Noon - ރައީސުލްޖުމްހޫރިއްޔާގެ އޮފީސް

ރައީސުލްޖުމްހޫރިއްޔާގެ އޮފީސް

08 Jun 2024

އިންޑިއާގެ ދައުވަތުން ދެޤައުމުގެ ގުޅުން ހުރީ ރަނގަޅު މިސްރާބަކަށް ކަން ރަމްޒްކޮށްދޭ ކަމުގައި ރައީސް ވިދާޅުވެއްޖެ

އިންޑިއާ ސަރުކާރުން ފޮނުއްވެވި ދަޢުވަތު ޤަބޫލުފުޅު ކުރައްވައި، ރައީސުލްޖުމްހޫރިއްޔާ ދެއްކެވި ވާހަކަފުޅުގައި، އިންޑިއާގެ ބޮޑުވަޒީރު މަޤާމުގެ ހުވާކުރެއްވުމުގެ ތާރީޚީ ރަސްމިއްޔާތަށް ވަޑައިގެންނެވުމަކީ އެމަނިކުފާނަށް ލިބިވަޑައިގަންނަވާ ޝަރަފެއްކަން ވަނީ ފާހަގަކުރައްވާފައެވެ. އަދި ދެޤައުމުގެ ދެމެދު އޮންނަ ގާތް ރަހުމަތްތެރި ގުޅުން އިތުރަށް ބަދަހިކުރެއްވުމަށް އެދިވަޑައިގަންނަވާކަމުގައިވެސް ރައީސުލްޖުމްހޫރިއްޔާ ވިދާޅުވި ކަމަށާއި، އަދި ދެޤައުމުގެ ގުޅުން ކުރިޔަށްދަނީ ރަނގަޅު މިސްރާބަށްކަން މި ދަތުރުފުޅުން ރަމްޒުކޮށްދޭކަމުގައި އެމަނިކުފާނުގެ ވާހަކަފުޅުގައި ފާހަގަކުރައްވާފައިވާ ކަމުގައިވެސް ރައީސުލްޖުމްހޫރިއްޔާގެ އޮފީހުން ވިދާޅުވެފައިވެއެވެ.

އިންޑިއާ ސަރުކާރުން ދެއްވި ދައުވަތު ރައީސް ޤަބޫލުފުޅު ކުރައްވައިފި

އީދު ބަންދު މެދުކެނޑުނަ ނުދިނުމަށް ޖޫން 20 ވަނަ ދުވަހަކީ ބަންދު ދުވަހެއް ކަމުގައި ހަމަޖައްސަވައިފި

އެޗްއާރްސީމްއެމްގެ މެމްބަރު ކަމަށް ކުރިމަތިލާން ހުޅުވާލައިފި

ރައީސުލްުޖުމްހޫރިއްޔާގެ ދެކަނބަލުން ފަސްމިލިޔަން ގަސް އިންދުމުގެ ޕްރޮގްރާމް އިފްތިތާޙްކޮށްދެއްވައިފި

ރައީސުލްޖުމްހޫރިއްޔާގެ އޮފީސް

ރައީސުލްޖުމްހޫރިއްޔާ ރައްޔިތުންގެ މަޖިލީހުގެ ރައީސާއި ނައިބު ރައީސާއި ބައްދަލުކުރައްވައިފި

މިބައްދަލުކުރެއްވުން އޮތީ މިއަދު މެންދުރުކުރީގައި ރައީސުލްޖުމްހޫރިއްޔާގެ އޮފީހުގައެވެ. މިބައްދަލު ކުރެއްވުމުގައި ސަރުކާރު ހިންގާ ޕާޓީ ޕީއެންސީގެ ޕާލަމެންޓްރީ ގްރޫޕްގެ ލީޑަރު، ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު އިބްރާހީމް ފަލާޙްވެސް ބައިވެރިވެވަޑައިގެންނެވިއެވެ.

މަރުތަކަށް އިންސާފު ހޯދަން އުފެއްދި ކޮމިޝަން އުވާލައްވައިފި

އެކޮމިޝަން އުފައްދަވާފައި ވަނީ 17 ނޮވެމްބަރު 2018 ވީ ހޮނިހިރު ދުވަހުގައެވެ. އެކޮމިޝަން އުވާލައްވައި ރައީސުލްޖުމްހޫރިއްޔާ މިއަދު ނެރުއްވި ޤަރާރުގައި ވިދާޅުވެފައި ވަނީ، އެކޮމިޝަން އުވާލެއްވީ، އެކޮމިޝަނާއި މަތިކޮށްފައިވާ މަސައްކަތްތައް އެކޮމިޝަނުން ނިންމާފައި ވާތީ ކަމަށެވެ.

