މަޝްހޫރު ލަވަކިޔުންތެރިޔާ އިބްރާހީމް ހަމްދީ އާއި އޭނާގެ އަނބިކަނބަލުން ޒަރާނާ، ޕީއެންއެފްއަށް ސޮއެކޮށްފިއެވެ.

ހަމްދީގެ ދެމަފިރިން، ރައީސް ޔާމީން އުފެއްދެވި ޕީއެންއެފަށް ސޮއެކުރެއްވުމަށް ފަހުގައި ވަނީ، މެމްބަރޝިޕް ފޯމް ރައީސް ޔާމީންގެ އަތްޕުޅަށް އަރުވާފައެެވެ. ހަމްދީ ވިދާޅުވީ އޭނާ އަކީ، ރައީސް ޔާމީނަށް ވަރަށް ބޮޑަށް ތާއީދު ކުރައްވާ ބޭފުޅެއް ކަމަށެވެ.

އިބްރާހީމް ޙަމްދީއަކީ، ރާއްޖޭގެ ލަވަކިޔުންތެރިންގެ ތެރެއިން 80 އާއި 90ގެ އަހަރުތަކުގެ ތެރޭގައި އެންމެ މަޝްހޫރު އެއްފަންނާނެެވެ. ޙަމްދީގެ އަޑުން ވިދާޅުވެފައިވާ ލަވަތަކުގެ ތެރެއިން، "އާކުއްޖެކޭ ދަސްވީ ފަހުން"، "މަލެކޭ އެއްފަދަ ނާޒުކު މުނިޔާ" ފަދަ ލަަތަކާއި، "ރަމްޒު މި ޤައުމީ" ފަދަ ލަވަތަކަކީ، އަބަދަށް ފެހި ލަވަތަކެކެވެ. 

ރާއްޖޭގައި 2016 ވަނަ އަހަރު ބޭއްވި މޯލްޑިވިއަން އައިޑަލްގައި، ހަމްދީ ސްޕެޝަލްގެ ނަމުގައި ޚާއްޞަ ތީމެއް ކަނޑައަޅައި ހަމްދީގެ ހަނދާނަށް އެޝޯވ ޚާއްޞަ ކޮށްފައިވެއެވެ.