ޕީއެންްއެފް އުފެއްދުމަށް ބާއްވާ ޖަލްސާ އޮންނާނީ މިއޭޕްރީލް މަހުގެ 9 ވަނަ ދުވަހުގެ ރޭ (މާދަމާރޭ) 9:15ގައި ޣިޔާޘުއްދީން ސްކޫލް ހޯލުގައެވެ. މިޖަލްސާގައި ރައީސް ޔާމީން ބައިވެރިވެ ވަޑައިގަންނަވާނެ ކަމުގައި އެ ޕާޓީ އުފެއްދުމުގެ މަސައްކަތުގައި އިސްކޮށް މަސައްކަތް ކުރައްވަމުން ގެންދަވާ، މުޙައްމަދު މަލީހް ޖަމާލު ވިދާޅުވިއެވެ.

ޕީއެންއެފް އުފެއްދުމުގައި އިސްކޮށް މަސައްކަތް ކުރައްވަމުން ގެންދަވާ މުހައްމަދު މަލީޙް ޖަމާލު ވިދާޅުވީ، ޕީއެންއެފް އުފެއްދުމަށް ބާއްވަންޖެހޭ ޖަލްސާ ބޭއްވުން ފަސްކޮށްފައި ވަނީ، ދައުލަތުގެ އެކި އިދާރާތަކުން ލިބެންޖެހޭ އެހީތެރިކަން ނުލިބުމުގެ ސަބަބުން ކަމަށެވެ. އަދި ޕީއެންއެފް ނުހުއްޓުވޭނެ ކަމަށާއި ދެން ޖަލްސާ ބާއްވާނެ ތާރީޚެއް ވަރަށް އަވަހަށް އިޢުލާނު ކުރައްވާނެ ކަމުގައިވެސް އޭނާ ވިދާޅުވިއެވެ.

އެޕާޓީ އުފެއްދުމުގެ މަސައްކަތުގައި އަމަލީ ގޮތުން މަސައްކަތް ކުރައްވަމުން ގެންދަވާ، ކުރީގެ މިނިސްޓަރ މުޙައްމަދު މަލީޙް ޖަމާލު ވިދާޅުވީ، ޕީއެންއެފް އުފެއްދުމުގެ ގޮތުން މާދަމާރޭ ޣިޔާޘުއްދީން ސްކޫލުގައި ބާއްވާ ޖަލްސާގައި ރައީސް ޔާމީން ބައިވެރިވެވަަޑައިގަންނަވާނެ ކަމަށެވެ. މައުލޫމާތު ލިބިފައިވާ ގޮތުގައި އެ ޖަލްސާގައި ބައިވެރިވެވަޑައިގެންނެވުމަށް ރައީސް ޔާމީން މޯލްޑިވްސް ކަރެކްޝަނަލް ސަރވިސްގެ ހުއްދައަށް އެދިވަޑައިގެންފައި ވީނަމަވެސް އެކަމުގައި ކަރެކްޝަންސްއިން ނިންމި ގޮތެއް އެއިދާރާއިން ހާމަކޮށްފައެއް ނުވެއެވެ.

ރައީސް ޔާމީން ވަނީ، އެމަނިކުފާނު އިސްވެ ހުންނަވައި އުފައްދަވާ ސިޔާސީ ޕާޓީ ޕީއެންއެފްއަށް ސޮއެކުރައްވައި އެޕާޓީގެ އޮފީހުގައި ރޭ ކުރިޔަށް ގެންދިޔަ ބައްދަލުވުމުގައި ބައިވެރިވެވަޑައިގެންފައެވެ. އެބައްދަލުވުން މީޑިއާތަކުން ވަގުތުން ދުރަށް ބްރޯޑްކާސްޓް ކުރަމުންވެސް ގެންގޮސްފައިވެއެވެ.

މިއީ ސަރުކާރު ހިންގާ ޕާޓީގެ ގޮތުގައި އޮތް ޕީއެންސީގެ އިސްމަޤާމެއްގައި ހުންނެވި ބޭފުޅުންގެ ތެރެއިން އެޕާޓީން ވަކިވެވަޑައިގަތް ފުރަތަމަ ބޭފުޅާއެވެ. ޕީއެސްސީން ވަކިވެވަޑައިގެން ޝިފާޤު އާއްމު ކުރެއްވި ސިޓީގައި ވިދާޅުވީ، ޕީއެންސީ މިއަދު އެހިނގާ މަގަކީ ދިވެހީންގެ ރާއްޖޭ ދިވެހީން އެދޭ މަގަށް ގެންދެވޭނެ ގޮތެއް ކަމަށް ނުފެންނާތީ ޕާޓީން އިސްތިއުފާ ދެއްވާފައިވާ ކަމަށެވެ.

މިހާރު މަންޒަރު ފެންނަގޮތަށް ބަލާއިރު، ޑރ. މުޙައްމަދު މުޢިއްޒުގެ ވެރިކަން ދެމެހެއްޓުމަކީ އެމަނިކުފާނަށް ކުރެއްވިދާނެ ކަމެއް ކަމަކަށް ސިޔާސީ ދާއިރާގެ ތަޖުރިބާކާރުން ދެކެވަޑައެއް ނުގަންނަވައެވެ.

ކުރީގެ ރައީސް އަދި ޕީޕީއެމްގެ ކުރީގެ ރައީސް އަބްދުﷲ ޔާމީން އުފައްދަވަން އުޅުއްވާ 'ޕީޕަލްސް ނޭޝަނަލް ފްރަންޓް' އުފައްދަން އިލެކްޝަންސް ކޮމިޝަން (އީސީ)އަށް މިއަދު ފޯމު ހުށަހަޅުއްވައިފިއެވެ.

ރައީސް ޔާމީނުގެ ފަރާތްޕުޅުން މި އައު ޕާޓީ އުފެއްދެވުމުގައި އިސްކޮށް ހަރަކާތްތެރިވެވަޑައިގަންނަވަނީ، އެމަނިކުފާނުގެ ޤާނޫނީ ވަކީލުންގެ ޓީމުގައި ހިމެނިވަޑައިގަންނަވާ، ޑރ. މުޙައްމަދު ޖަމީލު އަޙުމަދާއި، މުޙައްމަދު މަލީޙް ޖަމާލެވެ.