Advertisement
ވަޒީރުންގެ މަޖިލީހަށް ގެންނެވި ބަދަލާއި އެކު ވަޒީރުން ހުވާކުރެއްވުން ---
ހެލްތު މިނިސްޓަރުގެ މަޤާމު ކުރީގެ ހެލްތު މިނިސްޓަރ ނާޒިމަށް!
ވަޒީރުންގެ މަޖިލީހަށް މިއަދު ރައީސުލްޖުމްހޫރިއްޔާ ގެންނެވި ބަދަލުތަކުގެ ތެރެއިން، ހެލްތު މިނިސްޓަރުގެ މަޤާމަށް ރައީސް ޔާމީނުގެ ދައުރުގައި ހެލްތު މިނިސްޓަރކަން ކުރެއްވި ޢަބުދުﷲ ނާޒިމް ހަމަޖައްސަވައިފިއެވެ.
ވަޒީރުންގެ މަޖިލީހަށް ރައީސުލްޖުމްހޫރިއްޔާ ގެންނެވި ބަދަލުތަކާއި އެކު ވަޒީރުން ހުވާކުރެއްވުމުގެ ރަސްމިއްޔާތު ވަނީ، މީގެ ކުޑައިރުކޮޅެއް ކުރިން ރައީސުލްޖުމްހޫރިއްޔާގެ އޮފީހުގައި ބާއްވާފައެވެ.
ހެލްތު މިނިސްޓަރުގެ މަޤާމަށް ޢަބްދުﷲ ނާޒިމް ޢައްޔަނުކުރެއްވި އިރު، އެމަޤާމުގައި ކުރިން ހުންނެވި، ޑރ. ޢަބްދުﷲ ޚަލީލު މިއަދު ޢައްޔަނުކުރެއްވީ، ފޮރިން މިނިސްޓަރުގެ މަޤާމަށެވެ. އަދި އެމަޤާމުގައި ކުރިން ހުންނެވި، މޫސާ ޒަމީރު ޢައްޔަނު ކުރެއްވީ، ފިނޭންސް މިނިސްޓަރުގެ މަޤާމަށެވެ.
