ނ. އަތޮޅު ލަންދޫގައި ރައީސް ޞާލިޙްގެ ސަރުކާރުން ފަށާފައިވާ މުހިންމު މަޝްރޫޢުތަކެއް މިހާރު ވަނީ ނިމިފައެވެ. އެގޮތުން ބަނދަރު އަޕްގްރޭޑް ކުރުމާއި, ނަރުދަމާ ނިޒާމް ޤާއިމް ކުރުމާއި, 500 މީހުންގެ ޖާގައިގެ މިސްކިތެއް އިމާރާތް ކުރުމާއި އަދި ޞިއްޙީ މަރުކަޒުގެ އެކްސްޓެންޝަން އިމާރާތް ހެދުން ހިމެނެއެވެ.

ނ އަތޮޅުގައި މީހުން ދިރިއުޅޭ 13 ރަށެއް އޮތް އިރު ލަންދޫގެ ބޮޑުމިނަކީ 86.8 ހެކްޓަރެވެ. މިރަށަކީ 686 މީހުންގެ ކުޑަ އާބާދީއެއް އޮންނަ ރަށެކެވެ. 

2022 ވަނަ އަހަރުގެ ޖެނުއަރީ މަހު ރައީސުލް ޖުމްހޫރިއްޔާ ވަނީ ލަންދޫއަށް ވަޑައިގެން އެ ރަށުގެ ބަނދަރު އިފްތިތާޙު ކޮށްދެއްވައިފައެވެ. މި ރަސްމިއްޔާތުގައި ވާހަކަފުޅު ދައްކަވަމުން ރައީސް ޞާލިޙް ވިދާޅުވީ, ލަންދޫ ބަނދަރު މަޝްރޫޢަކީ ލަންދޫ ރައްޔިތުން އެ މަނިކުފާނުގެ އަރިހުގައި ދެންނެވި ގޮތަށް ކުރިޔަށް ގެންދެވުނު މަޝްރޫޢަކަށް ވުމަކީ އިތުރު ހިތް ހަމަޖެހުމެއް އެ މަނިކުފާނަށް ލިބިވަޑައިގެންނެވި ކަމެއް ކަމަށެވެ. 

އަދި ލަންދޫގައި އޭރު އިމާރާތް ކުރަމުން ދިޔަ މިސްކިތް އެޅުމުގެ މަސައްކަތް ފަށައިގަތް އިރު އެއީ 300 މީހުންގެ ޖާގައިގެ މިސްކިތެއް ކަމަށާއި، ނަމަވެސް ރައްޔިތުންގެ އެދުމާއި އެއްގޮތަށް 500 މީހުންގެ ޖާގައިގެ މިސްކިތެއް ގޮތުގައި އެ މިސްކިތް ބޮޑުކުރަން ނިންމާފައިވާ ކަމުގައި ރައީސުލްޖުމްހޫރިއްޔާ ވިދާޅުވިއެވެ. މިހާރު އެ މިސްކިތް ނިމިފައިވާއިރު, ރައީސް ވައުދުވެ ވަޑައިގެންނެވި ގޮތަށް, މިސްކިތުގެ ޖާގަ ވަނީ އިތުރު ކުރެވިފައެވެ. 

އެ ރަސްމިއްޔާތުގައި ނ. ލަންދޫގެ ބަނދަރު އިފްތިތާޙްކޮށްދެއްވައި ރައީސުލްޖުމްހޫރިއްޔާ ދެއްކެވި ވާހަކަފުޅުގައި ވިދާޅުވެފައިވަނީ މި ސަރުކާރަކީ އަބަދުވެސް ރައްޔިތުންގެ އަޑު އަހާނެ ސަރުކާރެއް ކަމަށާއި، މަޝްރޫޢުތައް ކުރިޔަށް ގެންދިޔުމާއި ގޮތް ނިންމުމުގައި ރައްޔިތުންގެ ވިސްނުމަށް ސަރުކާރުން ރިޢާއަތްކުރާނެކަމަށެވެ. 

މިރަށުގައި މިހާރު ހިނގަމުންދާ މަޝްރޫޢުތައް:

1.     4 ކްލާސްރޫމާއި މަލްޓިޕާޕަސް ހޯލް

2.     ފެނުގެ ނިޒާމް ގާއިމްކުރުން

3.     މެޖިސްޓްރޭޓް ކޯޓުގެ އައު އިމާރާތުގެ މަސައްކަތް

4.     ޕްރެޕެއަރިންގ އައުޓަރ އައިލެންޑް ފޯރ ސަސްޓެއިނަބަލް އެނާރޖީ ޑިވެލޮޕްމަންޓް ޕްރޮޖެކްޓް

5.     ފުޓުބޯޅަ ދަނޑުގައި ސަބް ބޭސް ތައްޔާރުކުރުމާއި ޓާރފް އެޅުން

6.     ރާއްޖޭގެ ޤައުމީ ދަތުރު ފަތުރު ކުރުމުގެ ނިޒާމް ގާއިމްކުރުން

ނިމިފައިވާ މަޝްރޫޢުތައް:

1.     ބަނދަރު އަޕްގްރޭޑް ކުރުން

2.     ޞިއްޙީ މަރުކަޒުގެ އެކްސްޓެންޝަން އިމާރާޓް ހެދުން

3.     މިސްކިތް އިމާރާތްކުރުން

4.     ނަރުދަމާ ނިޒާމް ގާއިމްކުރުން 

އެހެނިހެން މަރުހަލާތަކުގައި ހުރި ބައެއް މަޝްރޫޢުތައް:

1.     ވޮލީކޯޓު ތަރައްގީކުރުން

2.     ކުޑަ ކުދިންގެ ޕާކު ތަރައްގީކުރުން

3.     ހައިސްޕީޑް ފެރީ ނެޓްވާކްގެ އިމްޕްރޫވްމަންޓް ޕްލެޓްފޯމް

ނ. ލަންދޫއަކީ ރާއްޖޭގައި ބުޑިސްޓުން އުޅުނުކަން ރަމްޒުކޮށްދޭ ހެކިތަކުގެ ތެރެއިން އެފަދަ އެންމެ ގަދީމީ ތަންތަން ހުރި ރަށެވެ. މީގެތެރެއިން އެންމެ ފާހަގަކޮށްލެވޭ ތަނަކީ ލަންދޫ "މާބުދިގެ" ކިޔާ ތަނެވެ. ރާއްޖެއިން ފެނުނު އެންމެ ދުވަސްވީ ލިޔުން ފެނުނީވެސް މިރަށުންނެވެ. އެ ލިޔުން މިހާރު ބާއްވާފައިވަނީ ޤައުމީ ދާރުލްއާސާރުގައެވެ. މިރަށަކީ ނިސްބަތުން ކުއްޅަވައް ގިނަ ރަށެއްކަންވެސް ފާހަގަކޮށްލަމެވެ.