ދުނިޔޭގެ ސިއްޙަތު ޖަމިއްޔާގެ މެމްބަރުކަން ފަލަސްޠީނަށް ދީ އެޖަމިއްޔާގައި ފަލަސްޠީނުގެ ދައުރު ފުޅާކުރުމަށް ދިން ފުރުޞަތަށް ރައީސް މަރުޙަބާ ވިދާޅުވެއްޖެ

އެމަނިކުފާނު ކުރެއްވި އެކްސްގައި ކުރެއްވި ޕޯސްޓްގައި ވިދާޅުވީ، ދުނިޔޭގެ ސިއްޙަތު ޖަމްޢިއްޔާގެ މެންބަރުކަން ފަލަސްޠީނަށްދީ އެ ޤައުމުގެ ޙައްގުތައް ކަށަވަރުކުރުމަށް ދެއްވި ފުރުޞަތަށް ރާއްޖެއިން މަރުޙަބާ ކިޔާކަމަށާއި، އެ ޙައްޤު ފަލަސްޠީނަށް ހޯަދައިދިނުމަށް ރާއްޖެއިންވެސް މަސައްކަތް ކޮށްފައިވާ ކަމަށެވެ.

ސިޑްސް ކޮންފަރެންސްގައި ބައިވެރިވެވަޑައިގެންނެވުމަށްފަހުގައި ރައީސް މާލެ ވަޑައިގެންފި

ރައީސުލްޖުމްހޫރިއްޔާ ވަނީ މި މަހާސިންތާގެ އެކި ބަހުސްތަކާއި ގިނަ ސައިޑްލައިން އިވެންޓްތަކުގައި ބައިވެރިވެވަޑައިގެން އަދި ބައެއް ޤައުމުތަކާއި ބައިނަލްއަޤްވާމީ އެކިއެކި ޖަމުޢިއްޔާ ޖަމާޢަތްތަކުގެ އިސްވެރިންނާއި ބައްދަލުކުރައްވައި މަތީ ފަންތީގެ ބައިލެޓްރަލް އަދި މަލްޓިލެޓްރަލް ބައްދަލުވުންތަކުގައި ބައިވެރިވެވަޑައިގެންފައެވެ.

ރަސްމާލެ މަޝްރޫޢު ކުރިޔަށް ގެންދެވޭނެ އިތުރު ގޮތްތަކެއް ހޯދަނީ!

ސިޑްސް ކޮންފަރެންސްގައި ރާއްޖެއިން ހާޞިލްކުރަން ބޭނުންވި ކަންކަން ޙާޞިލްވި - ހީނާ

ހީނާ ވިދާޅުވީ، ހަތަރުވަނަ ބައިނަލްއަޤްވާމީ ކޮންފަރެންސްގައި ދިވެހިރައްޔިތުންނަށް މުހިންމު އެކިއެކި ކަންކަމުގައި ރައީސުލްޖުމްހޫރިއްޔާ ވަކާލާތު ކުރެއްވިކަމަށެވެ. އަދި މޫސުމަށް އަންނަ ބަދަލުތަކުން އަރައިގަތުމަށް ކުރަމުންދާ މަސައްކަތްތަކާއި ތަރައްޤީވަމުން އަންނަ ކުދި ޖަޒީރާ ޤައުމުތަކަށް ކުރިމަތިވާ ގޮންޖެހުންތަކާ ގުޅޭގޮތުންވެސް މި ކޮންފަރެންސްގައި ރައީސުލްޖުމްހޫރިއްޔާ ވާހަކަފުޅު ދެއްކެވިކަން ހީނާ ފާހަގަކުރެއްވިއެވެ

ސިޑްސްގެ ކޮންފަރެންސްގައި ބައިވެރިވެވަޑައިގެންނެވުމަށް ރައީސުލްޖުމްހޫރިއްޔާ ފުރާވަޑައިގެންފި

