Noon - ރައީސުލްޖުމްހޫރިއްޔާގެ އޮފީސް

ރައީސުލްޖުމްހޫރިއްޔާގެ އޮފީސް

23 Aug 2024

މިހާތަނަށް ހިންގަމުން އައި ފުޑް އެންޑް ޑްރަގް އޮތޯރިޓީ އުވާލައްވައިފި

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، މޯލްޑިވްސް ފުޑް އެންޑް ޑްރަގް އޮތޯރިޓީ އުވާލެއްވުމަށްފަހު، ހަމަ އެނަމުގައި އައު އިދާރާއެއް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ މިއަދު އުފައްދަވާފައެވެ. މިއަދު އުފެއްދެވި އައު އިދާރާއަކީ، ކާބޯތަކެތީގެ ރައްކާތެރިކަމުގެ ޤާނޫނު (ޤާނޫނު ނަންބަރު 6/2024)ގެ 8ވަނަ މާއްދާގެ (ހ)ގެ ދަށުން، އުފެއްދެވި އިދާރާއެއް ކަމުގައި ރައީސުލްޖުމްހޫރިއްޔާގެ އޮފީހުން ވިދާޅުވެފައިވެއެވެ. މިއިދާރާވެސް ހިނގަމުންދާނީ، އުވާލެއްވި، މޯލްޑިވްސް ފުޑް އެންޑް ޑްރަގް އޮތޯރިޓީއެކޭ އެއްގޮތަށް، ހަމަ މިނިސްޓްރީ އޮފް ހެލްތުގެ ދަށުންނެވެ.

އިޒްރޭލު ޕާސްޕޯޓު ރާއްޖެއިން މަނާކުރަން ނިންމި ފަހުންވެސް 200 އެއްހައި އިޒްރޭލު މީހުން ރާއްޖެ އަތުވެއްޖެ

ސަރުކާރުން ނިންމާ ކޮންމެ ޕޮލިސީ ނިންމުމަކީ ހެކީގެ މައްޗަށް ބިނާވެފައިވާ ނިންމުންތަކެއް: ރައީސް

މިންތީގެ ހަމަހަމަކަން ޤާއިމުކުރުމަށް ހަޤީޤީ ބަދަލެއް ގެނެވޭނީ ހަރުދަނާ ސިޔާސަތެއް އޮވެގެން: ފަސްޓް ލޭޑީ

ބައި އިލެކްޝަންތައް އަހަރަކު ދެފަހަރު ބޭއްވުމަށް ޤާނޫނަށް ގެނައި އިސްލާޙްތައް ރައީސް ތަސްދީޤު ކުރައްވައިފި

ރައީސުލްޖުމްހޫރިއްޔާގެ އޮފީސް

އޯކޭ ޒާހިރުގެ އާއިލާއަށް ރައީސާއި ނައިބު ރައީސް ތަޢުޒިޔާ ފޮނުއްވައިފި

ސްރީ ލަންކާގައި ދިރިއުޅުއްވަމުންގެންދެވި ޒާހިރު ނިޔާވީ، ރޭ ފަތިހު 4:30 ހާއިރު ކޮލަމްބޯގައި ހުންނަ އާސިރީ ހޮސްޕިޓަލްގައެވެ. އަވަހާރަވިއިރު އުމުރުފުޅަކީ، 76 އަހަރެވެ.

ރައީސުލްޖުމްހޫރިއްޔާގެ އޮފީހުގެ މިނިސްޓަރ އާދަމް ރަމީޒް މަޤާމުން ވަކިކޮށްފި

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، މިނިސްޓަރ އެޓް ދަ ޕްރެޒިޑެންޓްސް އޮފީސް ގެ މަޤާމަށް، އާދަމް ރަމީޒް އައްޔަނުކުރައްވާފައި ވަނީ، ޑރ. މުޙައްމަދު މުޢިއްޒު ވެރިކަމުގެ ހުވާކުރެއްވި ދުވަހުގައި 17 ނޮވެމްބަރު 2023 ގައެވެ. ރައީސް އޮފީހުން ބަލަމުން ގެންދާ މައްސަލައަކާއި ގުޅިގެން މިނިސްޓަރ ރަމީޒު މަޤާމުން ސަސްޕެންޑްކޮށްފައި ވަނީ، މިއަހަރުގެ ޖޫން މަހުގެ 27 ވަނަ ދުވަހުގައެވެ. އޭގެ ކުރިންވެސް ރައީސް ޑރ. މުއިއްޒާއި އާދަމް ރަމީޒުގެ މެދުގައި މައްސަލަޖެހި ވަނީ ގުޅުން ގޯސްވެފައެވެ.

