Advertisement
ދިވެހިރާއްޖޭގެ ހައިކޯޓު --
އިންޑިއާ އައުޓް ބެނާތައް ނެގި ފުލުހުންގެ އޮފިސަރުންގެ ނަންތައް ހާމަކުރަން ނުޖެހޭކަމަށް ހައިކޯޓުން ޙުކުމްކޮށްފި
އިންޑިއާ އައުޓް ބެނާތައް ނެގި ފުލުހުންގެ އޮފިސަރުންގެ ނަންތައް ހާމަކުރުމަށް، އައިކޮމްއިން އެންގި އެންގުން ހައިކޯޓުން ބާޠިލްކޮށްފިއެވެ.
ބެނާތައް ނެގި ފުލުހުންގެ ނަންތައް ހޯދުމަށް ހުށައަޅާފައި ވަނީ، އިދިކޮޅު ފަރާތްތަކަށް ތާއީދުކުރާ އަދި އެފަރާތްތަކުގެ މަސްލަޙަތު އޮންނަ ނޫހެއްގެ ނޫސްވެރިއެކެވެ. މަޢުލޫމާތު ހޯދައި ލިބިގަތުމުގެ ޤާނޫނުގެ ދަށުން އެފަރާތުން، ފުލުހުންގެ ޚިދުމަތަށް ހުށައެޅީ، އިންޑިއާ އާ ދެކޮޅު ބެނާތައް ނަގަން އަމުރު ކުރި ފުލުހުންގެ އިސް އޮފިސަރުންގެ ނަންތައް ހޯދުމަށާއި އަދި އެކަމުގައި އަމަލީ ގޮތުން ހަރަކާތްތެރިވި ފުލުހުންގެ އޮފިސަރުންގެ ނަންތައް ހޯދުމަށެވެ.
ފުލުހުން އެމައުލޫމާތު ނުދިނުމުން، އެމައްސަލަ އިންފޮމޭޝަން ކޮމިޝަނަރުގެ އޮފީހަށް ހުށެޅުމުން، އައިކޮމްއިން ފުލުހުންގެ އިދާރާއަށް އެމައުލޫމާތު ދިނުމަށް އަންގާފައެވެ. އެމައްސަލަ ހައިކޯޓުގއި އިސްތިޢުނާފުކުރުމުން ހައިކޯޓުން ނިންމާފައި ވަނީ، އައިކޮމްގެ ނިންމުމަކީ އެއަށް އަމަލުކުރަން ނުޖެހޭނެ ބާޠިލް ނިންމުމެއް ކަމަށެވެ.
އިންޑިއާ އައުޓް ކެމްޕޭނަކީ އިދިކޮޅު ސިޔާސީ ޕާޓީތައް ކަމުގައިވާ، ޕީޕީއެމާއި ޕީއެންސީން ކުރިޔަށް ގެންދިޔަ ކެމްޕޭނެކެވެ. އެ ކެމްޕޭނަކީ ސިޔާސީ ބޭނުމަށް އަދި ސިޔާސީ މަޤުޞަދެއްގައި ކުރިޔަށް ގެންދިޔަ ކެމްޕޭނެކެވެ.
