ސޭޝެލްސްގެ ރައީސް ވޭވަލް ރަމްކަލަވަންގެ މި ދަތުރުފުޅުގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި ބައްދަލުކުރައްވައި ދެ ޤައުމުގެ ދެމެދު ރަސްމީ ވާހަކަފުޅުތައް ބާއްވަވައި ދެ ޤައުމުގެ ގުޅުން އިތުރަށް ބަދަހިކުރުމާ ގުޅޭގޮތުން މަޝްވަރާކުރައްވާނެއެވެ. އަދި އެއަށްފަހު ދެ ޤައުމުގެ ދެމެދުގައި އެއްބަސްވުންތައް ބަދަލުކުރުމާއި ދެ ޤައުމުގެ ލީޑަރުން މަޝްވަރާކުރެއްވި ކަންކަމާއި ގުޅޭގޮތުން މީޑިޔާއަށް މަޢުލޫމާތު ދެއްވުމަށް ގުޅިފައިވާ ބަޔާނެއް ދެއްވުމަށް ހަމަޖެހިފައިވެއެވެ.

ރައީސް ނަޝީދު ޤާސިމް އިބްރާހީމަށް މަރުޚަބާ ވިދާޅުވި އިރު، ރޭ ބޭއްވި ޖުމްހޫރީ ޕާޓީގެ ޖަލްސާ ދިޔައީ ވަރަށް ވަނދުކޮށެވެ. ޖަލްސާއަށް މީހުން ހާޟިރު ނުވެގެން ދޮޅުގަޑި އިރަށްވުރެ ގިނަ އިރު ޖަލްސާ ނުފަށައިވެސް އޮތެވެ. އަދި ވަރަށް މަދު މީސްކޮޅަކާއި އެކު ޖަލްސާ ކުރިޔަށް ގެންދިޔައިރު، ޖަލްސާއިން ފެނިގެން ދިޔައީ ޤާސިމް އިބްރާހީމަށް ރިޔާސީ އިންތިޚާބު ކާމިޔާބު ނުވާނެ މަންޒަރުކަމަށް ސިޔާސީ ދާއިރާގެ ތަޖުރިބާކާރުން ވަނީ ވިދާޅުވެފައެވެ.

ރައީސުލްޖުމްހޫރިއްޔާގެ އޮފީހުން ބުނީ، ސޭޝެލްސްގެ ރައީސް ވޭވަލް ރަމްކަލަވަން އާއި އެމަނިކުފާނުގެ އަނބިކަނބަލުން ލިންޑާ ރަމްކަލަވަން ޖޫން މަހުގެ 11 އިން 14 އަށް ދިވެހިރާއްޖެއަށް ކުރައްވާ 4 ދުވަހުގެ ފުރަމާނަ ދަތުރުފުޅަކީ، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙްގެ ދަޢުވަތަކަށް ކުރައްވާ ދަތުރުފުޅެއްް ކަމަށެވެ.

އެމްސީއެސްއިން ބުނީ، ދިވެހި އާޓިސްޓުން ތަރައްޤީކުރުމަށް މަސައްކަތްކުރާ ކުންފުންޏެއް ކަމުގައިވާ މިއުސް އާ ގުޅިގެން ފެށި މި ވޯކްޝޮޕަކީ ހަ ދުވަހަށް ކުރިއަށްގެންދާ ވޯކްޝޮޕެކެވެ. މިއުސް އިން ޤައިދީންނަށް މި ވޯކްޝޮޕް ހިންގައިދެނީ ހިލޭ ސާބަހަށެވެ. އެމްސީއެސްއިން ބުނީ، ޤައިދީން ރިހެބިލިޓޭޓްކުރުމުގެ ގޮތުން ހުނަރުތައް ދަސްކޮށްދިނުމަށް ހިންގާ މިފަދަ ޕްރޮގްރާމްތަކާއި ވޯކްޝޮޕްތަކުގެ މަޤްޞަދަކީ ޤައިދީންނަށް ޖަލުގައި ދަސްކޮށްދޭ އެކި ހުނަރުތަކުގެ އެހީގައި، ޖަލުން ނިކުތުމަށްފަހު މުޖުތަމަޢަށް ބޭނުންތެރި މަސައްކަތެއް ކުރާ ބަޔަކަށް ހެދުން ކަމަށެވެ.

