Advertisement

އިލެކްޝަންސް ކޮމިޝަންގެ ރައީސް ފުވާދު ތައުފީޤު --

10 Jan 2024
ޚަބަރު
ޢަލީ ސުލައިމާން

މާރިޗު 17 ވަނަ ދުވަސް ސަރުކާރު ބަންދު ދުވަހެއްގެ ގޮތުގައި ހަމަޖެއްސުމަށް ކޮމިޝަނުން މަސައްކަތްކުރާނެ

މިއަހަރު ބޭއްވުމަށް ހަމަޖެހިފައިވާ ރައްޔިތުންގެ މަޖިލިހުގެ އިންތިޚާބު މިއަހަރުގެ މާރިޗު މަހުގެ 17ވާ އާދިއްތަ ދުވަހު ބޭއްވުމަށް، ނިންމާފައި ވާއިރު އެދުވަސް ރަސްމީ ބަންދު ދުވަހެއްގެ ގޮތުގައި ހަމަޖައްސަވައި ދެއްވުމަށް ސަރުކާރަށް ދަންނަވާނެ ކަމުގައި އިލެކްޝަންސް ކޮމިޝަނުން ވިދާޅުވެއްޖެއެވެ.

އިލެކްޝަންސް ކޮމިޝަނުގެ ރައީސް ފުވާދު ތައުފީޤު ވިދާޅުވީ، މާރިޗު 17 ވާ އާދީއްތަ ދުވަހު އިންތިޚާބު ބޭއްވުމަށް ކޮމިޝަނުން ނިންމީ އެއީ، ޤާނޫނުގައި މުއްދަތުތައް ކަނޑައަޅާފައިވާ ގޮތަށް ބަލާއިރު އެންމެ އަވަހަށް އިންތިޚާބު ބޭއްވެން އޮތް ދުވަސް ކަމަށެވެ. އަދި ޤާނޫނުގައި މުއްދަތުތައް ކަނޑައަޅާފައިވާ ގޮތުން އިންތިޚާބު، ރޯދަ މަހުގެ ކުރިން ބޭއްވޭނެ އެއްވެސް ގޮތެއް ނެތްކަމަށާއި، އަދި ރޯދައިގެ ފަހުންވެސް އިންތިޚާބު ބޭއްވުމަށް ބޮޑެތި ހުރަސްތަކެއް ކުރިމަތިވާ ކަމުގައި ފުވާދު ވިދާޅުވިއެވެ. އެހެންވެ މިހާރު އިންތިޚާބު ބޭއްވުމަށް ކަނޑައަޅާފައިވާ މާރިޗު މަހުގެ 17ވާ އާދީއްތަ ދުވަހަކީ، ރަސްމީ ބަންދު ދުވަހެއްގެ ގޮތުގައި ހަމަޖައްސަވައި ދެއްވުމަށް ކޮމިޝަނުން ރައީސުލްޖުމްހޫރިއްޔާއަށް ދަންނަވާނެ ކަމުގައިވެސް ފުވާދު ވިދާޅުވިއެވެ. އިންތިޚާބުތަކުގެ މަސައްކަތްތަކާއި ގުޅިގެން އިންތިޚާބު އޮންނަ ދުވަހާއި އެއާއި ވިދިގެން އަންނަ ދުވަސްވެސް އާއްމު ގޮތެއްގައި ރަސްމީ ބަންދު ދުވަހެއްގެ ގޮތުގައި ސަރުކާރުން ހަމަޖައްސަވައި ދެއްވައެވެ.

ފުވާދު ވިދާޅުވީ، އިންތިޚާބު ރޯދައިގެ ކުރިން ބޭއްވެން އޮތީ، ޤާނޫނުގައި ބަޔާންކޮށްފައިވާ 120 ދުވަހުގެ މުއްދަތު 140އަށް އިތުރުކޮށްގެން ކަމުގައި ވާތީ، އެކަން ކޮމިޝަންގެ ފަރާތުން މަޖިލީހުގެ މިނިވަން މުއައްސަސާތަކާއި ބެހޭ ކޮމިޓީއާއެކު ބޭއްވި ބައްދަލުވުމުގައި ފާހަގަވެސް ކުރެއްވި ކަމަށެވެ. އެހެން ނަމަވެސް ރޯދަމަހާއި ދިމާވާތީ އިންތިޚާބުގެ ތާރީޚުތައް ގުނުމަށް ޤާނޫނަށް ބަދަލުގެނައުމަކީ އެންމެ ރަނގަޅުގޮތްކަމަށް ކޮމިޓީއަށް ފެނިވަޑައިނުގެންނެވިކަމުގައި ފުވާދު ވިދާޅުވިއެވެ.

އިންތިޚާބުތަކާއި ބެހޭ ޤާނޫނުގައި ބަޔާންކޮށްފައިވާ ގޮތުން، ހިނގަމުންދާ މަޖިލީހުގެ ދައުރު ހަމަވުމުގެ 120 ދުވަސް ކުރިން، ރައްޔިތުންގެ މަޖިލީހުގެ އިންތިޚާބު ކޮމިޝަނުން ޢިއުލާނުކޮށް މަސައްކަތްތައް ފަށަންޖެހޭނެއެވެ. މިހާރު ހިނގަމުންދާ 19 ވަނަ ރައްޔިތުންގެ މަޖިލީގުގެ ދައުރު މެއި މަހުގެ 28 ވަނަ ދުވަހަށް ހަމަވާނެއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.