Advertisement
މިނިސްޓްރީ އޮފް ހެލްތު --
ބޯންމެރޯ ހެދުމަށް އިތުރު ދެކުއްޖަކު މިއަދު ރާއްޖެއިން ބޭރަށް ފުރައިފި
ސަރުކާރުގެ އެހީގައި ތެލެސީމިއާ ބޯންމެރޯ ޓްރާންސްޕްލާންޓް ހެދުމަށް ދެ ކުއްޖަކު މިއަދު ރާއްޖެއިން ބޭރަށް ފުރައިފިއެވެ.
މިނިސްޓްރީ އޮފް ހެލްތުން ވިދާޅުވީ، އަދި އިތުރު ކުދިން އަންނަ ހަފްތާގައި ފަރުވާއަށް ރާއްޖެއިން ބޭރަށް ފޮނުވުމަށްޓަކައި މިހާރު ދަނީ ތައްޔާރުވަމުންކަމަށެވެ. ބޯންމެރޯ ޓްރާންސްޕްލާންޓް ހެދުމަށް ހުސްވި ޑިސެމްބަރު މަހުގެ 14 ވަނަ ދުވަހުވެސް ސަރުކާރުން ވަނީ އެއްކުއްޖަކު ރާއްޖެއިން ބޭރަށް ފޮނުވާފައެވެ.
އެމިނިސްޓްރީން ވިދާޅުވީ، ތެލެސީމިއާ ބޯންމެރޯ ޓްރާންސްޕްލާންޓް ހެދުމަށްޓަކައި އެޗް.އެލް.އޭ ޓެސްޓް ހަދާފައި ތިބި އިތުރު ކުދިންގެ ފައިނަލް އެސްސްމަންޓް ހެދުމަށް ރާއްޖެއިން ބޭރުގެ ފަންނީ ޓީމެއް ރާއްޖެ ވަޑައިގެން މިހާރު ވަނީ އެސްސްމަންޓް ހެދުމަށްފަހު ހޮވިފައިވާ ކުދިން މި ފަރުވާއަށް ފޮނުވުމަށް ހަމަޖައްސާފައި ކަމަށެވެ. މީގެ އިތުރުން، ވީހާވެސް ގިނަ ކުދިނަނަށް ބޯންމެރޯ ޓްރާންސްޕްލާންޓް ހެދުމުގެ ފުރުސަތު ހޯދައި ދިނުމުގެ ގޮތުން ސަރުކާރުން ދަނީ މިކަމަށް ބޭނުންވާ އިތުރު ފައިސާ ހޯދުމަށް ވެސް ސަރުކާރުން އަންނަނީ މަސައްކަތް ކުރަމުން ކަމުގައި ހެލްތު މިނިސްޓްރީން ވަނީ ވިދާޅުވެފައެވެ.