ރައީސުލްޖުމްހޫރިއްޔާގެ އޮފީހުން ހާމަކުަރައްވާފައިވާ ގޮތުގައިި، މި މެއިމަހު 27 ގައި ކުރިއަށްގެންދިއުމަށް ހަމަޖެހިފައިވާ މި ސަމިޓްގެ ޕްލީނަރީ ސެޝަންގައި ދިވެހިރާއްޖޭގެ ބަޔާން އިއްވަވާނީ، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒެވެ. މީގެ އިތުރުން ސިޑްސް ކޮންފަރެންސްގައި ބައިވެރިވެވަޑައިގަންނަވާ ބޭރު ޤައުމުތަކުގެ ވަފްދުތަކުގެ މަތީފަންތީގެ ބައެއް ބޭފުޅުންނާއި ވެސް ރައީސުލްޖުމްހޫރިއްޔާ ބައްދަލުކުރައްވާނެއެވެ. ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒަކީ އ.ދ.އިން އިންތިޒާމުކުރާ މި ކޮންފަރެންސްގެ ނައިބު ރައީސުންގެ ތެރޭގައި ހިމެނިވަޑައިގަންނަވާ އަދި މި ކޮންފަރެންސްގައި ހިމެނޭ ފަސް އިންޓަރެކްޓިވް ޑައިލޯގުގެ ކޯޗެއަރވެސް މެއެވެ.

ކާބޯތަކެތީގެ ރައްކާތެރިކަމުގެ ބިލު ރައީސުލްޖުމްހޫރިއްޔާ ތަސްދީޤު ކުރައްވައިފި

ރައީސުލްޖުމްހޫރިއްޔާ މި ބިލު ތަސްދީޤުކުރެއްވުމާ ގުޅިގެން މި ބިލު ވަނީ މިއަދު، ދިވެހި ސަރުކާރުގެ ގެޒެޓުގައި ޝާއިޢުކުރެއްވުމާއި ގުޅިގެން މިބިލް ޤާނޫނަކަށް ވީއެވެ. އެހެން ނަމަވެސް، މި ޤާނޫނަށް ޢަމަލުކުރަން ފެށޭނީ މިއަދުން ފެށިގެން 3 މަސް ދުވަސް ހަމަވާ ތާރީޚުން ފެށިގެންނެވެ.

ޓެކްސް ކޮމިޝަނަރުގެ މަޤާމަށް ޒަރީރު ޢައްޔަނު ކުރައްވައިފި

ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމަށް މިއަދު އައްޔަން ކުރެއްވި ޙަސަން ޒަރީރަކީ ޓެކްސް އަދި އޮޑިޓާ ގުޅޭ އެކި މަޤާމުތަކުގައި 2000 ވަނަ އަހަރުން ފެށިގެން މަސައްކަތް ކުރައްވާފައިވާ ބޭފުޅެކެވެ. ޙަސަން ޒަރީރު އެންމެ ފަހުން އަދާކުރައްވާފައިވަނީ ވިލާ ޝިޕިންގ އެންޑް ޓްރޭޑިންގ ކޮމްޕެނީ ޕްރައިވެޓް ލިމިޓެޑްގެ ޑިރެކްޓަރ އޮފް ފައިނޭންސް އެންޑް ގްރޫޕް ޗީފް ކޮމްޕަލަޔަންސް އޮފިސަރގެ މަޤާމެވެ. އަދި ބެންކް އޮފް މޯލްޑިވްސްގެ ޗެއަރޕަރސަންގެ މަޤާމު 7 މާރިޗު 2024 އިން ފެށިގެން އަދާކުރައްވަމުން ގެންދެވި އިރު އެބޯޑުން ޒަރީރު ވަނީ މިއަދު އިސްތިއުފާ ދެއްވާފައެވެ. ޒަރީރު ވަނީ މީގެ ކުރިން ޑެޕިއުޓީ ކޮމިޝަނަރ ޖެނެރަލް އޮފް ޓެކްސޭޝަންގެ މަޤާމުވެސް އަދާކުރައްވާފައިވެއެވެ.

ސިޑްސްގެ ހަތަރުވަނަ ކޮންފަރެންސްގައި ބައިވެރިވެވަޑައިގެންނެވުމަށް ރައީސް މާދަމާ ބާބިއުޑާއަށް ފުރާވަޑައިގަންނަވަނީ

މި އަހަރުގެ ކޮންފަރެސް ކުރިޔަށްދާނީ މިހިނގާ މެއި މަހުގެ 27 އިން 30 އަށެވެ. މިފަހަރުގެ ކޮންފަރެންސް ބާއްވަނީ، އުތުރު އެމެރިކާގެ ޖަޒީރާ ޤައުމެއް ކަމުގައިވާ، އެންޓިގުއާ އެންޑް ބާބިއުޑާ ގައެވެ. މިއީ ކޮންމެ 10 އަހަރަކުން އެއްފަހަރު ބާއްވަމުން އަންނަ ސިޑްސްގެ ކޮންފަރެންސް 4 ވަނަ ކޮންފަރެންސްއެވެ. މިފަހަރުގެ ކޮންފަރެންސްގެ އެއް ކޯ ޗެއާ އަކީ، ރައީސުލްޖުމްހޫރިއްޔާާ ޑރ. މުޙައްމަދު މުޢިއްޒެވެ.

