ހުޅުމާލޭގައި ފުލުހަކަށް ހަމަލާދިން މައްސަލައިގައި ހައްޔަރުކުރި މީހުންގެ ބަންދުގެ މުއްދަތު އިތުރުކޮށްފައިވާ ކަމުގައި ފުލުހުން ބުނެފިއެވެ.

އިއްޔެ އިރުއޮއްސުނު ވަގުތު ހުޅުމާލޭ ފްލެޓް 53 ކައިރީގައި ފުލުހަކަަށް ހަމަލާދީ މާރާމާރީ ހިންގި މީހުންގެ ތެރެއިން، 21 އަހަރުގެ މީހާގެ ބަންދަށް 15 ދުވަސް، އަދި 33 އަހަރުގެ މީހާގެ ބަންދަށް 5 ދުވަސް އަދި އުމުރުން 42 އަހަރުގެ މީހާ އާއި 44 އަހަރުގެ މީހާގެ ބަންދަށް 7 ދުވަސް ހުޅުމާލެ މެޖިސްޓްރޭޓް ކޯޓުން ޖަހައިިދީފައިވާ ކަމުގައި ފުލުހުންގެ އިދާރާއިން ވަނީ ބުނެފައެވެ.

ފުލުުހުން ބުނެފައި ވަނީ އަނިޔާވި ފުލުސް އޮފިސަރަށް ހުޅުމާލެ ހޮސްޕިޓަލްގައި ފަރުވާދިނުމަށް ފަހު މިހާރު ދޫކޮށްލާފައިވާ ކަމަށެވެ. އެފުލުސްމީހާއަށް ހަމަލާދީފައި ވަނީ އެ އޮފިސަރު އޮފްޑިއުޓީގައި ހުއްޓައި މަގުމަތިންނެވެ.

މިމާރާމާރީ ހިނގަން މެދުވެރިިވި ސަބަބަކާއި ގުޅޭ ގޮތުން ފުލުހުން އަދި އެއްވެސް ތަފްސީލެއް ހާމައެއް ނުކުރެއެވެ.