އެ އޮފީހުން ހާމަކުރައްވާފައިވާ ގޮތުގައި މި ގޮތަށް ނިންމަވާފައި ވަނީ އިއްޔެ ބޭއްވި ވަޒީރުންގެ މަޖިލީހުގައި އެކަމާއި މެދު މަޝްވަރާކުރެއްވުމަށްފަހުގައެވެ. އެއޮފީހުން ހާމަކުރައްވާފައިވާ ގޮތުގައި، ވަޒީރުންގެ މަޖިލީހުގެ މަޝްވަރާގެ މަތީން ރައީސުލްޖުމްހޫރިއްޔާ މި ނިންމެވުން ނިންމެވީ ޔުޓިލިޓީ ސެކްޓަރ ހަރުދަނާކުރުމަށާއި، ރައްޔިތުންނަށް ފޯރުކޮށްދެވޭ ޚިދުމަތް ރަނގަޅު ފެންވަރެއްގައި އެފިޝަންޓްކޮށް ފޯރުކޮށްދިނުމާއެކު، ފެނަކަ ކޯޕަރޭޝަން ލިމިޓެޑް (ފެނަކަ)ގެ ހިންގުން ހަރުދަނާކޮށް މާލީގޮތުން ބާރުވެރިކުރުމަށްޓަކައެވެ.

ޤަވާޢިދާ ޚިލާފަށް ރާއްޖޭގައި އުޅެމުންދާ ބިދޭސީންގެ މައްސަލަ ހައްލުކުރުމުގެ ގޮތުން ތަންފީޒީ ނިޒާމު ހަރުދަނާކުރުމަށް، ބިދޭސީ މަސައްކަތްތެރިން ރާއްޖެ ގެނައުމަށްފަހު ވަޒީފާދޭ ފަރާތުން އެ ފަރާތްތަކާމެދު އިހުމާލުވާނަމަ އެ ފަރާތްތަކުގެ ލިސްޓް އެކުލަވައިލައި އާންމުކުރުމާއި އަދި މިގޮތަށް ވަޒީފާދޭ ފަރާތުން އިހުމާލުވާ ފަރާތްތައް ޖޫރިމަނާކުރުމަށް، ވަޒީރުންގެ މަޖިލީހުގެ ލަފާފުޅާއެކު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ނިންމަވައިފިއެވެ.

ރައީސުލްޖުމްހޫރިއްޔާގެ އޮފީހުން ވިދާޅުވެފައިވާ ގޮތުގައި، ރައީސުލްޖުމްހޫރިއްޔާ މި ސިޔާސަތުތައް ކަނޑައެޅުއްވީ މިއަދު އޮތް ވަޒީރުންގެ މަޖިލީހުގެ ބައްދަލުވުމުގައި މިނިސްޓްރީ އޮފް ހެލްތުން ހުށަހެޅުއްވި ކަރުދާހުގެ މައްޗަށް ވަޒީރުންގެ މެދުގައި މަޝްވަރާކުރެއްވުމަށް ފަހުގައެވެ.

އޭގެ ތެރޭގައި ހިމެނެނީ، ސަރޗް އެންޑް ރެސްކިއު އާއި ބަލިމީހުން އުފުލުމުގެ ޚިދުމަތް ދިނުން ލާޒިމްކޮށް، ދެ އިންޖީނުލީ ހެލިކޮޕްޓަރު ބޭނުންކޮށްގެން ހެލިކޮޕްޓަރުގެ އޮޕަރޭޝަން ފެށުމަށް ކުރަންޖެހޭ ކަންކަން ކުރުމާއި، އެ ޚިދުމަތް ނޫން އެހެން ޚިދުމަތްތައް ދޭންވާނީ ހުއްދަ ދީފައިވާ ހެލިޕޯޓަކުންކަން ކަނޑައެޅުން ހިމެނެއެވެ.

ވަޒީރުންގެ ތެރެއިން، ރުހުން ނުދިނުމަށް ނިންމާފައިވާ ބޭފުޅުންގެ ތެރޭގައި، ބަންޑާރަ ނައިބު އަހުމަދު އުޝާމް އާއި ހައުސިން މިނިސްޓަރު ޑރ. އަލީ ހައިދަރާއި، ނިސްޓަރު ޑރ. މުހައްމަދު ޝަހީމް އަލީ ސައީދާއި، އިކޮނޮމިކް މިނިސްޓަރ މުޙައްމަދު ސަޢީދާއި، ޓޫރިޒަމް މިނިސްޓަރ އިބްރާހީމް ފައިޞަލް ހިމެނިވަޑައިގަންނަވާކަމަށް މަޢުލޫމާތު ލިބިފައިވެއެވެ.

އާއްމު ގޮތެއްގައި މަޖިލީހުގެ ޖަލްސާގައި ނަގާ ވޯޓުތަކުގައި ވޯޓަށް އަހާނީ މެންދުރު ފަހު 1:30ގައެވެ. މާދަމާ ވަޒީރުންނަށް ރުހުން ދިނުމުގެ މައްސަލަ މަޖިލީހުގައި ކުރިޔަށް ގެންދިޔުމަށް އެޖެންޑާގަިއ ހިމަނާފައި ވާއިރު، އެމްޑީޕީއާ ދަ ޑިމޮކްރެޓްސްގެ މެޖޯރިޓީ އޮތް މަޖިލީހުން ބައެއް ވަޒީރުންނަށް ރުހުން ނުދޭނެ ކަމަށް ވަނީ ބެލެވިފައެވެ.

