ޔޫރަޕިއަން ޗެމްޕިއަންޝިޕްގެ ގްރޫޕް ސްޓޭޖުގެ މެޗުތައް ރޭ ނިމި، ގަދަ-16އަށް ޓީމުތައް ހަމަވި އިރު، ގްރޫޕް ސްޓޭޖުގައި އެންމެ ހައިރާން ކުރުވަނިވި ނަތީޖާއެއް ނެރުމަށްފަހު ގަދަ-16 އިން ޖާގަ ހޯދާފައިވަނީ ޖޯޖިއާއެވެ. އެ ޓީމުން ވަނީ ގްރޫޕް ސްޓޭޖުގެ ފަހު މެޗުގައި 2-0 އިން ޕޯޗުގަލް ބަލިކޮށް، ތިން ވަނައަށްދާ ޓީމުތަކުގެ ތެރެއިން އެންމެ ރަގަޅު ނަތީޖާއެއް ހޯދާފައިވާ 4 ޓީމަށް ލިބޭ ފުރުސަތުގެ ޖާގައެއް ކަށަވަރުކޮށްފައެވެ. ޖޯޖިއާ އަތުން ޕޯޗުގަލް ބަލިވި ނަމަވެސް، ރޭގެ މެޗުގެ ކުރިން ޕޯޗުގަލް އޮތީ ގަދަ-16 ގެ ޖާގައެއް ކަށަވަރުކޮށްފައެވެ.

ޔޫރޯ ފުޓުބޯޅަ މުބާރާތުގައި މުޅިން އަލަށް ހުރިހާ ޓީމަކަށް އެއްވަރަށް ޕޮއިންޓު ލިބިގެން އެއް ގްރޫޕެއްގެ މެޗުތައް ނިމިއްޖެއެވެ. ގްރޫޕް އީ ގައި ހިމެނޭ ރުމޭނިއާ، ބެލްޖިއަމް، ސްލޮވެކިއާ އަދި ޔުކްރެއިންއަށް ލިބިފައިވަނީ ޖުމްލަ 4 ޕޮއިންޓެވެ. މި ގްރޫޕްގެ ހުރިހާ ޓީމެއް ވެސް ވަނީ އެއް މެޗުން މޮޅުވެ، އެއް މެޗުން އެއްވަރުވެ އަދި އެއް މެޗުން ބަލިވެފައެވެ.

ޔޫރޯ ފުޓުބޯޅަ މުބާރާތުގެ ގަދަ 16 އިން ޖާގަ ހޯދާފައިވާ އިނގްލެންޑް ޓީމުގެ ޒުވާން މިޑްފިލްޑާ، ފިލް ފޮޑެން، އިންގްލެންޑްގެ ކޭމްޕު ދޫކޮށް އިނގިރޭސިވިލާތަށް ގޮސްފިއެވެ.

ގްރޫޕް ސްޓޭޖުގެ އެއް މެޗު ބާކީ އޮއްވައި ސްޕެއިން އިން ގްރޫޕް-ބީ ގެ އެއްވަނަ ޔަގީންކޮށް، ގަދަ-16 އިން ޖާގަ ހޯދައިފިއެވެ. މި މެޗުގައި ހަމައެކަނި ފެނިގެން ދިޔަ ގޯލަކީ އިޓަލީގެ އުއްމީދީ ޑިފެންޑަރ، ރިކާޑޯ ކެލެފިއޯރީ ގައިގައި ޖެހިފައި ބައިކޮޅަށް ވަތް ގޯލެކެވެ.

މުޅިން އަލަށް ޔޫރޯއަށް ކޮލިފައިފި ޖޯޖާ އާއި ބައްދަލުކުރި މެޗުގައި ތުރުކީގެ ޒުވާން ފޯވާޑު، އާރދާ ގޫލާރ ކާމިޔާބުކުރި ރީތި ގޯލާއެކު، މުބާރާތުގައި ކުޅުނު ފުރަތަމަ މެޗުގައި ގޯލެއް ކާމިޔާބުކުރި އެންމެ ޒުވާން ކުޅުންތެރިޔާގެ މަގާމު އޭނާ ހޯދައިފިއެވެ.

