ސަރބިއާއާ ދިވެހިރާއްޖެއިން ގުޅުން ބަދަހިކުރުމުގެ އެއްބަސްވުމެއްގައި ސޮއެކުރައްވައިފިއެވެ.

މިއެއްބަސްވުމުގައި ސޮއެކުރައްވާފައި ވަނީ، ސަރބިއާގެ ފޮރިން މިނިސްޓަރ އަދި ޑެޕިއުޓީ ޕްރައިމް މިނިސްޓަރ އިވިކާ ޑެސިޗްއާއެކު މިއަދު ބޭއްވި ބައްދަލުކުރެއްވުމުގެ ތެރެއިންނެވެ. މިބައްދަލުވުން އޮތީ، މިއަދު މެންދުރުފަހު މިނިސްޓްރީ އޮފް ފޮރިން އެފެއާޒްގައެވެ.

މި ބައްދަލުކުރެއްވުމުގައި ދެބޭފުޅުނީ ވަނީ ދެޤައުމުގެ މަސްލަހަތު ހިމެނޭ ކަންކަމުގައި ބައިނަލްއަޤްވާމީ ގޮތުންނާއި ބައިނަލްއަޤްވާމީ މައިދާނުގައި ގުޅިގެން މަސައްކަތްކުރެއްވުމާއި ގުޅޭ ގޮތުން މަޝްވަރާކުރައްވާފައެވެ.

ޚާރިޖީ ވަޒީރު ޢަބުދުﷲ ޝާހިދު ވިދާޅުވީ، މިއަދު ސޮއެކުރެވުނު މިއެއްބަސްވުމަކީ، ދިވެހިރާއްޖެއާ ސާބިއާ އާއި ދެމެދު އިޤްތިޞާދީ އަދި ވިޔަފާރީގެ ދާއިރާއިން އެއްބާރުލުން އިތުރުކުރުމަށްވެވުނު އެއްބަސްވުމެއް ކަމަށެވެ. އަދި ދިވެހިރާއްޖެ އާއި ސަރބިއާއާ ދެމެދު ސޮއި ކުރެވުނު މިއެއްބަސްވުމުގެ ސަބަބުން ރާއްޖޭގެ އެކްސްޕޯޓްތަކަށް އައު މާކެޓެއް ލިބި، ސަރބިއާއިން ރާއްޖޭގައި ކުރާ އިންވެސްޓްމަންޓްތައް އިތުރުކުރުމަށް މަގުފަހިވެގެންދާނެކަމުގައިވެސް ޚާރިޖީ ވަޒީރު ޢަބުދުﷲ ޝާހިދު ވިދާޅުވިއެވެ.