މަޖިލިސް އިންތިޚާބު ރޯދަމަހުގެ ތެރޭގައި ނުބޭއްވުމަށް އެދި އެންމެ ބޮޑުޕާޓީ އެމްޑީޕީން ވަނީ އިލެކްޝަންސް ކޮމިޝަނަށް ސިޓީއެއް ފޮނުވާފައެވެ. ކޮމިޝަނުން ވިދާޅުވީ އެމްޑީޕީއާއެކު މާދަމާ 11:30ގައި ބައްދަލުވުމެއް ބޭއްވުމަށް ނިންމާފައިވާ ކަމަށެވެ.

ކުރެންދޫ ދާއިރާއަށް ކުރިމަތިލައްވާނެކަން އިޢުލާނު ކުރައްވައި، ޢަލީ ނިޔާޒު ވިދާޅުވެފައި ވަނީ، ކުރެންދޫ، އޮޅުވެލިފުށި ރައްޔިތުންގެ ހައްޤުގަ 20 ވަނަ ރައްޔިތުން މަޖިލީހުގައި ވަކާލުތުކޮށް، ޤާނޫނުތަކަށް ގެންނަންޖެހޭ ހެޔޮ ބަދަލުތައް ގެނެސް ސަރުކާރު ޖަވާބުދާރީ ކުރުމުގައި ސާބިތު ކަމާއިއެކު ދެމިހުންނަވާނެ ކަމަށެވެ.

މިއަހަރު ބާއްވާ ރައްޔިތުންގެ މަޖިލީހުގެ އިންތިޚާބުގައި ދަ ޑިމޮކްރެޓްސްގެ ޓިކެޓުގައި ވާދަކުރަން ބޭނުންވާ ފަރާތްތަކަށް ކުރިމަތިލުމުގެ ފުރުޞަތު ހުޅުވާލައިފިއެވެ.

އެމްޑީޕީން މިހާރު ވަނީ، ޕްރައިމަރީ ބާއްވަން ނުޖެހޭ ދާއިރާތަކާއި، އެދާއިރާތަކުން ޓިކެޓް ލިބުނު ބޭފުޅުންގެ ނަންތައް އިޢުލާނުކޮށްފައެވެ. މިގޮތުން، ޖުމުލަ 36 ދާއިރާއަކަށް ކުރިމަތި ލެއްވި ބޭފުޅުނަށް އެބޭފުޅުން ކުރިމަތިލި ދާއިރާއަށް އިތުރު އެއްވެސް މެމްބަރަކު ކުރިމަތިލާފައި ނުވާތީ، މަޖިލިސް އިންތިޚާބުގެ ޕާޓީ ޓިކެޓް ވަނީ ދީފައެވެ. އޭގެ ތެރޭގައި، މިހާރުވެސް 19 ވަނަ ރައްޔިތުންގެ މަޖިލީހުގައި، ގޮނޑިތައް ފުރުއްވަމުން ގެންދަވާ 16 މެމްބަރުން ހިމެނެއެވެ.

ފުވާދު ވިދާޅުވީ، އިންތިޚާބު ރޯދައިގެ ފަހަށް ލަސްކުރަން ބަލާއިރު، މިހާރު ދިވެހިންގެ އާދަކާދަތަކާއި ދީނީކަންކަމަށް ބަލާއިރު ރޯދަމަހާއި ވިދިގެން އަންނަ ހަރޯދައަކީވެސް ހަމަ ރޯދަމަސް ފަދައިން ކަން އޮންނަ ދުވަސްތަކެއް ކަމަށެވެ. ހަމައެގޮތަށް ރޯދަމަހުގެ ފަހު ދިހައެއް ސަރުކާރު ބަންދު ދުވަސްތަކެއްގެ ގޮތުގައި ހަމަޖައްސަވާފައިވާއިރު، ފަހުދިހަޔާއި އެކު ގިނަ ދުވަސްތަކެއް ސަރުކާރު ބަންދުވެގެން ދިޔުމަކީވެސް އެދުވަސްވަރު އިންތިޚާބު ބޭއްވުމުގައި އޮތް ގޮންޖެހުމެއް ކަމަށެވެ.

