Advertisement

26 Apr 2025
ޚަބަރު

މިނިސްޓަރު އަމީން ވަގުތުންވަގުތަށް ކެބިނެޓުން އެކަހެރިކުރުމަށް ގޮވާލަން: އެމްޑީޕީ

ހ. ފެންޓަނޯއީގެއާ އިންވެގެން ހުރި ގޭގެ ފުރާޅު މައްޗަށް ވެއްޓިފައި އޮތް ޒުވާނާގެ މައްސަލަ ތަޙުޤީޤަށް މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން މުހައްމަދު އަމީން ނުފޫޒު ފޯރުވަން މަސައްކަތްކުރާކަމަށް ތުހުމަތުކުރެވޭ ކަމަށާއި، އެހެންކަމުން މިނިސްޓަރ އަމީން މަޤާމުގެ މަސްއޫލިއްޔަތުން މިވަގުތުން ވަގުތަށް އެކަހެރިކުރުމަށް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ގޮވާލައިފިއެވެ.

އެމްޑީޕީގެ ޕާލިމެންޓަރީ ގްރޫޕުން ހުކުރު ދުވަހު ނެރުނު ނޫސް ބަޔާނުގައި ބުނީ މީގެކުރިން އަމީން ވަނީ އެ މައްސަލައިގައި ނުފޫޒު ފޯރުވަން މަސައްކަތް ނުކުރައްވާ ކަމަށް ވިދާޅުވެފައި ކަމަށާއި ނަމަވެސް ޕޮލިސް ކޮމިޝަނަރަށް އަމީން ގުޅުއްވަން އުޅުއްވުމަކީ ތަހުގީގަށް ނުފޫޒު ފޯރުވަން އުޅުނު ކަމުގެ އަމަލެއް ކަމަށް ބެލުމުގެ ޖާގަ އޮތުމުން އެފަދަ މައްސަލައެއްގެ ތަހުގީގު އިންސާފުވެރިކަމާ އަދި އާންމުންގެ އިތުބާރު ލިބޭ ގޮތަށް ކުރިއަށް ގެންދެވޭނީ މިނިސްޓަރު މަގާމުން ވަކިކޮށް ނުވަތަ ސަސްޕެންޑްކޮށްގެން ކަމަށް އެމްޑީޕީން ބުންޏެވެ.

މި މައްސަލައާ ގުޅިގެން ސޯޝަލް މީޑިއާގައި ޙިއްސާކުރެއްވި ޕޯސްޓުގައި މިނިސްޓަރު ވިދާޅުވީ، އެ ހާދިސާ ހިނގައިގެން އުޅޭކަން އެނގިވަޑައިގެންނެވީ ހުކުރު ދުވަހުގެ ހަވީރު ކަމަށާއި، ޒުވާނުންގެ ޕާޓީއެއް އެ ގޭގައި ހުކުރުވިލޭރޭ ބޭއްވި ނަމަވެސް، އެކަން ހިނގީ ވަޒީރު އުޅުއްވާ އެޕާޓްމެންޓުގައި ނޫން ކަމަށެވެ.

އަދި އެ ޕާޓީ އޮތީ ވަޒީރު އުޅުއްވާ އެޕާޓްމެންޓުގައި ނޫންކަމުން، އެއީ އެ ޕާޓީ ހިނގި ތަނަކީ ވަޒީރަށް ބާރުފޯރުވޭ ތަނެއް ނޫންކަމަށް ވެސް ވިދާޅުވިއެވެ. އަދި އެ ބޭފުޅާއާ އެއްބަނޑު އެއްބަފާ މީހުންގެ ދެ ފިރިހެން ދަރިން މި މައްސަލައާ ގުޅިގެން ސުވާލުކުރުމަށް ފުލުހުންގެ އިދާރާއަށް އެ ދުވަހު ހާޒިރުކޮށްފައިވާކަމަށް ވެސް ވިދާޅުވިއެވެ. ނަމަވެސް އެ ކުދިން ހާޒިރުކޮށްފައިވާތީ އެ މައްސަލައާ ގުޅިގެން ސުވާލުކުރުމަށް ނުވަތަ ނުފޫޒު ފޯރުވުމަށް ވިޔަސް އެއްވެސް ފަރާތަކަށް ފޯނުން ގުޅާފައި ނުވާނެކަމަށް ވަނީ ވިދާޅުވެފައެވެ.

ކޮމެންޓް
ބަޗީ
އެއަށްވުރެ މުހިއްމީ އެމްޑީޕީގެ އެންމެން ޕާރޓީ އުވާލުން. ބިރަކާއި ނުލައި މަޖާކުރުމަށް ހިތްވަރުދީ ޒުވާން ޖީލު ހަލާކު ކޮށްލިކަމަށް ރައްޔިތުންގެ ކުރިމަތީގައި އިޢުތިރާފުވެ މާފަށް އެދުން.
26 Apr 2025
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.