qaumee tharaqqee ge master plane ekulavaalanee

Advertisement

ހީނާ ވަލީދު ރައީސުލްޖުމްހޫރިއްޔާގެ އޮފީހުގެ އިސްތަރުޖަމާނު ---

18 Sep 2024

ޚަބަރު

ޢަލީ ސުލައިމާން

ޤައުމީ ތަރައްޤީގެ މާސްޓަރ ޕްލޭނެ އެކުލަވާލަނީ

ކުރިއަށް އޮތް 20 އަހަރަށް, ދިވެހިރާއްޖޭގެ ޤައުމީ ތަރައްޤީގެ މާސްޓަރ ޕްލޭން ހެދުމުގެ މަސައްކަތް ފެށުމަށް ވަޒީރުންގެ މަޖިލީހުގެ ލަފާފުޅާއެކު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވައިިފިއެވެ.

މި ޕްލޭން ހެދުމުގެ މަސައްކަތް ކުރަމުންދާއިރު އެކަންކުރައްވާނީ ރައްޔިތުންގެ ފުރިހަމަ ބައިވެރިވުން ހިމެނޭގޮތަށް ހުރިހާ ސިޔާސީ ޕާޓީތަކާއި ޖަމުޢިއްޔާ ޖަމާޢަތްތަކާ ކަމާގުޅޭ އެކިއެކި ތަޖުރިބާކާރުންނާއި އަދި ކަމާގުޅޭ ހުރިހާ ފަރާތްތަކުގެ މަޝްވަރާއާއެކު ރައްޔިތުން އެދޭގޮތަށް ކަމުގައި އިއްޔެ ބޭއްވި ނޫސްވެރިންގެ ބައްދަލުވުމުގައި ރައީސުލްޖުމްހޫރިއްޔާގެ އިސްތަރުޖަމާނު ހީނާ ވަލީދު ވިދާޅުވިއެވެ.

ހީނާ ވިދާޅުވީ، އަދި މި ޕްލޭނަކީ ރައީސުލްޖުމްހޫރިއްޔާ ވަޢުދުވެވަޑައިގެންނެވި ގޮތަށް ޤާނޫނީ ބާރުވެރިކަން ލިބޭ ޕްލޭނަކަށް ހެދުމަށް މަސައްކަތް ކުރައްވާނެ ކަމުގައިވެސް އެމަނިކުފާނު ފާހަގަކުރައްވާފައިވާ ކަމަށެވެ.

ޤައުމީ ތަރައްޤީގެ ޕްލޭން ހެދުމަކީ ރައީސުލްޖުމްހޫރިއްޔާ ރިޔާސީ ކެމްޕޭން ތެރޭގައި އަދި އެމަނިކުފާނުގެ މެނިފެސްޓޯގައި ހިމަނާފައިވާ ވަރަށް މުހިންމު ތަރައްޤީގެ ވަޢުދެކެވެ.

ޚަބަރު ރައީސުލްޖުމްހޫރިއްޔާގެ އޮފީސް

ކޮމެންޓް

އިތުރު އާޓިކަލް

ރުކުމަޑި ކޮންޓްރޯލް ކުރުމުގެ ދިރާސާ މަސައްކަތްތައް ފަށައިފި

އެ ވުޒާރާއިން ވިދާޅުވީ، ދިވެހިރާއްޖޭގެ ރުއްތަކަށް ގެއްލުންދޭ މިމަޑި ކޮންޓްރޯލްކުރުމަށް ތިމާވެއްޓާއި ރައްޓެހި، އަދި ދެމެހެއްޓެނިވި ޙައްލެއް ހޯދުމަށް ދިވެހިރާއްޖެއަށް އެހީތެރިކަން ފޯރުކޮށްދިނުމަށް ޗައިނާ ސަރުކާރުން އެއްބަސްވެފައިވާ ކަމަށާއި އެކަމުގެ ފަންނީ އެހީ ފޯރުކޮށް ދިނުމަށް ބޭނުންވާ ދިރާސާތަކުގެ މަސައްކަތް މިހާރު ފަށާފައިވާ ކަމަށެވެ.

ފްރާންސްމީހާގެ އާއިލާ ރާއްޖެއިން ފޮނުވާލާތީ ފާޑުކިޔަނީ

އޭނާގެ މައްސަލަ މީޑިއާގައި ފެންމަތިވުމުން، ބައެއް އާއްމުން ވަނީ، އެމީހާ އާއި އާއިލާ ރާއްޖޭގައި ވަޒަންވެރިވެ ދިރިއުޅުމަށް ފުރުޞަތު ދިނުމަށް ގޮވާލާފައެވެ. އެމީހާ އަނބުރާ ފްރާންސަށްދާން ބޭނުން ނުވަނީ، އޭނާ ހައްޔަރުކޮށް ޖަލަށްލައިފާނެތީތަކުގައި ބުނެފައިވެއެވެ.

ފެށޭ އަހަރު މަހިބަދޫގައި 100 ހައުސިންގ ޔުނިޓް އެޅުމުގެ މަސައްކަތް ފެށޭނެ - ރައީސް

އެމަނިކުފާނު މިހެން ވިދާޅުވީ، އަރިއަތޮޅު ދެކުނުބުރީގެ ބައެއް ރަށްރަށަށް ކުރައްވަމުން ގެންދަވާ ދަތުރުފުޅުގައި، މަހިބަދޫ ރައްޔިތުންނާ އިއްޔެ ބައްދަލުކުރައްވައި ދެއްކެވި ވާހަކަފުޅުގައެވެ. ރައީސުލްޖުމްހޫރިއްޔާ ވިދާޅުވި ގޮތުގައި، އަންނަ އަހަރު މަހިބަދޫގައި އަޅާ 100 ހައުސިންގ ޔުނިޓް އިމާރާތްކުރާ ނީ މިހާރު ހަދާފައިވާ ލޭންޑްޔޫސް ޕްލޭނާއި އެއްގޮތަށް މިހާރު އެރަށުގައި އޮތް ބިމުގައެވެ. އަދި އެރަށުގެ އިޙްތިސާސްގެ ތެރޭގައި ހިމަނުއްވާފައިވާ މާފަރުފަޅު ހިއްކައި ތަރައްޤީކޮށްދެއްވާނެކަމުގައިވެސް ވިދާޅުވިއެވެ.

ސީ.އައި.ޑީ.ސީ.އޭ ފޯރަމްގައި ނައިބު ރައީސް ތަޤުރީރު ކުރައްވާނެ

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، ޗައިނާ އިންޓަނޭޝަނަލް ޑިވެލޮޕްމަންޓް ކޯޕަރޭޝަން އެޖެންސީ (ސީ.އައި.ޑީ.ސީ.އޭ)އިން އިންތިޒާމްކޮށްގެން ބާއްވާ މި ފޯރަމްގެ މަގުސަދަކީ މޫސުމަށް އަންނަ ބަދަލުތަކާއި، ދެމެހެއްޓެނިވި ތަރައްޤީ ހިމެނޭ ގޮތަށް ނޫ އިޤްތިޞާދުގެ އެކި ކަންކަމަށް ސަމާލުކަންދީގެން، ޗައިނާއާއި އިންޑިއާ ކަނޑުގެ ސަރަޙައްދުގެ ޤައުމުތަކުގެ މެދުގައި އެއްބާރުލުން އިތުރުކުރުމެވެ.