އެޗްޕީއޭއިން ބުނީ، ހުކުރު ދުވަހު ހުޅުމާލެއިން ފައިލޭރިއާއަށް ޕޮޒިޓިވްވެފައިވާ މީހުންނަކީ، މައިގްރޭޓް ފެއާގައި ފައިލޭރިއާއަށް ޓެސްޓްކުރި 13 މީހުންގެ ތެރެއިން އެކަކު ކަމަށެވެ. ހުޅުމާލެ އާއި މާލެ އަދި ވިލިމާލެއާ ތިލަފުށީގައި ވަރަށް ގިނަ އަދަދެއްގެ ބިދޭސީން ދިރިއުޅޭއިން، ޓެސްޓް ކުރެވުނު 13 މީހުންގެ ތެރެއިން އެކަކު ޕޮސިޓިވްވުމަކީ ނިސްބަތުން ވަރަށް ބޮޑު އަދަދެކެވެ.

ފައިލޭރިއާއަށް އިތުރު 6 މީހުން ޕޮޒިޓިވްވެއްޖެއެވެ. މިއާއިއެކު ބަލި ޖެހުނު މީހުންގެ ޢަދަދު 25 އަށް ވަނީ އަރާފައެވެ.

ހދ. ކުޅުދުއްފުށިން ފައިލޭރިޔާއަށް އިތުރު 2 މީހަކު ޕޮޒިޓިވްވެއްޖެއެވެ. ދުނިޔޭގެ އެއިޑްސް ދުވަސް ފާހަގަކުރަން މި މަހު ކުޅުދުއްފުށީގައި އުޅޭ ބިދޭސީންނަށް އަމާޒުކޮށް ބޭއްވި ހެލްތު ކޭމްޕެއްގެ ތެރެއިން ހެދި ސްކްރީނިން ޓެސްޓަކުން 17 މީހަކަށް ވަނީ، ފައިލޭރިޔާ ޖެހިފައެވެ. ފައިލޭރިއާއަކީ ރާއްޖެއިން ނައްތާލާފައިވާ ކަމަށް ކަނޑައަޅާފައިވާ ބައްޔެކެވެ.

ހެލްތު މިނިސްޓްރީން ވިދާޅުވީ، ފައިލޭރިއާ ޖެހިފައިވާ މީހުން ފެނިފައި ވަނީ، މިއަހަރުގެ ޑިސެމްބަރު މަހުގެ 1 ވަނަ ދުވަހާއި 2 ވަނަ ދުވަހު، ކުޅުދުއްފުށީގައި ހިންގި ސްކްރީނިންގ ޕްރޮގްރާމްގެ ތެރެއިންނެވެ. މީގެ އިތުރުން އެމިނިސްޓްރީން ވިދާޅުވީ ޓެސްޓްތަކުން ބައްޔަށް ޕޮސިޓިވްވި މީހުންގެ އިތުރު ޓެސްޓްތައް ހެދުމާއި، ފަރުވާ ދިނުމުގެ ކަންކަން އިންތިޒާމް ކުރެވެމުންދާ ކަމަށެވެ.

ބޯންމެރޯ ޓްރާސްޕްލާންޓް ހެދުމުގެ އިތުރުން ތެލެސީމިއާ ކުދިންނަށް ބޭނުންވާ ފަރުވާ އާއި ބޭސް ވީހާވެސް ލުއި ފަސޭހަ ގޮތެއްގައި ފޯރުކޮށްދިނުމަކީ މިސަރުކާރުގެ އަމާޒެއް ކަމަށާއި، އެގޮތުން ތެލެސީމިއާ ކުދިންނަށް ފަރުވާދިނުމަށް ޚާއްސަކޮށް ހޮސްޕިޓަލެއް ޤާއިމުކުރުމަށްޓަކައި، އެ ހޮސްޕިޓަލްގެ ޑިޒައިންއާއި އެހެނިހެން އެޑްމިނިސްޓްރޭޓިވްގެ މަސައްކަތްތަކާއި ގުޅޭގޮތުން މަޝްވަރާތައް ވަނީ ފަށާފައި ކަމުގައިވެސް ހެލްތު މިނިސްޓްރީން ވަނީ ބުނެފައެވެ.

ޤައުމީ އެމްބިއުލާންސްގެ ޚިދުމަތް ރަސްމީކޮށް ފަށައިފިއެވެ. ސިއްޙީ ނިޒާމު އިތުރަށް ހަރުދަނާކުރުމަށް ކުރަމުންދާ މަސައްކަތުގެ ދަށުން ޤައުމީ އެމްބިއުލާންސް ޚިދުމަތް ފެށުމަށް ޖުމްހޫރީ މައިދާނުގައި ބޭއްވި ރަސްމިއްޔާތެއްގައި މިޚިދުމަތް ފައްޓަވާދެއްވީ މިނިސްޓަރ އޮފް ހެލްތު އަޙްމަދު ނަސީމެވެ.

ލެޕްރަސީ ނުވަތަ ޖުޒާމް ބަލި ނެތް ޤައުމެއްގެ ގޮތުގައި ރާއްޖެ ކަނޑައެޅުމަށް ބޭނުންވާ ޝަރުތު ފުރިހަމަކޮށްފިއެވެ. އެކަން ފުރިހަމަވުމަށް ބޭނުންވާ އެންމެ މުހިންމު އެއް ޝަރުޠަކީ 100 ރަށުގައި ޖުޒާމް ބަލި ނެތްކަން ކަށަވަރުކުރުމެވެ.

ރާއްޖޭގެ އިތުރު 11 ރަށަކަށް ހެލްތް މިނިސްޓްރީން އެމްބިއުލާންސް ފޯރުކޮށްދީފިއެވެ. ސިއްހީ ނިޒާމު ފުޅާކޮށް ރާއްޖޭގެ އެކި ރަށްރަށައް އެމްބިއުލާންސް ފޯރުކޮށްދިނުމަށް ކުރަމުންދާ މަސައްކަތުގެ ދަށުން މިހާރު ގިނަ ރަށްރަށަކަށް ވަނީ އެމްބިއުލާންސް ފޯރުކޮށްދީފައެވެ.

ހެލްތް މިނިސްޓްރީން ސްޓޭޓް ޓްރޭޑިންގ އޮގަނައިޒޭޝަން، އެސްޓީއޯއާއި ގުޅިގެން ރާއްޖޭގައި މުޅިން އަލަށް ސިއްހީ ހިދުމަތް ދިނުމަށް ޑްރޯން ޓެކްނޮލޮޖީ ތައާރަފްކޮށްފިއެވެ. މި ޙިދުމަތް ތައާރަފްކޮށްފައިވަނީ "މޯލްޑިވްސް ހެލްތް ލައިން" ގެ ދަށުންނެވެ. "މޯލްޑިވްސް ހެލްތް ލައިން" އިފްތިތާހުކޮށްފައިވަނީ އިއްޔެ ހަވީޜު ބޭއްވި ރަސްމިއްޔާތެއްގައި ހެލްތް މިނިސްޓަަރ އަޙްމަދު ނަސީމްއެވެ.

ސިއްހީ ދާއިރާއަށް ބޭނުންވާ އިތުރު 20 އެމްބިއުލާންސް ފޯރުކޮށްދިނުމަށް މިނިސްޓްރީ އޮފް ހެލްތް އާއިއެކު އެސްޓީއޯއިން އެއްބަސްވުމެއްގައި ސޮއިކޮށްފިއެވެ.