އެމްޕީއެލް ދެވަނަ ޑިވިޝަނުގައި ވިކްޓަރީ ސްޕޯޓްސް ކްލަބާއި ކުޑަހެންވޭރު ޔުނައިޓެޑު އިއްޔެ ކުޅުނު ކުއާޓާ ފައިނަލް މެޗުގައި ހިނގާދިޔަ ހަމަނުޖެހުންތަކާއި ގުޅިގެން، މެޗުގެ ބާކީ އޮތް 7 މިނެޓު ނުކުޅެ ވަނީ ނިންމާލާފައެވެ. އަދި މިއަދު ފުޓުބޯޅަ އެސޯސިއޭޝަން އޮފް ދަ މޯލްޑިވްސް (އެފްއޭއެމް)ގެ އެމެޖެންސީ ކޮމެޓީއިން އެ މެޗުގެ ބާކީ ވަގުތު ކުޅެން ނިންމާފައި ވަނިކޮށް، ކުޑަހެންވޭރު ޔުނައިޓެޑުން މެޗު އިތުރަށް ކުރިޔަށް ގެންދަން ބޭނުން ނުވާކަމަށް އެންގުމުން، މެޗު މެދުކަނޑާލިއިރު އޮތް ސްކޯއިން ވިކްޓްރީއިން މެޗު ކާމިޔާބުކުރިކަމަށް އެފްއޭއެމްއިން ކަނޑައަޅައިފިއެވެ.

އެމްޕީއެލް ދެވަނަ ޑިވިޝަން ފުޓުބޯޅަ މުބާރާތުގެ ކުއާޓާ ފައިނަލް ތިން ވަނަމެޗުގައި އިއްޔެ ހަވީރު ވިކްޓްރީ ސްޕޯޓްސް ކްލަބާއި ކުޑަ ހޭންވޭރު ޔުނައިޓެޑު ބައްދަލުކުރި މެޗުގައި ސަޕޯޓަރުން ދަނޑަށް އަރައި ހަމަނުޖެހުން ހިންގައިފިއެވެ. މި ހަމަނުޖެހުންތަކާ ގުޅިގެން މެޗުގެ ކުޅުން އިތުރަށް ކުރިޔަށް ގެންގޮސްފައެއް ނުވެއެވެ.

ދެވަނަ ޑިވިޝަން ފުޓުބޯޅަ މުބާރާތުގެ ގްރޫޕް-ސީގެ ފުރަތަމަ މެޗު ވިކްޓްރީ ސްޕޯޓްސް ކްލަބުން ކާމިޔާބުކޮށްފި. މިއަދު ހަވީރު ގަލޮޅު ދަނޑުގައި ކުޅުނު މި މެޗުން، ވިކްޓްރީ ތިން ޕޮއިންޓު ހޯދީ، 3-0 އިން ކްލަބް ޕީކޭއާ ބަލިކުރުމަށްފަހު.

މި އަހަރުގެ ދެވަނަ ޑިވިޝަން ފުޓުބޯޅަ މުބާރާތުގައި ވިކްޓްރީ ސްޕޯޓްސް ކުޅޭ ފުރަތަމަ މެޗު މިއަދު ގަލޮޅު ދަނޑުގައި އޮންނާނެއެވެ. ހަވީރު 3:50 ގައި ފެށުމަށް ހަމަޖެހިފައިވާ މި މެޗުގައި ވިކްޓްރީއިން ނިކުންނާނީ ކްލަބް ޕީކޭއާ ދެކޮޅަށެވެ.

މުބާރާތުގެ ފުރަތަމަ މެޗުގައި ބައްދަލުކޮށްފައިވަނީ މިދިޔަ އަހަރުގެ ތިންވަނަ ޑިވިޝަންގެ ރަނަރަޕް ޓީމުގެ ގޮތުގައި ދެވަނަ ޑިވިޝަނަށް ޕްރޮމޯޓުވި މަސްއޮޑި ސްޕޯޓްސް ކްލަބާއި މަހިބަދޫ ސްޕޯޓްސް ކްލަބެވެ. މި މެޗު ފަސޭހަކަމާއެކު 4-0 އިން ކާމިޔާބުކުރީ މަސްއޮޑިއެވެ.