ޔޫއެފާ ޔޫރޯގެ ތާރީހުގައި އެންމެ އަވަހަށް ކާމިޔާބުކުރި ގޯލު އިޓަލީއާ ދެކޮޅަށް އަލްބޭނިއާގެ ނެދިމް ބަޖްރަމީ ކާމިޔާބުކޮށްފިއެވެ. އޭނާ މި ގޯލު ކާމިޔާބުކޮށްފައިވަނީ ޔޫރޯ 2024ގެ ގްރޫޕް-ބީގެ ދެވަނަ މެޗުގައެވެ. އިޓާލިއަން ސީރިއާގެ ސަސުލޯއަށް ކުޅެމުން އަންނަ ބަޖްރަމީގެ މި ތާރީހީ ގޯލު ފެނިގެން ގޮސްފައިވަނީ، އިޓަލީއާ ދެކޮޅަށް ކުޅުނު މެޗުގައި ލިބުނު އެއްލުމެއްގެ ބޭނުން ހިފައި، މެޗު ފަށައިގެން 22 ސިކުންތުގެ ތެރޭގައެވެ.

ދުނިޔޭގެ ތައްޓަށް ކުޅޭ ވޯލްޑް ކަޕް ފުޓުބޯޅަ މުބާރާތަށްފަހު ދެން އެންމެ ގިނަ މީހުން ބަލާ މުބާރާތަކީ، ޔޫރަޕްގެ ގައުމުތަކުގެ މެދުގައި ކުޅޭ ޔޫރޯ ފުޓުބޯޅަ މުބާރާތެވެ. މި މުބާރާތް ހުކުރު ދުވަހުގެރޭ ފެށުމަށް ހަމަޖެހިފަހިވާއިރު، ފުރަތަމަ މެޗުގައި ބައްދަލުކުރާނީ، މުބާރާތް ބާއްވާ ގައުމު ޖަރުމަނާއި ސްކޮޓްލެންޑެވެ.

މި އަހަރުގެ ޖޫންގައި ޖަރުމަނުގައި ބާއްވާ ޔޫރޯ ފުޓުބޯޅަ މުބާރާތުގެ އެންމެ ފަހު ތިން ޖާގަ ޕޮލަންޑާއި، ޔޫކްރެއިން އަދި ޖޯޖިއާ އިން ހޯދައިފިއެވެ. މުބާރާތުގެ ފަހު ތިން ޖާގަ ހޯދުމަށް ރޭ ކުޅުނު ތިން މެޗުގައި ވެސް ފޯރި ގަދަ ހަރަކާތްތަކެއް ފެނުނުއިރު، ދެ މެޗެއްގެ ނަތީޖާ ކަނޑައަޅަން ޖެހުނީ ޕެނަލްޓީ ޖަހައިގެންނެވެ.

ސްޕެއިން ވަނީ ޔޫރޯ ފައިނަލުގައި 4 ފަހަރު ކުޅެ 3 ތަށި ހޯދާފާއެވެ. އަދި ޖެހިޖެހިގެން 2 ޔޫރޯ ކާމިޔާބުކުރި ހަމައެކަނި ޓީމަކީ ވެސް ސްޕެއިންއެވެ. އެއީ 2008 ވަނަ އަހަރު އޮސްޓްރިއާ އަދި ސްވިޓްޒަލޭންޑުގައި ބޭއްވި މުބާރާތުގެ ފައިނަލުގައި ޖަރުމަނުގެ މައްޗަށް ކުރި ހޯދައިގެންނާއި، 2012 ވަނަ އަހަރު ޕޮލަންޑު އަދި ޔުކްރެއިންގައި ބޭއްވި މުބާރާތުގެ ފައިނަލްގައި ތަފާތު ބޮޑުކޮށް، 4-0 އިން އިޓަލީ ބަލިކުރުމަށްފަހުއެވެ.