ބޯހިޔާވަހިކަން ދިނުމުގައި މުސްކުޅި މައިން ބަފައިން ބަލަހައްޓާ މީހުންނަށް ޚާއްޞަ އިސްކަމެއް ދެނީ

ސަރުކާރުގެ ބޯހިޔާވަހި ކަމުގެ ސިޔާސަތުގެ ތެރެއިން މިހާތަނަށް، ދޮށީ އުމުރުގެ މީހުން އޮތީ ވަރަށް ބޮޑަށް ހަވާސާ ކުރެވިފައެވެ. ދަރިން ތިބި އަދަދަށް ބަލައިގެން ޕޮއިންޓް އިތުރުވާގޮތަށް އޮތް ނަމަވެސް، މުސްކުޅި މައިން ބަފައިންނާއި އެނޫންވެސް ޝަރުޢީގޮތުން ބަަލަންޖެހޭ އުމުރުން ދޮށީ މީހުން ބަލާ ފަރާތްތަކަށް އެއްވެސް ޚާއްޞަކަމެއް ދީފައެއް ނޯވެއެވެ. މީގެ އިތުރުން ބޯހިޔާވަހިކަމުގެ ސިޔާސަތުތައް މިހާތަނަށް އެކަށައަޅާފައި އޮތް ގޮތުން އުމުރުން 65 އަހަރުން މަތީގެ ދޮށީ އުމުރުގެ މީހުންނަށް ވަކިން ބޯހިޔާވަހިކަމެއް ލިބޭނެ ގޮތެއްވެސް ނެތި އޮންނަނީ އެމީހުން ވަރަށް ބޮޑަށް ނިކަމެތިވެފައެވެ.

އައްޑޫ ސިޓީގައި އިސްރަށްވެހިންނަށް ޚާއްޞަ މަރުކަޒެއް ބިނާ ކުރެއްވުމަށް ނިންމަވައިފި

"އިސްރަށްވެހިންގެ ހިޔާވަހި"ގެ ނަމުގައި ބިނާކުރައްވާ ޢިމާރާތަކީ، ދޮށީ އުމުރުގެ މީހުންގެ ތެރެއިން އާއިލާގެ އަޅާލުން ނުލިބުމުގެ ސަބަބުން ދައުލަތުން ބަލަހައްޓަންޖެހޭ ހާލަތަށްދާ ފަރާތްތަކަށް، އުފާވެރިކަމާއި، ހިތްހަމަޖެހުމާއެކު އުމުރުގެ ބާކީ ދުވަސްތައް ހޭދަކުރެވޭނެ ފަދަ މާހައުލެއް ޤާއިމުކުރުމުގެ ގޮތުން ފެންވަރު ރަނގަޅު ޚިދުމަތްތަކާއެކު، ދޮށީ އުމުރުގެ މީހުންނަށް ޙާއްޞަ ކުރައްވައިގެން ބިނާކުރައްވާ ޢިމާރާތެއް ކަމުގައި ރައީސުލްޖުމްހޫރިއްޔާގެ އޮފީހުން ވިދާޅުވެފައިވެއެވެ. މި ޢިމާރާތަކީ ދައުލަތުގެ ބަޖެޓުން ޚަރަދު ކުރައްވައިގެން އެޅުއްވުމަށް ނިންމަވާފައިވާ ޢިމާރާތެކެވެ.

ވިޔަފާރި އާއި އުފެއްދުންތެރިކަމަށް އަމާޒުކޮށް އަންނަ އަހަރުންފެށިގެން މަޢުރަޒެއް ބޭއްވުމަށް ނިންމައިފި

ރައީސުލްޖުމްހޫރިއްޔާގެ އޮފީހުން ވިދާޅުވެފައި ވާގޮތުގައި، އެމަނިކުފާނު މިގޮތަށް ނިންމެވީ އާދީއްތަ ދުވަހު، ރައީސުލްޖުމްހޫރިއްޔާގެ އޮފީހުގައި ކުރިއަށްދިޔަ ވަޒީރުންގެ މަޖިލީހުގެ ބައްދަލުވުމުގައި މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް ހުށަހެޅުއްވި ކަރުދާހުގެ މައްޗަށް ވަޒީރުންގެ މެދުގައި މަޝްވަރާކުރެއްވުމަށްފަހުގައެވެ.