އެމަނިކުފާނުގެ ވާހަކަފުޅުގައި ސަރުކާރުން ކުރިޔަށްގެންދާ ތަރައްޤީގެ މަސައްކަތްތަކާއެކު މުޖުތަމަޢުގެ ހަމަޖެހުން ޤާއިމުކުރުމަށް ވަރަށްބޮޑު އިސްކަމެއް ދެއްވާކަން ފާހަގަކުރައްވަމުން ޙާއްޞަކޮށް މީހުން ބިނާކުރުމަށާއި ރަނގަޅު ތަރުބިއްޔަތެއް ލިބިފައިވާ ދަރިންތަކެއް އުފެއްދުމަށް ޚާއްޞަ ސަމާލުކަމެއް ދެމުންދާކަމުގައި ވިދާޅުވިއެވެ. އެގޮތުން އައު ދިރާސީ އަހަރާއެކު ސްކޫލްތަކާއި މުޖުތަމަޢަށް އަމާޒުކޮށް ދީނީ ހޭލުންތެރިކަން އިތުރުކުރުމާއި ދީނީ ކަންކަމަށް ލޯބިޖެއްސުމަށް އަމާޒުކޮށް އިތުރަށް މަސައްކަތްތައް ކުރިޔަށް ގެންދިއުމަށް ރޭވިފައިވާކަމުގައި އެމަނިކުފާނު ވިދާޅުވިއެވެ. ހަމައެހެންމެ، ޤުރުއާން މުބާރާތްތަކާއި ދީނީ ހޭލުންތެރިކަން އިތުރުކުރުމަށް ކުރިޔަށްގެންދެވޭ ހަރަކާތްތައް ކުރިޔަށްއޮތްތަނުގައިވެސް މެދުކެނޑުމެއްނެތި ކުރިޔަށްދާނެކަމުގައި އެމަނިކުފާނު ވިދާޅުވިއެވެ.

އާ ސިޔާސީ ޕާޓީއެއް އުފެއްދުމަށް އިލެކްޝަންސް ކޮމިޝަނަށް ހުށައެޅުއްވި، މުޙައްމަދު އާތިފަކީ، ބަނގުލަދޭޝްގައި މެޑިސިންގ ދާއިރާއިން ކިޔަވަމުން ދަނިކޮށް މަރުވި، ރައުދާ އާތިފްގެ ބައްޕައެވެ. ރައުދާ އާތިފްގެ މަރާއި ގުޅިގެން ހިންގި ތަޙްޤީޤުތައް އާތިފް ޤަބޫލެއް ނުކުރައްވައެވެެ. އަދި އެކަމުގައި އޭނާ ވަނީ ސަރުކާރަށާއި ފުލުހުންގެ އިސްވެރިންނަށްވެސް ތުހުމަތުތައް ކުރައްވާފައެވެ.

މި އެއްބަސްވުންތަކުގައި ސޮއިކުރެއްވީ ސްރީލަންކާގެ ފޮރިން މިނިސްޓްރީގައި މިއަދު ބޭއްވި ރާއްޖެ - ސްރީލަންކާ ޖޮއިންޓް ކޮމިޝަންގެ ހަތަރުވަނަ ސެޝަންގައެވެ. އެއްބަސްވުންތަކުގައި ސޮއެކުރުމަށް ބޭއްވި ރަސްމިއްޔާތުގައި، ރާއްޖޭގެ ފޮރިން މިނިސްޓަރު އަބްދުالله ޝާހިދާއި ސްރީލަންކާގެ ފޮރިން މިނިސްޓަރު އެމް.ޔޫ.އެމް ޢަލީ ޞަބްރީ ބައިވެރިވެވަޑައިގެންނެވިއެވެ.

ފުލުހުން ބުނީ، މުޙައްމަދު އަންސާމް އިބްރާހީމް ހޯދަމުންދަނީ ހުޅުމާލޭގައި 2023 މެއި 21 ވަނަ ދުވަހުގެ ވަގުތެއްގައި ބަޔަކު ބައިވެރިވެގެން ފުލުހެއްގެ ގައިގައި ޖަހާ މާރާމާރީ ހިންގި މައްސަލައާއި އޭނާގެ މައްޗަށް ތުހުމަތުކުރެވޭ މަސްތުވާތަކެތީގެ މައްސަލައެއްގައި ކޯޓު އަމުރެއްގެ ދަށުން ހައްޔަރުކުރުމަށް ކަމަށެވެ. އެނގިފައިވާ ގޮތުގައި ފުލުހެއްގެ ގައިގައި ޖަހާ މާރާމާރީ ހިންގި އެ މައްސަލައަކީ، ހުޅުމާލޭގައި ހުސްވި މެއި މަހުގެ 21 ވަނަ ދުވަހުގެ އިރު އޮއްސުނު ވަގުތު ހިންގި މާރާމާރީގެ މައްސަލައެވެ. އެމައްސަަލައިގައި މީގެ ކުރިންވެސް ފުލުހުން ވަނީ ބައެއް މީހުން ކޯޓު އަމުރެއްގެ ދަށުން ހައްޔަރުކޮށްފައެވެ. އެހެން ނަމަވެސް އެމައްސަަލަ އާއި ގުޅޭ އިތުރު ތަފްސީލެއް ފުލުހުންގެ އިދާރާއިން ހާމައެއް ނުކުރެއެވެ.

