އިންޑިއާގެ ބޮޑުވަޒީރަށާއި އެޤައުމުގެ ސަރުކާރަސް ފުރައްސާރަވާގޮތަށް ޓްވީޓުތައްކޮށް އެކަމާއި ގުޅިގެން މަޤާމުން ސަސްޕެންޑް ކުރި، ދެ ޑެޕިއުޓީ މިނިސްޓަރުން ކަމުގައިވާ، މަލްޝާ ޝަރީފާއި، މަރިޔަމް ޝިއުނާ މަޤާމުން އިސްތިއުފާ ދެއްވައިފިއެވެ.

އެދެމީހުން މަޤާމުން އިސްތިއުފާ ދެއްވިކަން ހާމަކުރައްވާފައި ވީނަމަވެސް 9 މަސް ދުވަސް ފަހުން އިސްތިއުފާ ދެއްވި ސަބަބެއް ހާމަކުރައްވާފައެއް ނުވެއެވެ. މަލްޝާ އާއި ޝިއުނާ މަޤާމުން ސަސްޕެންޑްކޮށްފައި ވަނީ މިއަހަރުގެ ޖެނުއަރީ މަހުގެ 7 ވަނަ ދުވަހުގައެވެ.

މަލްޝާ އާއި ޝިއުނާ މަޤާމުން ސަސްޕެންޑްކޮށްފައި ބޭތިއްބުމާއި ގުޅިގެން އާއްމު ބައެއް ފަރާތްތަކުން އެކަމަށް ފާޑުކިޔުންތައް އަމާޒުކޮށްފައިވެއެވެ.