްސަ އިޤުތިޞާދީ ސަރަހައްދުގެ ތެރެއިން ފުށުއަރާ ސަރަހައްދު ބެހި އިރު، ރާއްޖެއަށް ވަނީ މިހާރު އޮތް ސަރަހައްދުގެ އިތުރަށް، 4600 އަކަ ކިލޯމީޓަރުގެ ސަރަހައްދެއް ލިބިފައެވެ.

ގަވަރުނަރު އަލީ ޝިހާމް ފާހަގަކުރައްވާފައިވާ ގޮތުގައި ރާއްޖޭގެ އިޤުތިޞާދު މިދިޔަ އަހަރު ވަނީ، 13.9 އިންސައްތަ ކުރިއަރާފައެވެ. ގަވަރު ނަރު ވިދާޅުވެފައިވާ ގޮތުގައި ރާއްޖޭގެ އިޤުތިޞާދު ޢިއާދަވީ އެތެރޭގެ ވިޔަފާރިތައް އިތުރުވެ، ފަތުރުވެރިކަމުގެ ދާއިރާ ކުރިއެރުމާއި އެކުގައެވެ. އެމްއެމްއޭއިން މީގެ ކުރިން ލަފާކޮށްފައި އޮތީ 2022 ވަނަ އަހަރު ނިމޭއިރު ރާއްޖޭގެ އިޤުތިޞާދު ކުރިއަރާނީ، 12 އިންސައްތަ ކަމަށެވެ.

އޭނާ މިމުބާރާތް ކާމިޔާބު ކުރީ، ރޭ ކުޅު މިމުބާރާތުގެ ފައިނަލް މެޗުގައި، ފިލިޕީންސްއަށް ނިސްބަތްވާ ޔޯހަން ޗުއާ އާ ބައްދަލުކޮށް، 10-8 ފްރޭމުން މެޗު ކާމިޔާބުކޮށްގެންނެވެ. އޭނާއަކީ މިހާރު ދުނިޔޭގެ ރޭންކިންގެ 22 ވަނައިގައި ހިމެނޭ ކުޅުންތެރިޔާއެވެ. އޭނާއަށް މުބާރާތުގެ ޓްރޮފީއާ މެޑަލް އަދި ފައިސާގެ އިނާމް ހަވާލުކޮށްދެއްވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ.  މިމުބާރާތަކީ، ދުނިޔޭގެ 15 ޤައުމެއްގެ 64 ކުޅުންތެރިން ވާދަކުރި މުބާރާތެެކެވެ. އޭގެ ތެރޭގައި ރާއްޖޭގެ 16 ކުޅުންތެރިންވެސް ހިމެނެއެވެ.

މިމުބާރާތް ނިންމުމުގެ ރަސްމިއްޔާތުގައި، މުބާރާތުގެ ޗެމްޕިއަންކަން ހޯދި ކުޅުންތެރިޔާ އަށާއި އަދި ރަނަރއަޕް ކުޅުންތެރިޔާއަށް ޓްރޮފީއާ މެޑަލް އަދި ފައިސާގެ އިނާމް ހަވާލުކޮށްދެއްވީ ރައީސުލްޖުމްހޫރިއްޔާއެވެ.މޯލްޑިވްސް އޯޕަން، 2023، 10 ބޯލް ޗެމްޕިއަންޝިޕަކީ، ރާއްޖޭގައި ބޭއްވުނު ފުރަތަމަ ބައިނަލްއަޤުވާމީ ބިލިއާޑް މުބާރާތެވެ. މިމުބާރާތުގައި 15 ޤައުމަކުން 64 ކުޅުންތެރިން ބައިވެރިވިއެވެ. މި މުބާރާތް ކުރިޔަށް ދިޔައީ، 2023 އޭޕްރީލް 22 އިން 26އަށް މޯލްޑިވްސް ޕޫލް ބިލިއާޑް އެސޯސިއޭޝަން (އެމްޕީބީއޭ) ހައުސްގައެވެ.