އިންޑިއާ އާއި އެކު އިތުރަށް ގުޅުން ބަދަހިކުރެއްވުމަށް މަސައްކަތްކުރައްވާނެކަމުގައި ރައީސުލްޖުމްހޫރިއްޔާ ވިދާޅުވެއްޖެ

އިންޑިއާގެ ރައީސާ އަށާއި ބޮޑު ވަޒީރަށް ރައީސުލްޖުމްހޫރިއްޔާ، ވަކިވަކިން ފޮނުއްވެވި ތަހުނިޔާގެ މެސެޖުގައި އިންޑިއާއަކީ އަބަދުވެސް ރާއްޖޭގެ ތަރައްޤީގެ މުހިންމު ބައިވެރިއެއްކަން ރައީސް ޑރ. މުއިއްޒު ވަނީ ފާހަގަކުރައްވާފައެވެ.

އިންޑިއާ އާއެކު މަޝްރޫއުތައް ކުރިޔަށް ގެންދަން ބޭނުންފުޅުވާކަމުގައި ރައީސުލްޖުމްހޫރިއްޔާ ވިދާޅުވެއްޖެ

އެކްސްޓަރނަލް އެފެއާޒް މިނިސްޓަރ ޑރ އެސް ޖައިޝަންކަރު ރާއްޖެއަށް ކުރައްވަމުން ގެންދަވާ ރަސްމީ ދަތުރުފުޅުގައި އިއްޔެ ވަނީ، ރައީސުލްޖުމްހޫރިއްޔާގެ އޮފީހުގައި، ރައީސުލްޖުމްހޫރިއްޔާ ޑރ. މުހައްމަދު މުޢިއްޒާއި ބައްދަލުކުރައްވާފައެވެ.

އިންޑިއާކީ ބޭނުންޖެހޭ ދަނޑިވަޅުތަކުގައި ރާއްޖެއަށް އެންމެ ބޮޑު އެހީއެއް ވެދޭ ޤައުމުކަމުގައި ރައީސް ވިދާޅުވެއްޖެ

އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓް ފެސިލިޓީގެ ދަށުން ހިންގި އަށާވީސް ރަށެއްގެ ފެނާއި ނަރުދަމާ ނިޒާމުގެ މަސައްކަތް ނިންމައި ޙަވާލުކުރުމުގެ ގޮތުން ބޭއްވި ރަސްމިއްޔާތުގައި، ރައީސުލްޖުމްހޫރިއްޔާ ވިދާޅުވީ، އެ މަޝްރޫޢުތަކަކީ އިންޑިއާއާ ރާއްޖެއާ ދެމެދު އޮންނަ ގުޅުމަށް މުހިންމު ކުރިއެރުންތަކެއް ލިބިގެންދާނެ މަޝްރޫޢުތަކެއް ކަމަށެވެ. އަދި ރައީސުލްޖުމްހޫރިއްޔާގެ ވާހަކަފުޅުގައި އިންޑިއާއިން ރާއްޖެއަށް މެދުކެނޑުމެއްނެތި ލިބެމުންދާ އެހީތެރިކަމަށްޓަކައި އިންޑިއާގެ ބޮޑުވަޒީރު ނަރަންދުރަ މޯދީއާ އިންޑިއާ ސަރުކާރާއި އެޤައުމުގެ ރައްޔިތުންނަށް ޝުކުރު އަދާކުރެއްވިއެވެ.

އިންޑިއާގެ އެގްޒިމްބޭންކްގެ އެހީގައި 28 ރަށެއްގައި ހިންގި ފެނާއި ނަރުދަމާގެ މަޝްރޫޢުތައް ނިމި ދިވެހި ސަރުކާރާއި ހަވާލުކޮށްފި

އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓް ފެސިލިޓީގެ ދަށުން ރާއްޖޭގެ 28 ރަށެއްގައި ފެނާއި ނަރުދަމާގެ ނިޒާމްގެ މަސައްކަތް ނިންމައި އެމަޝްރޫޢުތައް ދިވެހި ސަރުކާރާއި ހަވާލުކުރުމުގެ ރަމްޒީލިޔުން ރާއްޖޭގެ ފޮރިން މިނިސްޓަރ މޫސާ ޒަމީރާއި ހަވާލުކޮށްދެއްވީ، އިންޑިއާގެ ޚާރިޖީ ވަޒީރު، ޑރ. އެސް ޖައިޝަންކަރެވެ.

