Advertisement
ދިވެއްސަކު ނެޕީއެއްގެ ތެރޭގައި ފޮރުވައިގެން އެތެރެކުރުމަށް މަސައްކަތް ކުރި މަސްތުވާ ތަކެތި --
ކޮޗިންގ އެއާޕޯޓުން ޑްރަގާއިއެކު ދިވެހި ފިރިހެނަކު ހައްޔަރުކޮށްފި
ކޮޗިންގ އެއާޕޯޓުން ޑްރަގާއިއެކު ދިވެހި ފިރިހެނަކު ހައްޔަރުކޮށްފިއެވެ.
އިންޑިއާގެ ސެންޓްރަލްއިންޑަސްޓްރިއަލް ސެކިއުރިޓީ ފޯސް (ސީ.އައި.އެސް.އެފް) އިން ހާމަކޮށްފައިވާ ގޮތުގައި، މަސްތުވާތަކެއްޗާއި އެކު ހައްޔަރުކޮށްފައި ވަނީ، ޔޫސުފް ފުއާދު ނަމަކަށް ކިޔާދިވެއްސެކެވެ. އޭނާ އަތުން މަސްތުވާތަކެތި ހޯދި މަންޒަރު ފެންނަ ވީޑިއޯވެސް އެއިދާރާގެ ސޯޝަލްމީޑިއާ އެކައުންޓްތަކުގައި ވަނީ ޕޯސްޓްކޮށްފައެެވެ.
ސީ.އައި.އެސް.އެފް އިން ބުނީ، އޭނާގެ އަތުން 325.5 ގްރާމްގެ މަސްތުވާތަކެތި ފެނިފައިވާ ކަމަށެވެ. އެއީ ނުރައްކާތެރި މަސްތުވާތަކެތީގެ ބާވަތެއް ކަމުގައިވާ އެފަޓަމައިންސްކަމުގައިވެސް އެއިދާރާއިން ބުނެފައިވެއެވެ.
ފުވާދު މަސްތުވާތަކެތި ކޮޗިންގ އިން ރާއްޖެއަށް ގެނައުމަށް މަސައްކަތްކޮށްފައި ވަނީ، ނެޕީއެއް ޖަހައި އޭގެ ތެރޭގައި ފޮރުވައިގެންނެވެ. ސީ.އައި.އެސް.އެފްއިން ހާމަކޮށްފައިވާ ގޮތުގައި އޭނާ އިތުރަށް ބަލާފާސްކޮށްފައި ވަނީ އޭނާގެ ޢަމަލުތަކާއި މެދު ޝައްކުވެގެންނެވެ.
