Advertisement
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ހއ އަތޮލަށް ކުރައްވާ ރަސްމީ ދަތުރުފުޅުގެ ތެރެއިން --
ކެމްޕޭނަށް ރައީސް ހއ އަށް ވަޑައިގެންފި
ރިޔާސީ އިންތިޚާބުގެ ކެމްޕޭނަށް ރައިސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިއަދު ހއ އތޮލަށް ވަޑައިގެންފިއެވެ.
ރައީސުލްޖުމްހޫރިއްޔާ ހއ އަތޮޅަށް ކުރައްވާ ކެމްޕޭން ދަތުރުފުޅުގައި ހއ އަތޮޅަށް ވަޑައިގެންނެވީ މިއަދު ހެނދުނުއެވެ. އެމަނިކުފާނު އެންމެ ފުރަތަމަ ވަޑައިގެންނެވީ، ހއ ހޯރަފުއްޓަށެވެ. އެރަށުން ރައީސުލްޖުމްހޫރިއްޔާއަށާއި އެމްޑީޕީގެ ޓީމަށް ވަނީ ވަރަށް ހޫނު މަރުޙަބާއެއް ދަންނަވާފައެވެ.
ހޯރަފުއްޓަށް ވަޑައިގެން ރައީސުލްޖުމްހޫރިއްޔާ ވަނީ، ހޯރަފުށީ "ނޫރާނީ ޖަގަހަ" ހުޅުއްވައިދެއްވާފައެވެ. އަދި ހޯރަފުށީގެ ރައްޔިތުންނާއި ބައްދަލު ކުރައްވައި ރައީސުލްޖުމްހޫރިއްޔާ ވަނީ ވާހަކަފުޅުދައްކަވާފައެވެ.
ރައީސުލްޖުމްހޫރިއްޔާގެ މިދަތުރުފުޅުގައި މިއަދު މެންދުރު ވަނީ، ހއ ތުރާކުނަަށް ވަޑައިގެންފައެވެ. ތުރާކުނަށްފަހު އެމަނިކުފާނު މިއަދު ހއ. އުލުގަމަށާއި މޮޅަދޫއަށް އަދި ހއ. އިހަވަންދޫއަށް ވަޑައިގަންނަވާނެއެވެ.
އެމްޑީޕީގެ ރިޔާސީ ކެންޑިޑޭޓް އަދި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް އަތޮޅުތަކުގެ ރަށްރަށަށް ކުރައްވަމުން ގެންދަވާ ކެމްޕޭން ދަތުރުފުޅުގައި އަތޮޅުތަކުގެ ރަށްރަށުގެ ރައްޔިތުންގެ ފަރާތުން ދަނީ ރައީސުލްޖުމްހޫރިއްޔާއަށް ހޫނު މަރުޙަބާއެއް ދަންނަވަމުންނެވެ.