ރައީސުލްޖުމްހޫރިއްޔާގެ އޮފީހުގައި އެކަނިވެސް 345 ސިޔާސީ މުވައްޒަފުން

ރައީސުލްޖުމްހޫރިއްޔާގެ އޮފީހުން ހާމަކޮށްފައިވާ މައުލޫމާތަށް ބަލާއިރު، އެއޮފީހުގެ ސިޔާސީ މަޤާމުތަކުގެ 345 މުވައްޒަފުން ތިބި އިރު އެމުވައްޒަފުންގެ މުސާރަ އާއި ޢިނާޔަތްތަކަށް އެކަނިވެސް މަހެއްގެ މައްޗަށް 8.2 މިލިޔަން ރުފިޔާ ހޭދަވެއެވެ.

އިންޑިއާގެ އެކްސްޓަރނަލް އެފެއާޒް މިނިސްޓަރު ރާއްޖެ ވަޑައިގެންފި

ފޮރިން މިނިސްޓްރީން ހާމަކުރައްވާފައިވާ ގޮތުގައި، އިންޑިއާގެ އެކްސްޓާނަލް އެފެއާޒް މިނިސްޓަރ ޑރ. އެސް ޖައިޝަންކަރު މިދަތުރުފުޅުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒާއި ބައްދަލުކުރައްވާނެއެވެ. މިބައްދަލު ކުރެއްވުމުގައި ދިވެހިރާއްޖެއާއި އިންޑިއާއިން ގުޅުން ބަދަހިކުރެވޭނެ ދާއިރާތަކުން ގުޅުން ބަދަހިކުރުމާއި ގުޅޭ ގޮތުން ދެބޭފުޅުން މަޝްވަރާކުރައްވާނެއެވެ.

ހޯމްލޭންޑު މިނިސްޓްރީގެ ދަށަށް ލޭބަރ ރިލޭޝަންސް އޮތޯރިޓީ ބަދަލުކޮށްފި

ލޭބަރ ރިލޭޝަންސް އޮތޯރިޓީއަކީ، 2024 އޮގަސްޓު 6ވަނަ ދުވަހުން ފެށިގެން، މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީގެ ދަށުން ހިނގަމުންދާ ތަނެއްގެ ގޮތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ހަމަޖައްސަވައިފިއެވެ.

ސާކްގެ ކުރިއެރުމަށް ދިވެހިރާއްޖެއިން ފުރިހަމަ އެއްބާރުލުން ދޭނެ ކަމުގެ ޔަޤީންކަން ރައީސް ދެއްވައިފި

މިބައްދަލުކުރެއްވުމުގައި ސާކްގެ ސެކްރެޓަރީ ޖެނެރަލް ވަނީ ސާކްގެ ފަރާތުން މެންބަރު ޤައުމުތަކުގެ ކުރިއެރުމަށާއި ފައިދާއަށް ހިންގަވާ އެކިއެކި ޕްރޮގްރާމުތަކުގެ މަޢުލޫމާތު ރައީސުލްޖުމްހޫރިއްޔާއާ ހިއްސާކުރައްވާފައެވެ. އަދި ސާކްގެ ސެކްރެޓަރީ ޖެނެރަލްގެ ވާހަކަފުޅުގައި، 1985 ވަނަ އަހަރު ސާކް އުފެދުނީއްސުރެ، ދިވެހިރާއްޖެއަކީ އެ ޖަމުޢިއްޔާގެ ކުރިއެރުމާއި ތަރައްޤީއަށް ނުހަނު ޚިދުމަތްތެރި މަސައްކަތްތަކެއް ކޮށްދެމުން އަންނަ ޤައުމެއްކަން ވަނީ ފާހަގަކުރައްވާފައެވެ.

އެލްޖީއޭގެ ސީއީއޯއަކަށް ނިމާލް އައްޔަންކޮށްފި

އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ ދަށުން އުފައްދާފައިވާ ލޯކަލް ގަވަރމަންޓް އޮތޯރިޓީ (އެލްޖީއޭ)ގެ ޗީފް އެގްޒެކެޓިވް އޮފިސަރުގެ މަގާމަށް، މ. ކޮކާ ހަނދުވަރުގެ، މުޙައްމަދު ނިމާލް ޢައްޔަނުކުރައްވައިފިއެވެ. ނިމާލްއަށް މަގާމުގެ ފައިކޮޅު އަރުއްވާފައިވަނީ މިއަދު ރައީސުލްޖުމްހޫރިއްޔާގެ އޮފީހުގައި އޮތް ރަސްމިއްޔާތެއްގައެވެ.