މަރުވެފައި އޮއްވައި ފެނުނު އެމީހާ އޮތީ، ގިރުވާނު އެޅި އަތްކުރު ކަޅު ޓީޝާޓަކާއި ކަޅުކުލައިގެ ސޯޓެއް އަދި ކަޅު ކުލައިގެ ބޫޓަކަށް އަރައިގެން ކަމުގައިވެސް ފުލުހުން ވަނީ ބުނެފައެވެ. އެއީ ކާކުކަން އަދި ދެނެގަނެވިފައި ނުވި ނަމަވެސް އެމީހާއަކީ ބިދޭސީއެއްކަމަށް ބެލެވޭކަމުގައި ފުލުހުންގެ އިދާރާއިން ވަނީ ބުނެފައެވެ. އަދި މަރުވެފައި އޮއްވައި ފެނުނު އެމީހާއާ ގުޅޭ އެއްވެސް މަޢުލޫމާތެއް އެނގޭ މީހަކު ވާނަމަ އެކަން ފުލުހުންނާއި ޙިއްޞާ ކުރެއްވުމަށްވެސް ފުލުހުންގެ އިދާރާއިން ވަނީ އެދިފައެވެ.

ރައީސް ނަޝީދުގެ ޢިތުބާރު ނެތްކަމުގެ ވޯޓު ނަގައި މަޤާމުން ވަކިކުރުމަށް އެމްޑީޕީން ނިންމާފައި ވަނީ މައިގަނޑު 6 ސަބަބެއްގެ މައްޗަށް ރިޢާޔަތް ކުރައްވައިގެންނެވެ. އޭގެ ތެރޭގައި މަޖިލީހުގެ ޤަވާއިދާއި ޚިލާފަށް ޢަމަލު ކުރައްވަމުން ގެންދިޔުމާއި، ސަބަބެއް ހާމަ ނުކުރައްވައި މަޖިލީހުގެ ރިޔާސަތު ކޮންމެ ދުވަހަކުވެސް ދޫކޮށްލައްވައި ވަޑައިގެންނެވުމާއި، މެމްބަރުންނާއި މެދު ޒާތީވެ ކަންކަން ކުރެއްވުމާއި، ރައްޔިތުންގެ މަޖިލީހުގެ ކޮމިޓީތައް އަލުން އެކުލަވާ ނުލައި މަޖިލީހުގެ ކޮމިޓީތަކުގެ މަސައްކަތްތައް ހުއްޓުވާފައި އޮތުން ހިމެނެއެވެ.

ރައްޔިތުންގެ މަޖިލީހުގެ ރައީސްގެ އިތުބާރު ނެތްކަމުގެ މައްސަލަ ހުށައެޅުމަށް ނިންމީ، މަޖިލީހުގެ ޤަވާއިދާއި ޚިލާފަށް އަދި މަޖިލީހުގެ ރިޔާސަތުން އަމަލު ކުރާ ގޮތުގެ ސަބަބުން ކަމުގައި އެމްޑީޕީގެ ޕާލަމެންޓްރީ ގުރޫޕުގެ ލީޑަރ މުހައްމަދު އަސްލަމް ވިދާޅުވިއެވެ. އަސްލަމް މިހެން ވިދާޅުވީ، މިއަދު އެމްޑީޕީގެ ޕާލަމެންޓްރީ ގުރޫޕުން ބޭއްވި ބައްދަލުވުމަށްފަހުގައި ބޭއްވި ނޫސްވެރިންގެ ބައްދަލުވުމުގައެވެ. އަސްލަމް ވިދާޅުވީ، މަޖިލީހުގެ ރައީސްގެ އިތުބާރު ނެތްކަމުގެ މައްސަލަ ހުށައެޅުމަށް އެމްޑީޕީ ޕާލަމެންޓްރީ ގުރޫޕުގެ 110 ވަނަ ބައްދަލުވުމުގައި ނިންމެވީ، 36 މެމްބަރުންގެ ވޯޓުން އެކަން ފާސްކޮށްގެން ކަމަށެވެ. އެމްޑީޕީގައި 56 މެމްބަރުން ތިއްބަވާއިރު، މިއަދު ބޭއްވި ޕާލަމެންޓްރީ ގުރޫޕްގެ ބައްދަލުވުމުގައި ނެގި ވޯޓުގައި 42 މެމްބަރުން ބައިވެރިވެ ވަޑައިގެންނެވިއެވެ.

