Advertisement

28 Dec 2023
ކުޅިވަރު
މިފްތާޙް މުޙައްމަދު

ފުރަތަމަ ޑިވިޝަނަށް އެރުމަށް ކުރާ މަސައްކަތުގައި ވިކްޓްރީއިން މިއަދު އާ ބާބެއް ފަށާނެ

މި އަހަރުގެ ދެވަނަ ޑިވިޝަން ފުޓުބޯޅަ މުބާރާތުގައި ވިކްޓްރީ ސްޕޯޓްސް ކުޅޭ ފުރަތަމަ މެޗު މިއަދު ގަލޮޅު ދަނޑުގައި އޮންނާނެއެވެ. ހަވީރު 3:50 ގައި ފެށުމަށް ހަމަޖެހިފައިވާ މި މެޗުގައި ވިކްޓްރީއިން ނިކުންނާނީ ކްލަބް ޕީކޭއާ ދެކޮޅަށެވެ.

މި މެޗަކީ ގްރޫޕް-ސީގެ ފުރަތަމަ މެޗެވެ. މި ގްރޫޕުގައި މި ދެ ޓީމުގެ އިތުރުން ދެން ހިމެނެނީ ލޮރެންޒޯ ސްޕޯޓްސް ކްލަބް، ބިސްބުރު ސްޕޯޓްސް އަދި ލެގޫންސް ސްޕޯޓްސް ކްލަބެވެ.

މި އަހަރުގެ ދެވަނަ ޑިވިޝަނުގައި 15 ޓީމު ވާދަކުރާއިރު ކޮންމެ ގްރޫޕަކުން ވެސް ދެ ޓީމު ކުއާޓާއަށް ދަތުރުކުރާނެއެވެ. މީގެ އިތުރުން ތިން ވަނައަށްދާ ޓީމުތަކުގެ ތެރެއިން އެންމެ ރަގަޅު ދެ ޓީމަށް ވެސް ކުއާޓާއިން ފުރުސަތު ލިބޭނެއެވެ. އަދި ފުރަތަމަ ޑިވިޝަނަށް ޕްރޮމޯޓުވާނީ ފައިނަލަށްދާ ދެ ޓީމެވެ.

މިދިޔަ އަހަރުގެ ދެވަނަ ޑިވިޝަނުގައި ވެސް ވިކްޓްރީއިން ވަނީ ވާދަކޮށްފައެވެ. އެ މުބާރާތުގައި 16 ޓީމެއް ވާދަކުރިއިރު، މުބާރާތް ކުރިޔަށް ގެންދިޔައީ ގްރޫޕްގެ އެއްވަނަ ޓީމާއި ދެވަނަ ޓީމު ސެމީ ފައިނަލަށް ދަތުރުކުރާ ގޮތަށެވެ. ނަމަވެސް 7 މެޗުން ލިބުނު ޖުމްލަ 10 ޕޮއިންޓާއެކީ ވިކްޓްރީއަށް ޖެހުނީ ސެމީއަށް ނުގޮސް، މުބާރާތުން ވަކިވާށެވެ.

މި އަހަރުގެ މުބާރާތަށް ތައްޔާރުވުމަށް ވިކްޓްރީއިން އިތުރަށް މަސައްކަތްކޮށްފައިވާކަން ފާހަގަ ކުރެވެއެވެ. އެގޮތުން އެ ޓީމުގެ ކްޕެޓަންކަން ކުރިންކޮށްފައިވާ، އަދި ގައުމީ ޓީމަށް ގިނަ މެޗުތަކެއް ކުޅެދިނުމަށްފަހު މިހާރު ކޯޗުކޮށްދިނުމުގައި ހަރަކާތްތެރިވާ ސޮބާޙް މުޙައްމަދު އިބްރާޙިމް (ސޮބާ) ވަނީ އެ ޓީމަށް ގެނަސްފައެވެ. އަދި ސޮބާއާ އެކު އަކުރަމް އަބްދުލް ޣަނީ އާއި މުހައްމަދު އުމޭރު ވެސް ވަނީ މި އަހަރުގެ ފެބުރުއަރީ މަހު ވިކްޓްރީއަށް ސޮއިކޮށްފައެވެ.

އުމެއިރު (ކ)، ސޮބާ (މ) އަދި އަކޫ (ވ)

ކުރީގެ ކުޅުންތެރިންނަށް މުސާރަ ދީފައި ނުވުމުން، ގާތްގަނޑަކަށް ތިން އަހަރު ވަންދެން ފުޓުބޯޅައިގެ ހުރިހާ ހަރަކާތްތަކުން ސަސްޕެންޑް ކޮށްފައި އޮތް ވިކްޓަރީ ސްޕޯޓްސް ކްލަބްގެ ސަސްޕެންޝަން އުވައިލުމަށް އެފްއޭއެމްގެ ކޮންގްރެސް އިން ފާސްކުރީ މިދިޔަ އަހަރުގެ ޖޫންމަހުއެވެ.

 އެ ނިންމުމާއެކީ އެ ޓީމުންވަނީ ފުރަތަމަ ޑިވިޝަނަށް އަނބުރާ ޕްރޮމޯޓުވުމުގެ މަސައްކަތް ފަށާފައެވެ.

ކޮމެންޓް
އިތުރު އާޓިކަލް
04 Apr 2025
މޯލްޑިްވްސް ޕޮލިސް ސަރވިސް
ގިނަ ބަނގުރާ ފުޅުތަކަކާއެކު ބިދޭސީއަކު ހުއްޓުވައިފި
ބޮނަކުއާ ފުޅިތަކަކަށް ބަނގުރާ އަޅާއިގެން ވޭނެއްގައި ހުޅުމާލޭގައި ދުއްވަމުން ދިޔަ ބިދޭސީއަކު ފުލުހުން ރޭ ހުއްޓުވައިފިއެވެ.
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.