ޒުލްފާ ސްޓޭޓް މިނިސްޓަރަކަށް ބަދަލުކުރައްވައިފި

އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ ދަށުން އުފައްދާފައިވާ ލޯކަލް ގަވަމަންޓް އޮތޯރިޓީ (އެލްޖީއޭ) ގެ ޗީފް އެގްޒެކެޓިވް އޮފިސަރ (ސީއީއޯ) ގެ މަގާމުގައި ހުންނެވި ޑރ. މަރިޔަމް ޒުލްފާ، އެ މަގާމުން ވަކި ކުރެއްވުމަށްފަހު ފޮރިން މިނިސްޓްރީގެ ސްޓޭޓް މިނިސްޓަރަކަށް އައްޔަން ކުރައްވައިފިއެވެ.

މަތީ ދަރަޖަ ހޯދާ ފަރާތްތަކަށް ދޭ އިނާމަށް ނަން ހުށަހެޅުމުގެ ފުރުސަތު ހުޅުވާލައިފި

މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ޚާއްޞަ އިނާމަށް ނަން ހުށަހެޅުމަށް ހަމަޖެހިފައިވަނީ، ހަމައެކަނި ރައީސުލްޖުމްހޫރިއްޔާގެ އޮފީހުގެ "ފޯމު ހުށަހެޅުން" http://apply.presidency.gov.mv މި ޕޯޓަލް މެދުވެރިކޮށްގެންނެވެ. ފޯމު ހުށަހެޅުމަށް ހަމަޖެހިފައިވަނީ، މިއަދުން ފެށިގެން އަންނަ ސެޕްޓެންބަރު މަހުގެ 16 ވާ ހޯމަ ދުވަހުގެ މެންދުރުފަހު 2:00 އާ ހަމައަށެވެ.

ރައީސުލްޖުމްހޫރިއްޔާގެ ނައިބު ޕެރިހުން އަނބުރާ ވަނޑައިގެންފި

ޕެރިސް 2024 އޮލިމްޕިކްސް ފެށުމުގެ ރަސްމިއަޔާތުގައި ބައިވެރިވެވަޑައިގެންނެވުމަށް ފްރާންސަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާގެ ނައިބު، އަލްއުސްތާޛު ޙުސައިން މުޙައްމަދު ލަޠީފް، އަނބުރާ މާލެ ވަޑައިގަންނަވައިފިއެވެ. އެ މަނިކުފާނު މާލެ ވަޑައިގެންނެވީ އާދީއްތަ ދުވަހުއެވެ.

ރަސްމާލެ މަޝްރޫޢުގެ ބިންހިއްކުމުގެ މަސައްކަތް އަލުން ކުރިޔަށް ގެންދަނީ އެއްވެސް ބަޔަކަށް ހިލޭ ބިން ނުދީ ކަމުގައި ރައީސް ވިދާޅުވެއްޖެ

ރަސްމާލެ މަޝްރޫއު، ކ. ފުށި ދިއްގަރުފަޅުގައި ހިންގުމަށް ނިންމައި އެފަޅު ހިއްކުމުގެ މަސައްކަތް، ޑިސެމްބަރު 18، 2023 ގައި ސަރުކާރުން ފެށީ، ކެޕިޓަލް މެރިން އެންޑް ސިވިލް ކޮންސްޓްރަކްޝަން (ސީއެމްސީސީ) އާއި ހަވާލުކޮށްގެންނެވެ. އެކުންފުންޏަށް ބަދަލުގެ ގޮތުގައި ހުޅުމާލެއިން 10 ހެކްޓަރާއި، ފުށި ދިއްގަރުފަޅުން ހިއްކާ ބިމުން 60 ހެކްޓަރުގެ ބިން ދިނުމަށް އޭރު ސަރުކާރުން ނިންމިއެވެ.

އިންޑިއާގެ ޑޯނިއާ ފްލައިޓްގައި އަލުން ބަލިމީހުން އުފުލަން ފަށައިފި

މިކަން ހާމަކުރެއްވީ، މިނިވަން ދުވަހުގެ ރަސްމީ ޖަލްސާގައި ވާހަކަފުޅު ދައްކަވަމުން ރައީސުލްޖުމްހޫރިއްޔާ ޑރ. މުހައްމަދު މުޢިއްޒުއެވެ. ރައީސް ވިދާޅުވީ، އިންޑިއާއިން ދިވެހިރާއްޖެއަށް ހަދިޔާކޮށްފައި އޮތް ޑޯނިއާ ފްލައިޓްގައި މިރޭ ބަލި މީހަކު ހަނިމާދޫން މާލެ ގެނެސްފައިވާ ކަމަށެވެ. މިއީ ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ވެރިކަމުގެ މި 8 މަސްދުވަހުގެ ތެރޭގައި ބަލި މީހުން އުފުލުމަށް އިންޑިއާގެ ޑޯނިއާ މަތިންދާ ބޯޓު ބޭނުން ކުރި ފުރަތަމަ ފަހަރެވެ.