ދިވެހިރާއްޖޭގެ ޚާއްޞަ އިޤްތިޞާދީ ސަރަހައްދުގައި ޤާނޫނާ ޚިލާފަށް މަސްވެރިކަން ކުރަމުން ދަނިކޮށް އަތުލައިގަތް ލަންކާގެ މަސްބޯޓު މާލެ ގެނެސް ފުލުހުންނާއި ހަވާލުކޮށްފިއެވެ.

އެމްއެންޑީއެފުން ހާމަކޮށްފައިވާ ގޮތުގައި، ރާއްޖެގެ ސަރަހައްދުން މިބޯޓު އަތުލާފައި ވަނީ، ވ.އަތޮޅުގެ އިރުން 109 ނޯޓިކަލް މޭލު ބޭރުން މެއި 24 ވަނަ ދުވަހުގައެވެ. އޭރު އެބޯޓުގައި، 6 ފަޅުވެރިން ތިއްބެވެ. މިބޯޓުގެ ނަމަކީ "ސަތަސަރާނި 06"އެވެ.

އެމްއެންޑީއެފުން ބުނީ، އެމްްެއެންޑީއެފް ކޯސްޓްގާޑް ޝިޕް ޣާޒީއިން އަތުލައިގަތް ސްރީލަންކާގެ މި މަސް ބޯޓު  ބުރާސްފަތި ދުވަހު ހެނދުނު 06:00 ހާއިރު މާލެ ގެނެސް، ފުލުހުންނާ ހަވާލުކޮށްފައިވާ ކަމަށެވެ.

Advertisement

ރާއްޖޭގެ ސަރަހައްދަށް ޤަވާއިދާއި ޚިލާފަށް ވަދެ އުޅޭ ބޯޓުތައް ދޭތެރެ ދޭތެރެއިން ސިފައިން އަތުލައިގަނެއެވެ.