ނަތަންޔާހޫ އާއި އިޒްރޭލުގެ ޑިފެންސް މިނިސްޓަރު ހައްޔަރު ކުރުމަށް އެދި ހުށައެޅުމުން ރައީސް އެކަމަށް މަރުޙަބާ ވިދާޅުވެއްޖެ

ރައީސުލްޖުމްހޫރިއްޔާ ކުރެއްވި ޓްވީޓުގައި ވިދާޅުވީ، އިޒްރޭލުގެ އިސްވެރިން ހައްޔަރު ކުރުމަށް އިންޓަރނޭޝަނަލް ކްރިމިނަލްކޯޓަށް އެދި ހުށައެޅުމަކީ ފަލަސްޠީނުގެ ރައްޔިތުންގެ ހައްޤުތައް ކަށަވަރުކޮށްދިނުމުގައި މިހާތަނަށް، އެޅުނު އެންމެ މުހިއްމު ފިޔަވަޅު ކަމުގައެވެ. އަދި އެއްވެސް ޤައުމަކީ ބައިނަލްއަޤުވާމީ ޤާނޫނުތަކަށް ބޯ ނުލަބައި ތިބެވޭނެ ޤައުމުތަކެއް ނޫންކަމަށާއި، އިޒްރޭލުން ފަލަސްޠީނުގެ ރައްޔިތުންނާއި ދެކޮޅަށް ހިންގަމުންދާ ޤަޠުލު ޢާއްމުތައް ބަލައި ފިޔަވަޅު އެޅެން ޖެހޭނެ ކަމުގައި އެމަނިކުފާނު ވިދާޅުވިއެވެ.

އެމްޑީޕީގެ ސަރުކާރުގައި ރާއްޖޭގެ ސަރަހައްދުން އަތުލައިގަނެ ޖޫރިމަނާކުރި އިންޑިއާގެ މަސްބޯޓުގެ ޖޫރިމަނާ މިސަރުކާރުން މަޢާފްކޮށް ފުރުވާލައިފި

ސިވިލްކޯޓުން އާއްމުކުރި ޤަޟިއްޔާ ނިމުނުގޮތުގެ ރިޕޯޓުގައި ބަޔާންކޮށްފައިވާ ގޮތުގައި، ރާއްޖޭގެ ސަރަހައްދުން ޤަވާއިދާއި ޚިލާފަށް މަސްވެރިކަން ކުރަނިކޮށް ހިފެހެއްޓި އިންޑިއާގެ މަސްބޯޓުކޮށްފައިވާ ޖޫރިމަނާ 10 މާރިޗު 2024 ގައި ރައީސުލްޖުމްހޫރިއްޔާގެ އޮފީހުން ވަނީ މަޢާފްކޮށްފައެވެ. އަދި 17 މާރިޗު 2024ގައި އެބޯޓު ވަނީ ރާއްޖެއިން ފުރުވާލާފައެެވެ. އެހެންވެ ފިޝަރީޒް މިނިސްޓްރީން ހުށައަޅާފައިވާ ދައުވާ ފޯމު ބާޠިލްކުރުމަށް އެމިނިސްޓްރީން އެދި ހުށައެޅުމާއި ގުޅިގެން މައްސަލަ ބާޠިލްކޮށް ސިވިލްކޯރުން މައްސަލަ ނިންމީ 16 މެއި 2024 ގައެވެ.

ކުރީ ސަރުކާރުގައި ދިން ގޯތިތައް ތިންމަސް ދުވަހުގެ ތެރޭގައި ހަވާލުކުރުން ލާޒިމްކޮށް ބިމާއި ބެހޭ ޤާނޫނަށް ގެނައި އިސްލާޙް ރައީސް ތަސްދީޤެއް ނުކުރެއްވި

19 ވަނަ ރައްޔިތުންގެ މަޖިލީހުގެ އެންމެ ފަހުކޮޅު، މިބިލް ފާސްކުރައްވާފައި ވަނީ، އޭޕްރީލް މަހުގެ 29 ވީ ހޯމަ ދުވަހުގައެވެ. ރައްޔިތުންގެ މަޖިލީހުގެ އެންމެ ފަހު ޖަލްސާ ބާއްވާފައި ވަނީ، މި މެއި މަހުގެ 13 ވަނަ ދުވަހުގައެވެ. އެދުވަހު އެބިލް މަޖިލީހުން ފާސްކުރައްވާފައި ވަނީ، ރައްޔިތުންގެ މަޖިލީހުގެ 35 މެމްބަރުންގެ އިއްތިފާޤުންނެވެ.