Advertisement

ފޮޓޯ: ސިޑިބަރި

12 Feb 2024
ކުޅިވަރު

ވިކްޓަރީ އެނބުރި ފުރަތަމަ ޑިވިޝަނަށް

އެމްޕީއެލް ދެވަނަ ޑިވިޝަނުގެ ދެވަނަ ސެމީ ފައިނަލް މެޗުގައި ނިއުރޭޑިއަންޓް 2-0 އިން ބަލިކޮށް، ފުރަތަމަ ޑިވިޝަން ފުޓުބޯޅައަށް ވިކްޓަރީގެ އިރު އަލުން އަރައިފިއެވެ.

މުސާރަ ނުދޭ މައްސަލަ އާއި އެޑްމިނިސްޓްރޭޓިވް މައްސަލަތަކުގެ ސަބަބުން 2020 ވަނަ އަހަރު ވިކްޓަރީ އަދި ނިއުރޭޑިއަންޓު ސަސްޕެންޑު ކުރުމާ ގުޅިގެން ދެވަނަ ޑިވިޝަނަށް ރެލިގޭޓުވުމުން، މި ދެ ޓީމުން އަލުން އަނބުރާ ފުރަތަމަ ޑިވިޝަނަށް އެރުމަށް މަސައްކަތް ފެށީ މިދިޔަ ސީޒަނުގައެވެ. ނަމަވެސް ދެ ސީޒަނުން އެކަން އަދި މި ހާސިލް ކުރެވުނީ ވިކްޓަރީއަށް އެކަންޏެވެ.

ދެވަނަ ޑިވިޝަނުގެ ފައިނަލަށް ދަތުރުކުރާ ދެ ޓީމު ފުރަތަމަ ޑިވިޝަނަށް ޕްރޮމޯޓުވާއިރު، ވިކްޓަރީއާ އެކީ ދެން ޕްރޮމޯޓުވީ މަސްއޮޑި ސްޕޯޓްސް ކްލަބެވެ.

މި މެޗަށް ވިކްޓަރީއިން ނިކުތީ އެ ޓީމުގެ މުހިންމު ކުޅުންތެރިއެއް ކަމުގައިވާ ކިރިގިސްތާނުގެ އަނަޓޯލީ ވްލަޝީޗޭފްއާ ނުލައެވެ. އެ ޓީމުން ކުއާޓާ ފައިނަލުގައި ކުޑަ ހެންވޭރު ޔުނައިޓެޑާ ބައްދަލުކުރި މެޗުގައި ހިނގި ހަމަނުޖެހުންތަކުގައި އޭނާއަށް އަނިޔާވެފައިވާތީ، އޭނާ ބޭނުންވީ މެޗު ނުކުޅެ ފުރައިގެން ދިއުމަށެވެ.

ވިކްޓަރީއިން އެމީހުންގެ ފުރަތަމަ ގޯލު ކާމިޔާބުކުރީ މެޗުގެ 25 ވަނަ މިނެޓުގައި ހުސެއިން ފައިސަލް (ފައިޓޯ)އެވެ. އެ ޓީމުގެ ދެވަނަ ގޯލު ފެނިގެން ދިޔައީ ދެވަނަ ހާފުގައެވެ. އެއީ މެޗުގެ 67 ވަނަ މިނެޓުގައި ރިޒްކޯ ކާމިޔާބުކުރި ގޯލެކެވެ.

ވިކްޓަރީއިން މި ސީޒަނަށް ނިކުތީ ޓީމު ވަރުގަދަކުރުމަށް، ފުރަތަމަ ޑިވިޝަނުގައި ކުޅެފައިވާ ގިނަ ކުޅުންތެރިންތަކެއް ގޮވައިގެންނެވެ. އަދި މިއީ ސޮބާހު މުހައްމަދު (ސޮބާ) އިރުޝާދުގެ ދަށުން، ދެ ވަނަ ޑިވިޝަނުން ޓީމެއް ފުރަތަމަ ޑިވިޝަނަށް ޕްރޮމޯޓްވި ދެ ވަނަ ފަހަރެވެ. މީގެ ކުރިން، 2016 ވަނަ އަހަރު ކްލަބް ގްރީން ސްޓްރީޓްސް ފުރަތަމަ ޑިވިޝަނަށް ޕްރޮމޯޓްވީ ވެސް ސޮބާގެ އިރުޝާދުގެ ދަށުންނެވެ.  

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.