Advertisement

ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، ޢަބްދުﷲ ނާޡިމް އިބްރާހީމް --

02 Jan 2024
ޚަބަރު
ޢަލީ ސުލައިމާން

ގޯތިދޭން ކުރީ ސަރުކާރުން ހިއްކި ބިމުން އާކުންފުންޏަށް 100 ހެކްޓަރުގެ ބިމެއްދޭން ނިންމަވައިފި

މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީޒޯންގެ ނަމުގައި ސަރުކާރުން އަލަށް އުފެއްދުވުމަށް ނިންމެވި ކުންފުންޏަށް، ކުރީ ސަރުކާރުގައި ބިންވެރިޔާ ސްކީމްގެ ދަށުން ގޯތި ދޫކުރުމަށް އަލަށް ހިއްކި ބިންތަކުން 100 ހެކްޓަރުގެ ބިން ދެއްވުމަށް ރައީސުލްޖުމްހޫރިއްޔާ ނިންމަވައިފިއެވެ.

ވަޒީރުންގެ މަޖިލީހުގެ ނިންމުންތަކާއި ގުޅޭ ގޮތުން މީޑިއާއަށް މައުލޫމާތ ދެއްވުމަށް ބޭއްވި ބައްދަލުވުމުގައި، އެއޮފީހުގެ ޕަބްލިކް ޕޮލިސީ ސެކްރެޓަރީ އަބްދުﷲ ނާޒިމް ވިދާޅުވީ، އެކުންފުންޏާށް ބިންކަނޑައެޅުވުމަށް ރައީސުލްޖުމްހޫރިއްޔާ ނިންމަވާފައި ވަނީ ވަޒީރުންގެ މަޖިލީހުގައި އެކަމާއި ގުޅޭ ގޮތުން މަޝްވަރާކުރެއްވުމަށްފަހުގައެވެ. މިގޮތުން އެކުންފުންޏަށް ބިންދެއްވާނީ، ތިލަފުށިން ނުވަތަ ގިރާވަރުފަޅުން ކަމުގައި ނާޒިމް ވިދާޅުވިއެވެ. ނާޒިމް ވިދާޅުވީ އެކުންފުންޏަށް މަދުވެގެން 100 ހެކްޓަރުގެ ބިމެއް ދެއްވުމަށް ނިންމަވާފައިވާ ކަމަށެވެ. މީގެ އިތުރުން އުތުރު ތިލަފަޅުންވެސް އެކުންފުންޏަށް ބިން ހަމަޖެއްސުމަށް ނިންމަވާފައިވާކަންވެސް ނާޒިމް ހާމަކުރެއްވިއެވެ.

"މި ކުންފުނީގެ ވިޔަފާރި ފެށުމަށްޓަކައި ބޭނުންވާ ބިން ހަމަޖެއްސުމަށްޓަކައި، ތިލަފުއްޓާއި ގިރާވަރުފަޅު ބެއްލެވުމަށްފަހު، އެންމެ އެކަށީގެންވާ ތަނަކުން މަދުވެގެން 100 ހެކްޓަރުގެ ބިން، ކަނޑައެޅުމަށްވެސް ވަނީ ނިންމާފައި. ދިވެހިރާއްޖެއަށް ބޭނުންވާ ވަރަށް ކާބޯތަކެތި އުފެއްދުމަށް، އުތުރުތިލަފަޅުން ބިންކަނޑައަޅައި، އެކަމަށް އިންވެސްޓްމެންޓް ހޯދައި، އެއިންވެސްޓެމްނެޓްގެ މެޖަރ ޝެއާ ހޯޅްޑަރުންގެ ގޮތުގައި، މިއުފައްދާ ކުންފުނި ހަމަޖެއްސުން. ކުންފުނި އުފެއްދެވުމަށްފަހު، ބޭނުންވާނަމަ ސްޓެރެޓެޖިކް ޕާޓްނަރުންގެ ގޮތުގައި، ޕަބްލިކް ޕްރައިވެޓް ޕާޓްނަޝިޕް އުސޫލުން، ނުވަތަ އެނޫން މޮޑެލަކުން އިތުރު އިންވެސްޓްމެންޓަށް ފުރުޞަތު ހޯދައި ދިނުމަށް ކަންކަން ތަރުތީބު ކުރެއްވުމަށްވެސް ވަނީ ނިންމަވާފައި."

ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، ޢަބްދުﷲ ނާޡިމް އިބްރާހީމް --

މޯލްޑިވްސް އިންޑަސްޓްރިއަލް ޑިވެލޮޕްމަންޓް ފްރީޒޯންގެ އަލަށް އުފައްދާ މިކުންފުންޏަކީ، އިކޮނޮމިކް ސެކިއުރިޓީ ކަށަވަރުކުރެއްވުމަށްޓަކައި، ވިޔަފާރީގެ ހަރަކާތްތައް ފުޅާކޮށް، އިޤުތިޞާދު ސިންދަފާތު ކުރެއްވުމަށް، ރާއްޖެއާއި ރާއްޖެއިން ބޭރަށް އަމާޒުކޮށްގެން އިމްޕޯޓް، އެކްސްޕޯޓް އަދި ރީއެކްސްޕޯޓް އަދި ޕްރޮސެސިންގެ މަސައްކަތްތައް ހިންގުމުގެ މަޤުޞަދުގައި އުފައްދަވާ ކުންފުންޏެއް ކަމުަގައިވެސް ނާޒިމް ވިދާޅުވިއެވެ.

އަދި ކުރީސަރުކާރުގައި ގޯތި ދިނުމަށް ހިއްކި ބިންތަކުން އެކުންފުންޏަށް ބިން ކަނޑައެޅިނަމަވެސް ކުރީ ސަރުކާރުގައި އެބިންތަކުން ދޫކުރައްވާފައިވާ ގޯތިތައް އެހެންތަންތަނަށް ބަދަލު ނުކުރާނެ ކަމުގެ ޔަޤީންކަން ސަރުކާރުން ދެއްވާކަމުަގައިވެސް ނާޒިމް ވިދާޅުވިއެވެ.

އުތުރު ތިލަފަށާއި ފުށިދިއްގަރުފަޅުން ހިއްކުމަށް ކުރީ ސަރުކާރުން ކަނޑައަޅާފައިވާ ބިމަށްވުރެ އިތުރަށް ބިން ހިއްކަވާނެ ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ވިދާޅުވެފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.