އެއީ މިނިސްޓަރ އޮފް އިސްލާމިކް އެފެއާޒް އައްޝައިޚް މުޙައްމަދު ޝަހީމް ޢަލީ ސަޢީދާއި، މިނިސްޓަރ އޮފް ސޯޝަލް އެންޑް ފެމިލީ ޑިވެލޮޕްމެންޓް ޑރ. އައިޝަތު ޝިހާމާއި، މިނިސްޓަރ އޮފް ސްޕޯޓްސް ފިޓްނެސް އެންޑް ރެކްރިއޭޝަން ޢަބުދުﷲ ރާފިޢު، މިނިސްޓަރ އޮފް ކޮންސްޓްރަކްޝަން އެންޑް އިންފްރާސްޓްރަކްޗަރ ޑރ. ޢަބުދުﷲ މުއްޠަލިބު އަދި މިނިސްޓަރ އޮފް އިކޮނޮމިކް އޮފް ޑިވޮލޮޕްމެންޓް، މުޙައްމަދު ސަޢީދެވެ.

ރައީސުލްޖުމްހޫރިއްޔާގެ އޮފީހުން ވިދާޅުވީ، ވަޒީރުންގެ މަޖިލީހުން އެނިންމެވުން ނިންމަވާފައި ވަނީ އިއްޔެ ބޭއްވި ވަޒީރުންގެ މަޖިލީހަށް، މިނިސްޓްރީ އޮފް ހައުސިންގ، ލޭންޑް އެންޑް އަރބަން ޑިވެލޮޕްމަންޓުން ހުށައެޅުއްވި ކަރުދާހަށް މަޝްވަރާކުރެއްވުމަށް ފަހުގައި ކަމަށެވެ.

ރާއްޖެއާ އިންޑިއާ ސަރުކާރުގެ މަތީ ފަންތީގެ މަޝްވަރާ ބައްދަލުވުމެއް މިއަދު ވަނީ ކުރިޔަށް ގެންގޮސްފައެވެ. މިއަދު ރައީސުލްޖުމްހޫރިއްޔާގެ އޮފީހުގައި ބޭއްވި ނޫސްވެރިންގެ ބައްދަލުވުމުގައި ، އޮފީހުގެ ޕޮލިސީ ޑިރެކްޓަރު އަބްދުﷲ ނާޒިމް އިބްރާހީމް ވިދާޅުވީ، ދިވެހި ސަރުކާރުގެ ފަރާތުން ރައީސުލްޖުމްހޫރިއްޔާ ހުށައަޅުއްވާފައި ވަނީ މާރިޗު މަހުގެ 15 ނިޔަލަށް އިންޑިއާ ސިފައިން ރާއްޖެއިން ބާލައިނިންމުމަށެވެ.

ރައީސުލްޖުމްހޫރިއްޔާ ދެއްކެވި ވާހަކަފުޅުގައި ވިދާޅުވީ، މޯލްޑިވްސް އިންޓަރނޭޝަނަލް ފައިނޭންޝަލް ސަރވިސަސް އޮތޯރިޓީ ވެގެންދާނީ، އިންޓަރނޭޝަނަލް ފައިނޭންޝަލް ސެންޓަރުތައް ރާއްޖޭގައި ޤާއިމްކުރުމުގެ މަގު ފަހިކުރުމުގެ ގޮތުން މިވަގުތަށް އެޅޭ ފުރަތަމަ ފިޔަވަޅު ކަމުގައި ކަމަށެވެ. އަދި އެކަމާއި ގުޅިގެން ކުރަންޖެހޭ ހުރިހާ މަސައްކަތްތަކެއް މިހާރު ވަނީ ފެށިފައި ކަމަށާއި، އެމް.އެމް.އޭ. އާއި، ކަމާބެހޭ އެހެން ފަރާތްތަކާ ގުޅިގެން އެކަމުގެ މަސައްކަތްތައް ކުރެވެމުންދާކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

ކްރިއޭޓިވް އިކޮނޮމީއަކަށް ދަރިވަރުން ބައްޓަންކުރުމަށް ތަޢުލީމީ މަންހަޖުގައި ހުރިކަންކަން ދެނެގަނެ އެކަމާއި ގުޅޭ މަސައްކަތްތައް ކުރެއްވުމާއި، ބައިނަލްއަޤްވާމީ އާޓްސް ސްކޫލެއްގެ ފެކަލްޓީއެއް ޤާއިމުކުރުމަށާއި، ސަރަޙައްދީ ފެންވަރުގެ ޕްރޮޑަކްޝަން ހައުސްއެއް ޤާއިމުކުރުން ވެސް ހިމެނޭ ކަމުގައި ނާޒިމް ވިދާޅުވިއެވެ، މިގޮތުން ޕްރޮޑަކްޝަން ހައުސް ޤާއިމްކުރުމަށް ނިންމާފައި ވަނީ، ޗާންދަނީ މަގުގައި ކުރިން ބޭންކް އޮފް ސިލޯން ހިންގި ބިން ބީސީސީއަށް ދީގެންކަމުގައިވެސް ނާޒިމް ވިދާޅުވިއެވެ.