މިހާރު ސަރުކާރުގެ ފަރާތުން ރައްޔިތުންގެ މަޖިލީހަށް ހުށައަޅާފައިވާ، ޤާނޫނު ނަންބަރު 2022/24 (ކުނި މެނޭޖު ކުރުމުގެ ޤާނޫނު) އަށް އިސްލާޙް ގެނައުމުގެ ބިލު، ސަރުކާރުން މަޖިލީހަށް ހުށައެޅީވެސް ޤާނޫނުގައި ޕްލާސްޓިކް ކޮތަޅުން ފީނެގުމަށް ކަނޑައަޅާފައިވާ މުއްދަތުގައި އެކަން ފެށޭއިރު ދިމާވާ މައްސަލަތައް ހައްލު ކުރުމުގެ ގޮތުން ކަމުގައި ރައްޔިތުންގެ މަޖިލީހުގެ އެމްޑީޕީގެ މެމްބަރުން ވިދާޅުވިއެވެ. މިބިލްގެ ފުރަތަމަ ކިޔުން އިއްވާފައި ވަނީ، 29 މާރިޗު 2023ގައި އޮތް ރައްޔިތުންގެ މަޖިލީހުގެ 2023 ވަނަ އަހަރުގެ ފުރަތަމަ ދައުރުގެ 24 ވަނަ ޖަލްސާގައެވެ. އަދި މިބިލްގެ އިބްތިދާއީ ބަހުސް ފަށާފައި ވަނީ، 24 އޭޕްރީލް 2023 ވަނަ ދުވަހު އޮތް ރައްޔިތުންގެ މަޖިލީހުގެ 2023 ވަނަ އަހަރުގެ ފުރަތަމަ ދައުރުގެ 24 ވަނަ ޖަލްސާގައެވެ.

އެމިނިސްޓްރީ ހާމަކޮށްފައިވާ ތަފާސް ހިސާބުގައި ވާގޮތުން، ހުސްވި މާރިޗު މަހު ދައުލަތުގެ ބެލުމުގެ ދަށަށް ނަގާފައި ވަނީ، 2 ފިރިހެން ކުދިންނާއި އަންހެން ކުއްޖެކެވެ. އަދި ހުސްވި މަހު، 2 ކުޑަކުދިންގެ ޤާނޫނީ ބަލަދުވެރިކަން އެހެން ފަރާތްތަކާއި ހަވާލުކޮށް ކުދިން އެއާއިލާތަކާއި ހަވާލުކޮށްފައި ވެއެވެ. އޭގެ އިތުރުން އިތުރު ކުއްޖަކު އަލުން އާއިލާގެ މީހުންނާއި އެކު ދިރިއުޅުމަށް ފޮނުވިފައިވެއެވެ. ޖެންޑަރ މިނިސްޓްރީގެ ތަފާސް ހިސާބުތަކުން ދައްކާގޮތުގައި، މާރިޗުމަސް ނިމުނު އިރު ދައުލަތުގެ ބެލުމުގެ ދަށުގައި، 186 ކުދިން އެބަތިއްބެވެ. އޭގެ ތެރޭގައި ހިމެނެނީ، 107 ފިރިހެން ކުދިންނާއި 106 އަންހެން ކުދިންނެވެ.

މިނިސްޓަރ ޝައުނާ ވިދާޅުވީ، ސަރުކާރުން އަމާޒު ހިފާފައިވަނީ ރާއްޖޭގައި އުކާލެވޭ ސިންގަލް ޔޫސް ޕްލާސްޓީކް ކުނީގެ 13 ބާވަތެއް މުޅިން ނައްތާލުމަށް ކަމަށެވެ. މިގިތުން މިހާރު ކުރިޔަށޤދަނީ، ރާއްޖޭގައި ސިންގަލް ޔޫސްޕްލާސްޓިކް އުފެއްދުމާއި ބޭނުން ކުރުމާއި އެތެރެކުރުން މަނާކުރުމުގެ ފުރަތަމަ މަރުޙަލާކަމުގައި މިނިސްޓަރ ޝައުނާ ވިދާޅުވިއެވެ.

ޖާބިރު ކޯފާވެގެން އުޅުއްވީ ކޮންކަމަކާ ކަމެއް އެނގިފައެއް ނުވެއެވެ. އެހެން ނަމަވެސް އެހެން ދުވަސް ދުވަހާއި ޚިލާފަށް ޖާބިރު ހުންނެވީ ވަރަށް ބޮޑަށް ކޯފާ އިސްކުރައްވާފައެވެ. އާއްމު ގޮތެއްގައިވެސް މެމްބަރު ޖާބިރަކީ މިހާރު މަޖިލީހުގެ އިދާރީ ނިޒާމަށް ހުރަސް އަޅުއްވައި ވާހަކަފުޅު ދައްކަވައެވެ. މަޖިލީހުގެ ރިޔާސަތުން ވަނީ މިއަދު މެމްބަރު ޖާބިރުގެ ނަން އިއްވުމަށްފަހު، ތަޅުމުން ބޭރަށް ނުކުންނެވުމަށް އަންގަވާފައެވެ. އަދި އެމަނިކުފާނު ނުކުންނަވަންދެން ރައްޔިތުންގެ މަޖިލީހުގެ ރައީސް މުޙައްމަދު ނަޝީދު ވަނީ މަޖިލީހުގެ ޖަލްސާ މެދު ކަނޑުއްވާލައްވާފައެވެ. އަލުން ޖަލްސާ ފެއްޓެވީ ޖާބިރު މަޖިލީހުގެ ތަޅުމުން ނެރުއްވުމަށް ފަހުގައެވެ.

