އައްޑޫ ސިޓީ މީދޫގައި އިމާރާތްކުރާ އައު މިސްކިތް ބިނާކުރުމުގެ ޢަމަލީ މަސައްކަތް އިސްލާމިކް މިނިސްޓަރ ޑރ އަޙްމަދު ޒާހިރު ޢަލީއާއި މީދޫ ދާއިރާގެ މެންބަރު ރޮޒައިނާ އާދަމް ފައްޓަވައިދެއްވައިފިއެވެ.

މިނިސްޓްރީ އޮފް އިސްލާމިކް އެފެއާޒުން ހާމަކުރައްވާފައިވާ ގޮތގައި، އައްޑޫ ސިޓީ މީދޫގައި ބިނާކުރުމަށް ހަމަޖެހިފައިވަނީ 700 މީހުންގެ ޖާގައިގެ މިސްކިތެކެވެ.

ސަރުކާރުގެ ޕީއެސްއައިޕީ ބަޖެޓުން ޚަރަދުކޮށްގެން ކުރިއަށް ގެންދިޔުމަށް ހަމަޖެހިފައިވާ، މި މަޝްރޫޢުއަކީ 13,947,943.70 (ތޭރަ މިލިއަން ނުވަލައްކަ ސާޅީސް ހަތްހާސް ނުވަސަތޭކަ ސާޅީސް ތިން ރުފިޔާ ހަތްދިހަ ލާރި)އެވެ.

މިސްކިތުގެ ޢަމަލީ މަސައްކަތް ފައްޓަވައި ދެއްވުމުގެ އިތުރުންމ މިނިސްޓަރ އޮފް އިސްލާމިކް އެފެއާޒް ޑރ. އަޙްމަދު ޒާހިރު ޢަލީ އައްޑޫ ސިޓީގެ ބައެއް މިސްކިތްތަކަށް ޒިޔާރަތްކުރައްވައި، އައު މިސްކިތްތައް އެޅުމަށް ބިން ކަނދައަޅާފައިވާ ސަރަހައްދުތައްވެސް ބައްލަވާ ލައްވާފައެވެ. މީގެ އިތުރުން، އިސްލާމިކް މިނިސްޓަރ ވަނީ އައްޑޫ ސިޓީގެ މިސްކިތްތަކގެ އިމާމުންނާއި މުދިމުންނާއިވެސް ބައްދަލުކުރައްވާފައެވެ.