އެގޮތުން މަސްތުވާތަކެތި ބޭނުންކުރާ ފަރާތްތަކަށް ކޮމިއުނިޓީބޭސްޑް ރިހެބިލިޓޭޝަން ޕްރޮގްރާމް، ކަމާބެހޭ ފަރާތްތަކުގެ އެހީތެރިކަން ހޯއްދަވައިގެން، ދިވެހިރާއްޖޭގެ ޤާނޫނާއި، ގަވާއިދާ އެއްގޮތްވާގޮތުގެ މަތިން އަދި އިސްލާމީ ހަމަތަކަށް ފެތޭގޮތަށް ހިންގަން ފެށުމަށްވަނީ ރައީސުލްޖުމްހޫރިއްޔާ ވަނީ ނިންމަވާފައި ކަމުގައި، ރައީސުލްޖުމްހޫރިއްޔާގެ އޮފީހުގެ ޕަބްލިކް ޕޮލިސީ ސެކްރެޓަރީ އަބްދުﷲ ނާޒިމް ދާޅުވިއެވެ.

ނާޒިމް ވިދާޅުވީ، އައު ސިޔާސަތު އެކުލަވާލެއްވަނީ، އެކަމާއި ގުޅޭ ގޮތުން މިނިސްޓްރީން ކޮށްފައިވާ ދިރާސާތަކުގެ މައްޗަށްވެސް ރިޢާޔަތްކުރައްވައިގެން ކަމަށެވެ. އޭގެ އެއް ބޭނުމަކީ ސިއްޙީ ދާއިރާގައި ޚިދުމަތް ކުރާ ދިވެހިންގެ އަދަދު އިތުރުކުރުން ކަމަށާއި މިހާރުވެސް ރާއްޖޭގެ ސިއްޙީދާއިރާގައި މަސައްކަތްކުރާ މުވައްޒަފުންގެ %56 އިންސައްތައަކީ ބިދޭސީންކަން ނާޒިމް ފާހަގަކުރެއްވިއެވެ.

ރައީސުލްޖުމްހޫރިއްޔާ ޑރ މުޙައްމަދު މުއިއްޒު ވެރިކަމަށް ވަޑައިގެންނެވުމަށް ކެމްޕެއިން ކުރެއްވެވިއިރު، އެ މަނިކުފާނު ރައްޔިތުންނަށް ވެ ވަޑައިގެންނެވި އެންމެ މުހިންމު އެއް ވައުދަކީ، ދިވެހިރާއްޖެއާއި ޗާގޯސް އާކިޕެލާގޯއާ ދެމެދު ކަނޑުގެ އިން ވަކިކުރުމާ ގުޅޭ މައްސަލައާ ގުޅޭގޮތުން ވެ ވަޑައިގެންނެވި ވައުދުފުޅެކެވެ. އެ މަނިކުފާނު ވިދާޅުވެފައިވަނީ، އެ މައްސަލާގައި އިންޓަނޭޝަނަލް ޓްރައިބިއުނަލް ފޯ ދަ ލޯ އޮފް ދަ ސީ (އިޓްލޮސް) އިން ނިންމާފައިވާ ނިންމުމަކީ ސައްހަ ނިންމުމެއް ނޫންކަމާއި، އެ ނިންމުމާ ގުޅިގެން ރާއްޖޭގެ ކަނޑުގެ ސަރަހައްދުން ބައެއް ގެއްލިފައިވާ ކަމަށެވެ.

މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީޒޯންގެ އަލަށް އުފައްދާ މިކުންފުންޏަކީ، އިކޮނޮމިކް ސެކިއުރިޓީ ކަށަވަރުކުރެއްވުމަށްޓަކައި، ވިޔަފާރީގެ ހަރަކާތްތައް ފުޅާކޮށް، އިޤުތިޞާދު ސިންދަފާތު ކުރެއްވުމަށް، ރާއްޖެއާއި ރާއްޖެއިން ބޭރަށް އަމާޒުކޮށްގެން އިމްޕޯޓް، އެކްސްޕޯޓް އަދި ރީއެކްސްޕޯޓް އަދި ޕްރޮސެސިންގެ މަސައްކަތްތައް ހިންގުމުގެ މަޤުޞަދުގައި އުފައްދަވާ ކުންފުންޏެއް ކަމުަގައިވެސް ނާޒިމް ވިދާޅުވިއެވެ.

ވަޒީރުންގެ މަޖިލީހުގައި ހިމެނޭ މެމްބަރުންގެ ތެރެއިން ބައެއް މެމްބަރުންނަށް މާދަމާ މަޖިލީހުން ރުހުން ނުދޭނެ ކަމަށް ބެލެވިފައިވެއެވެ.