ސްޓެލްކޯއިން ވިދާޅުވީ، މިއީ މިހާތަނަށް އެންމެ ގިނައިން ކަރަންޓް ބޭނުން ކުރެވުނު ކަމަށް ރިކޯޑް ކުރެވުނު ދުވަސް ކަމަށެވެ. އޭގެ ކުރިން އެންމެ ގިނައިން ކަރަންޓް ބޭނުން ކުރި ކަމަށް ރެކޯޑް ކުރެވުނީ، މިމަހުގެ 11 ވަނަ ދުވަހުއެވެ. އެދުވަހު ޕީކްލޯޑް 92.5 ސްޓެލްކޯއިން ވިދާޅުވީ، މާލެ ސަރަހައްދުގައި ކަރަންޓް ބޭނުންކުރެވޭ އާއްމު ނިސްބަތް މަތިވަމުންދާ ކަމަށެވެ. އެހެންވެ ކަރަންޓް އިޤުތިޞާދު ކުރުމަށާއި، އޭސީ ފަދަ ފިނިކުރާ އާލާތްތައް 25 ޑިގްރީއަށް ވުރެ ދަށް ނުކުރުމަށް ސްޓެލްކޯއިން އިލްތިމާސްކުރެއެވެ.

ވެމްކޯއިން ހާމަކޮށްފައިވާ ގޮތުގައި އެކުންފުނިން ވިއްކާނީ، 17*11, 27*18, 48*36 އިންޗީގެ ކޮތަޅެވެ. ކުނިވާ ޒާތުގެ ކުނި ނުވަތަ އަމިއްލައަށް ފަނާވެދާ ޒާތުގެ ކުނި ފެހި ކޮތަޅުގައި ބަންދުކޮށް، އެހެނިހެން ބާވަތްތަކުގެ ކުނި ކަޅު ކޮތަޅުގައި ބަންދުކުރުމަށް އެ ކުންފުނިން ވަނީ އެދިފައެވެ.

ފުލުހުންގެ އިދާރާއިން ވިދާޅުވީ، ޖިންސީ ގޯނާގެ އެމައްސަލަ ފުލުހުންނަށް ރިޕޯޓްކޮށްފައި ވަނީ ރޭ 23:02 ހާއިރުގައި ކަމަށެވެ. އަދި މިމައްސަލައިގައި މިހާތަނަށް ކޯޓު އަމުރެއްގެ ދަށުން ދެމީހަކު ހައްޔަރުކޮށްފައިވާ ކަމަށާއި، އޭގެ ތެރޭގައި ހިމެނެނީ އުމުރުން 62 އަހަރުގެ ދިވެހި ފިރިހެނަކާއި އުމުރުން 25 އަހަރުގެ ދިވެހި ފިރިހެނަކު މިހާރު ވަނީ ހައްޔަރުކޮށްފައެވެ. މިދެމީހުންވެސް ހައްޔަރުކޮށްފައި ވަނީ މިރޭގައެވެ.

މޯލްޑިވްސް ގަރލް ގައިޑްސް އެސޯސިއޭޝަނުންގެ ޔަންގް ލީޑަރުން އިސްނަގައިގެން ކުރިޔަށް ގެންދާ މިހަރަކާތުގައި ބައިވެރިވެވަޑައިގެން، ރައީސުލްޖުމްހޫރިއްޔާގެ އަނބިކަނބަލުން އަދި ޗީފް ގައިޑް ފަޒްނާ އަޙުމަދު ވަނީ، މަރުކަޒުގައި ތިއްބެވި ފަރާތްތަކާއި ބައްދަލުކުރައްވައި، އެފަރާތްތަކާއެކު އީދުގެ އުފަލުގައި ބައިވެރިވެވަޑައިގެންފައެވެ. މީގެ ތެރޭގައި އީދު ހަދިޔާ ބަދަލުކުރުމާއި އެމީހުންގެ ހާލުއަހުވާލު އޮޅުންފިލުވުން ހިމެނެއެވެ. އަދި އެ ފަރާތްތަކާއެކު އީދުގެ އެކި ކަހަލަ ކުޅިވަރުތަކުގައިވެސް އެކަމަނާ ބައިވެރިވެވަޑައިގެންނެވިއެވެ.