އިލެކްޝަންސް ކޮމިޝަންގެ ނައިބު ރައީސް އިސްމާޢީލް ޙަބީބު ވިދާޅުވީ، ރައްޔިތުންގެ މަޖިލީހުގެ 2024 ވަނައަހަރުގެ އިންތިޚާބީ ދާއިރާތަކަށް އާބާދީ ކަނޑައަޅާފައިވާގޮތުގެ ވަގުތީ ރިޕޯޓަށް ލިބިފައިވާ ޝަކުވާ/ޚިޔާލުތައް އިލެކްޝަންސް ކޮމިޝަނުން ދިރާސާކޮށް ނިންމާފައިވާ ކަމަށާއި، ޝަކުވާ/ޚިޔާލު ހުށަހެޅި ފަރާތްތަކަށް އީސީ އިން މިއަދު ޖަވާބު ދޭނެކަމަށެވެ.

މަޖިލީހަށް ހޮވޭ އަންހެނުންނަށް ޕާޓީގެ ފަރާތުން ހާއްސަ އެލަވަންސެއް ދޭ ގޮތަށް ހަމަޖައްސަން މަސައްކަތް ކުރައްވާނެ ކަމަށް ޕީއެންސީގެ ރައީސް އަދި އިންތިހާބީ ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެއެވެ. މުއިއްޒު މިހެން ވިދާޅުވީ، ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި ޕީޕީއެމް-ޕީއެންސީން %20 ގޮޑިއަށް އަންހެނުން ވާދަކޮށް، އެ ކަމަށް ހިތްވަރު ދިނުމުގެ ގޮތުންނެވެ.

އެެކޮމިޝަންގެ ނައިބު ރައީސް އިސްމާއީލް ޙަބީބު ވިދާޅުވީ، ރައްޔިތުންގެ މަޖިލީހުގެ 2024 ވަނައަހަރުގެ އިންތިޚާބީ ދާއިރާތަކަށް އާބާދީ ކަނޑައަޅާފައިވާގޮތުގެ ވަގުތީ ރިޕޯޓަށް 65 ޝަކުވާ ލިބިފައިވާ ކަމަށެވެ. އަދި ލިބިފައިވާ ޝަކުވާތަކާއި ޚިޔާލުތަކާއި މެދު، 2023 ނޮވެމްބަރު 5 ގެ ކުރިން އީސީ އިން ގޮތެއް ކަނޑައަޅައި، އަދި އެ ޝަކުވާއެއް ނުވަތަ ޚިޔާލު ހުށަހެޅި ފަރާތްތަކަށް އީސީ އިން ނިންމާ ނިންމުން ސަބަބާއެކު އަންގާނެކަމުގައިވެސް ޙަބީބު ވިދާޅުވިއެވެ.

އެމްޑީޕީ އުފެދުނީއްސުރެ އެ ޕާޓީއަށް ގިނަ ޚިދުމަތްތަކެއް ކުރެއްވި ޝުއައިބު ޢަލީ (ފުރަހަނި ޝުއައިބު)، މިއަންނަ އަހަރުގެ ކުރީކޮޅު އޮންނަ ރައްޔިތުން މަޖިލީހުގެ އިންތިހާބުގައި ކުރިމަތި ލައްވަން ނިންމާފައިވާކަމަށް އިއުލާންކޮށްފިއެވެ. އެކްސް ގައި ޝުއައިބު މިކަން އިއުލާން ކުރުމުގެ ގޮތުން ކުރެއްވި ޕޯސްޓްގައިވަނީ، އިންތިހާބުގައި އޭނާ ކުރިމަތިލުމަށް ނިންމީ، ގަލޮޅު އުތުރު ދާއިރާގެ ގޮނޑިން އީވާ އަބްދުﷲ ބޭރުކުރުމަށް ކަމަށެވެ.