Advertisement

ރައީސް ނަޝީދުއާ އެމްޑީޕީގެ ކުރީގެ މެމްބަރުންތަކަކާއެކު ފުރަހަނި ޝުއައިބު (ވާއަތުގައި)

07 Oct 2023
ޚަބަރު

އީވާ ގޮނޑިން ބޭލުމަށް ފުރަހަނި ޝުއައިބު ނިކުންނަނީ

އެމްޑީޕީ އުފެދުނީއްސުރެ އެ ޕާޓީއަށް ގިނަ ޚިދުމަތްތަކެއް ކުރެއްވި ޝުއައިބު ޢަލީ (ފުރަހަނި ޝުއައިބު)، މިއަންނަ އަހަރުގެ ކުރީކޮޅު އޮންނަ ރައްޔިތުން މަޖިލީހުގެ އިންތިހާބުގައި ކުރިމަތި ލައްވަން ނިންމާފައިވާކަމަށް އިއުލާންކޮށްފިއެވެ. އެކްސް ގައި ޝުއައިބު މިކަން އިއުލާން ކުރުމުގެ ގޮތުން ކުރެއްވި ޕޯސްޓްގައިވަނީ، އިންތިހާބުގައި އޭނާ ކުރިމަތިލުމަށް ނިންމީ، ގަލޮޅު އުތުރު ދާއިރާގެ ގޮނޑިން އީވާ އަބްދުﷲ ބޭރުކުރުމަށް ކަމަށެވެ.

"ގަލޮޅު އުތުރު ދާއިރާގެ މަޖިލިސް ގޮނޑިން އީވާ ބޭރު ކުރަން، 2024 ގެ އިންތިހާބުގައި އީވާ އާ ވާދަކުރަން އަޅުގަނޑު ނިންމާ އެކަން އިއުލާން ކުރުމުގެ އުފާ ލިބިގަންނަމެވެ”، އެކްސްގައި ކުރި ޕޯސްޓުގައި ޝުއައިބު ބުނެފައިވެއެވެ.

މީގެ އިތުރުން ޝުއައިބު ފާހަގަކޮށްފައިވާ ގޮތުގައި، އޭނާ އެ ގޮނޑިއަށް އިންތިހާބު ކޮށްފިނަމަ އެ މަސްއޫލިއްޔަތު ފުރިހަމަ ގޮތުގައި އަދާކުރާނެ ކަމަށާއި، އަމިއްލަ ވިޔަފާރި ނުކުރާނެ ކަމަށާއި އަދި ރައްޔިތުންގެ އަޑު ނާހާ އާއިލާ މީހުން ބުނާ އަޑު އަހައިގެން ކުރިއަށް ނުދާނެއެވެ.

މި އިންތިހާބުގައި ޝުއައިބު ނިކުންނާނީ އެމްޑީޕީގެ ޓިކެޓުގައެވެ. ޝުއައިބުއަކީ އެމްޑީޕީ އުފެއްދުމަށް އެންމެ ފުރަތަމަ އެ ޕާޓީ އަށް ސޮއިކުރި މީހުންގެ ތެރޭގައި އިސްކޮށް ހަރަކާތްތެރިވި ބޭފުޅެކެވެ. ނަމަވެސް ޕާޓީގެ ލީޑަރޝިޕާއި ޖެހުނު މައްސަލަތަކެއްގައި އޭނާވަނީ 2021 ސެޕްޓެމްބަރުގައި ޕާޓީއިން ވަކިކޮށްފައެވެ

އޭގެ ފަހުން ޝުއައިބުވަނީ އެމްޑީއޭގައި ވެސް މަސައްކަތްކޮށްފައެވެ. އެ ޕާޓީއިން ޝުއައިބު ވަކިވެ ވަޑައިގެންނެވީ މިދިޔަ މަހުގައެވެ. އެއީ ރިޔާސީ އިންތިހާބުގެ ދެވަނަ ބުރުގައި، އެ ޕާޓީއިން ރައީސް ޞާލިޙްއަށް ތާއީދު ނުކުރުމަށް ނިންމުމުންނެވެ. މިކަން އެންގުމަށް އެމްޑީއޭއަށް ޝުއައިބު ފޮނުވި ސިޓީގައި ވާގޮތުން، އެމްޑީއޭއިން ދެވަނަ ބުރުގައި ރައީސް ޞާލިޙްއަށް ތާއީދު ނުކުރުމަށް ނިންމުމުގެ ސަބަބުން، ގައުމީ ފެންވަރުގައި އޭނާ ރައްޔިތުންނަށް ކޮށްދިނުމަށް ނިންމާފަ ހުރި ކަންކަން ކުރުމަށް ހުރަސް އެޅޭތީ، އެ ޕާޓީއިން ވަކިވާން ނިންމީއެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.