އއ. ރަސްދޫގައި ފުލުހންގެ ބެލުމުގެ ދަށުގައި ހުއްޓައި ފިލި މީހާ ހޯދަން ފުލުހުން އިޢުލާނުކޮށްފިއެވެ.

ފުލުހުންގެ އިދާރާއިން ވިދާޅުވި ގޮތުގައި ރަސްދޫ ޕޮލިސް ސްޓޭޝަނުގައި ބަންދުކޮށްފައި ހުއްޓައި ފިލާފައި ވަނީ، އއ. ހިމަންދޫ /ދަބުގެ، ޙުސައިން ޝަޙްބާން (25އ)،އެވެ.

އޭނާ ފިލީ ގޮޅިން ބޭރަށް ނެރެފައި ހުއްޓައި ކަމުގައި ފުލުހުން ވިދާޅުވެފައި ވެއެވެ.

ފުލުހުން ވިދާޅުވީ، ޙުސައިން ޝަޙްބާން އަކީ މަސްތުވާތަކެތި ބޭނުންކޮށް، އެތަކެތި ގެންގުޅެ، އެތަކެތީގެ ވިޔަފާރި ކުރާކަމަށް ތުހުމަތު ކުރެވޭ މައްސަލައެއްގައި ޝަރީއަތުން ގޮތެއް ނިމެންދެން ބަންދުގައި ބަންދުގައި ހުރި މީހެއްކަމަށެވެ.

ޙުސައިން ޝަޙްބާން އާ ބެހޭ އެއްވެސް މަޢުލޫމާތެއް ލިބިފައިވާނަމަ ރަސްދޫ ޕޮލިސް ސްޓޭޝަންގެ ނަންބަރު 9791394 ނުވަތަ ފުލުހުންގެ ހޮޓްލައިން ނަންބަރު 3322111 އަށް ގުޅުއްވައި އެމަޢުލޫމާތެއް ހިއްސާކުރެއްވުން އެދޭކަމުގައި ފުލުހުންގެ ޚިދުމަތުން ވަނީ ވިދާޅުވެފައެވެ.