2023 ވަނަ އަހަރުގެ ދުނިޔޭގެ ތިމާވެށީގެ ދުވަހުގެ މުނާޞަބަތުގައި ބޭއްވެވި ރަސްމީ ޖަލްސާގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ވިދާޅުވީ މި ސަރުކާރުގެ އަމާޒަކީ ދިވެހިރާއްޖޭގައި ހަކަތަ އުފެއްދުމަށް ތެލަށް ބަރޯސާވުން ނިމުމަކަށް ގެނަސް، ތިމާވެށްޓާއި ރައްޓެހި ގޮތްގޮތަށް ހަކަތަ އުފައްދައި ، ބޭނުންކުރާ ޤައުމަކަށް ބަދަލުކުރުން ކަމުގައެވެ. ރައީސުލްޖުމްހޫރިއްޔާ އއ. އުކުޅަހަށް ކުރެއްވި މި ދަތުރުފުޅުގައި “ބީޓް ޕްލާސްޓިކް ޕޮލިއުޝަން" ފެސްޓިވަލަށް އެމަނިކުފާނު ޒިޔާރަތްކުރެއްވެވިއެވެ. މި ފެސްޓިވަލުގައި ކުނި ރިސައިކަލް ކުރުމާއި، ކުނި ނައްތާލުމާއި، ކުނި ވަކިކުރުމާ ބެހޭ ގޮތުން މަޢުލޫމާތު ދިނުމުގެ އިތުރުން ރީސައިކަލްކޮށްފައިވާ ޕްލާސްޓިކުން ހަދާފައިވާ ޑިސްޕްލޭތައް ދައްކާލާފައިވެއެވެ.

މިމްރާޙް ވިދާޅުވީ، ހުޅުމާލޭގެ މަގުތަކުގެ ބައްތިތައް ނުދިއްލުމަށް ދިމާވާ އެންމެ ބޮޑު މައްސަލައަކީ ބންކޮނެގެން ކަރަންޓް ނަރުތައް ވަގަށް ނަގަމުން ދިޔުން ކަމަށެވެ. އަދި އެކަމަށް ހައްލެއް ހޯދުމަށް ފުލުހުންނާއި ގުޅިގެން މަސައްކަތްތަކެއް ކުރަމުންދާކަމުގައިވެސް އޭނާ ވިދާޅުވިއެވެ.    މިމްރާޙް ވިދާޅުވީ، ރައްޔިތުންނާއި ގުޅުންހުރި މިފަދަ ކަންކަމަށް އަވަސް ހައްލެއް ހޯދައި ދިނުމުގައި އަރބަންކޯގެ ޓީމު ވަރުބަލިކަމެއްނެތި މަސައްކަތް ކުރަމުންދާނެ ކަމުގެ ޔަގީންކަން ރައްޔިތުންނަށް އަރުވާކަމަށެވެ.

ދުނިޔޭގެ ތިމާވެށީގެ ދުވަސް ފާހަގަކުރުމަށް އއ. އުކުޅަހުގައި ބޭއްވި ޖަލްސާގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ވިދާޅުވީ، ދެމެހެއްޓެނިވި ތަރައްޤީގެ އުޞޫލުން ތިމާވެށްޓާ ރައްޓެހިކޮށް ތަރައްޤީވެވިދާނެކަން ދުނިޔެއަށް ހާމަކުރުމަކީ، ސަރުކާރުގެ މުހިއްމު އަމާޒެއް ކަމަށެވެ. އެގޮތުން، 2030ގެ ނިޔަލަށް ރާއްޖޭގެ އެމިޝަން ނެޓް ޒީރޯ ކުރުމަށް މަސައްކަތް ކުރާނެކަން ރާއްޖެއިން ވާނީ މުޅި ދުނިޔެއަށް އިޢުލާނުކޮށްފައިކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.

ރައީސުލްޖުމްހޫރިއްޔާ ވިދާޅުވީ، މެދުފަންތީގެ ޤައުމަކަށް ދިވެހިރާއްޖެ ބަދަލުވެ، ދިރިއުޅުމުގެ ފެންވަރު އެތައް ގުނައަކުން މައްޗަށް ޖެހުނުއިރު، ކުނި އުފެދޭ މިންވަރުވެސް އިންތިހާއަށް މައްޗަށް ގޮސްފައިވާ ކަމަށެވެ. އަދި އުފެދޭ ކުނީގެ ބާވަތްތައްވެސް ތަފާތުވެ، ޙައްލު ހޯދަން ޖެހިފައިވާ ތިމާވެށީގެ އެންމެބޮޑު އެއް މަސަލަ އަކީ، ޕްލާސްޓިކް ކުނީގެ މައްސަލަކަމުގައިވެސް ރައީސުލްޖުމްހޫރިއްޔާ ވިދާޅުވިއެވެ.